¹ Jehova, nduwe Leza wangu; Ndiyokusumpula, ndalumbayizya izina lyako; nkambo wachita zintu zigambya, zintu zyakabambidwe kale kale, mukusyomeka kulondokede. ² Nkambo wakachita munzi kuba chitantaala, myuunzi isimide, itongo, alimwi mayubilo abazwakule kutaba munzi. ³ Nkaambo kako bantu basimide balokulemeka; munzi wabatakwe luzyalo uyokuyoowa. ⁴ Nkambo mwakali masena akwabilidwe nkambo kamuchete, ang'anda kuloyo ubulide mumapenzi - ang'anda kuzwa kumvula ilaluuwo acheenzule kuzwa mukupya. Eelyo kuyoya kutakwe luzyalo kwakali mbuli imvula ilaaguwo kilwisya bulambo, ⁵ alimwi mbuli kupya munyika yachimpayuma, ulabombya chikwala chabazwakule, mbuli kupya mbuku bombesegwa acheenzule chajoba, aboobo lwiimbo lwaba fwidilidwe luzyalo lwasandulwa. ⁶ Atala achilundu cha Jehova wamakamu uyochitila bantu boonse pobwe lyazintu zilamafuta, mawayini aasalidwe, anyama ntete, apobwe mumandumba. ⁷ Uyonyonyona achilundu chivumbyo atala lyabantu boonse, amulilo wankuni atala lyazisi zyoonse. ⁸ Uyomena lufu lyoonse, alimwi Mwami Jehova uyosindulula misozi kuzwa kumasyu woonse; uyogwisya mapenzi abantu bakwe kuzwa kunyika yoonse, nkambo Jehova wachaamba. ⁹ Chiyowambwa abuzuba oobo, ''Langa, oyu ngu Leza wesu; wakamulindila, alimwi uyotufutula. Oyu ngu Jehova; twakamulindila, tuyokondwa akubotelwa mulufutuko lwakwe.'' ¹⁰ Nkambo achilundu echi ijanza lya Jehova liyoolyokezya, alimwi Mowabbu uyolyatawidwa aansi mubusena bwakwe, nichiba chisinino chili lyatawidwe ansi mukkomba lizuzigilwe ambolezi. ¹¹ Bayokkwazamuna maanza abo akkati kalyo, mbuli sikuyamba, mbwakwazamuna manza akwe kuti ayambe. Pesi Jehova uyoselusya kulisunzuula kwabo nikuba kukonzya kwamanza aabo. ¹² Bulambo bwanu bulamfu buloseluzigwa ansi kuntundubwi, kulusuko.