¹ Mbuli inzinini zifwide zilachitya kununkilila kwamafuta kuti kununke, mbubonya bufubafuba bunini bulazunda busongo abulemu. ² Moyo wamuntu musongo ulamutola kuchilisyo, pesi moyo wamufubafuba ulamutola kuchimweensi. ³ Kuti mufubafuba wakunukila munzila, akuyeeya kwakwe nkuche, kuyeeya kwakwe nkuche, kulibonia kuli umwi awumwi kuti mufubafuba. ⁴ Naa bukali bwamwendelezi, bwakubukila utaleki pe mulimu wako. Kuumuna kulakonzya kumuzya bukali. ⁵ Kuli bubi mbundakabona aansi azuba, musyobo wabubi, obu buzwa kumwendelezi: ⁶ Bafubafuba mbibapegwa zyuuno zyabuzulwidi, kakuli baalumi bavubi mbibapegwa zyuuno zilaansi. ⁷ Ndakabona bana bazike kabayenda ambongolo, mpawo bana babaami kabeendela anyika mbuli bazike. ⁸ Ooyo uusya idindi uyowida mulindilyo, alimwi kufumbwa udoonkola bulambo nga uyolumwa anzoka. ⁹ Kufumbwa ugonka mabwe nga alamupwaya, alamwi mwalumi sikugonka zisamu uyolichisa anzizyo. ¹⁰ Naa mulomo walubulo wasiba kutachibosyi, alimwi mwaalumi do tewawunona, awo ulelede kuvuzya inguzu nyingi, pesi busongo bulapa mweenya wakuzwidilila. ¹¹ Naa inzoka yaluma kitana koondolwa, mpawo ngataachikwe chilangililo chasikoondola. ¹² Majwi amumulomo wamwalumi musono alijisi luzyalo, pesi milomo yamufubafuba musongo ilamumana. ¹³ Mbuli majwi atanguna kutuntuumuka kuzwa kumulomo wamufubafuba, bufubafuba bulazwa aanze, alimwi kumamanino mumulomo wakwe mulatuntumuka bubi bwakupenga. ¹⁴ Mufubafuba ulavuzya majwi, pesi atakwe umwi uuzi kuti niinzi chiboola. Ngwani uzi chizobumutobelela musulakwe? ¹⁵ Milomo yamufubafuba ilabakatazya, zyakuti tabachizi niba inzila iiya kudolopo. ¹⁶ Maawe kuli nduwe, nunyika, naa mwami wako mulombe muniini, alimwi naa bazulwidi bako basanguna kupobola muchifumo! ¹⁷ Pesi ulilongezezegwe, nonyika, naa mwami wako mwana mulombe wabulemu, alimwi naa bazulwidi bako balya chiindi cheeledwe, nkambo kanguzu, alimwi peepe nkambo kabudakwi! ¹⁸ Nkambo kabutolo lululi lwawida mukati, alimwi nkambo kamaanza matete ing'anda ilazuza. ¹⁹ Bantu babamba chilyo chakuseka, wayini uleta lukondo kubuumi, amali ilazuzikizya ziyandikana zyoonseni. ²⁰ Utatukili mwami, nimuba mumizeezo yako, alimwi utatukili bantu bavubi mung'anda yakoona. Nkambo kayuni kamumulengalenga kalabweza majwi aako; kufumbwa chila mababa chilakonzya kumwaya kaambo kako.