¹ Aboobo zyoonse zyazeezi ndazibika kumoyo wangu, kuti zimvwika kabotu, alimwi ndakaziba kuti baluleme abasongo, alimwi zyoonse nzibachita, zili mujanza lya Leza, pesi takwe pe uzi naa nduyando naa ndusulo lumulindide. ² Umwi awumwi ulasikilwa bweelene, izisikila bantu baluleme abantu basizibi, ibubotu, (zimwi nsandwido zyalino zyendelana ansandululo zyachiindi eezyo zilabubotu abubi, muli yeeyi nzila, bachita kuti munchali umaninine. Bsanduzi balayeeya kuyiiya mbabo) basalala abatasalali, alimwi awumwi upayila ayooyo utapayili. Mbuli bantu babotu mbubayoofwa, nkokuti awalo sizibi. Mbuli umwi oyo ukonka uyoofwa, aboobo oyo muntu uyoowa kuchita chikonke. ³ Kuli chintu chabubi kuli zyoonse ansi ezuba, chichitiko nchichonya chilachitikila kuli mbabo boonse. Myoyo yabantu ilizwide bubi, alimwi busondosi buli mumyoyo yabo nibachipona. Aboobo kuzwa awo balayinka kubafu. ⁴ Kufumbwa ujisini abawumi boonse uli abulangizi - nikuba mubwa upona ulimbubombubo kwinda mulavu ufwide. ⁵ Nkaambo abo bawumi balizi kuti bayoofwa, pesi bafwide tabezi chintu. Tabachikwe mpindu nkambo tawepe nchibachiyeeya. ⁶ Luyando lwabo, lusulo lwabo, alimwi ebbivwe lyakamwayika chiindi. Tabachiyojani lubo pe busena muzintu zichitwa aansi azuba. ⁷ Koya enzila yako, kolya chinkwa chako chakukondwa, alimwi konywa wayini wako amoyo ubotelwa, nkambo Leza watambula kale inchito zyako. ⁸ Chita kuti izisamo zyako kazituba amutwe wako, kawunanikidwe mafuta. ⁹ Kondelelwa buumi bwako amwanakazi wako ngoyanda mazuba woonse ayo abuumi bwabuyo. Nkambo eyi njimpindu yabuumi nkambo kamibeleko miyumu njiwakabeleka ansi ezuba. ¹⁰ Kufumbwa ijanza lyako nchilikonzya kuchita ukabeleke changuzu zyako nkambo takwe pe mulimu nibuba bupanduluzi naa luzibo nibuba busongo mukabanda, oomo moyobuya. ¹¹ Ndakabona zintu zibotezya ansi ezuba: muzundano tuuzwi kubantu basiluno pe. Chinkwa tachizwi kubantu balabusongo pe. Buvubi tabuzwi kubantu bamvwisisisya pe. Luyando taluzwi kubantu balaluzibo pe. Kakuli oobo, chiindi amwenya zyoonse zilabasikila. ¹² Nchobeni, takwepe naba omwe uuzi chiindi chakwe nichiyooza. Mbuli inswi mbozichegwa mukazamba kabi, naa bayuni balachegwa mukakole, bana babantu balachegwa azyiindi zyabubi ezyo zifwamba kwinda alimbabo. ¹³ Alubo ndakabona busongo alimwi ansi azuba munzila yalikuboneka kilimpati kulindime. ¹⁴ Kwakali umwi muunzi munini wakali abaalumi bache mukati, alimwi mwami mupati wakeza kuzowulwanisya, wakawuzyunguluka akuyaka ziyubilo zipati. ¹⁵ Lino mumunzi oomo mwakajanika mwalumi muchete, mwalumi musongo, oyo busongo bwakwe bwakavuna munzi. Kakuli boobo, takwepe naba omwe wakazomuyeeya ulya mwalumi muchete. ¹⁶ Aboobo ndakamaninizya kanditi, ''Busongo mbubotu kwinda nguzu, pesi busongo bwa mwalumi muchete bulanyansigwa, alimwi amajwi aakwe taamvwigwa pe.'' ¹⁷ Majwi abantu basongo wambulwa chumunizi alamvwikka obotu kwinda kwakoompolola kwawumwi mwendelezi akati kaba fubafuba. ¹⁸ Busongo mbubotu kwinda zilwanisyo zyankondo, pesi uumwi sizibi ngabulabozeka bubotu bwiingi.