¹ Langisisya nzila zyako nuya kunga'anda yaLeza. Inka afwiifwi ukaswiilizye kwiinda kupa chipayizyo chabafubafuba, batamvwisisisyi kuti balikuchita chitaluleme. ² Utanofwambaani kwambuula amulomo wako alimwi utalekeli moyoy wako kuti ufwambaane kuchita kufumbwa kaambo kunembo lyaLeza. Leza ulikujulu pesi nywebo muli aansi, aboobo majwi aanu aacheye. ³ Na koli aazintu zyiingi zyakuchita akulikataazya anzizyo, ulakonzya kuba aamaloto mabi. Mukuvula kwamajwi ngowambuula, nkukuvula kwazintu zyabufubafuba nzokonzya kwaamba. ⁴ Eelyo nochita chikonke kuli Leza, utanonoki kuchichita nkaambo Leza takwe chakuchita abafubafuba. Chita nchiwakonkezya kuti ulachita. ⁵ Chilimbubo kuti utachiti chikonke kwiinda kuchita chimwi nchotakonzyi kuchita. ⁶ Utazumizyi mulomo wako kuti uchitye muuya wako kuti ubisye. Utaambi kuli simutolatwaambo wamupayizi kuti, ''Chikonke eechiya bwakali bulewusi.'' Nkaambonzi nimunyemya Leza mukukonka chakubeja, kamunyemya Leza kuyti kujaye milimu yamanza enu? ⁷ Nkaambo aawo nikwaba maloto miingi amajwi miingi, ngabuyo. Pesi, amuyowe Leza! ⁸ Eelyo nimubona bachete nibalikudyamizigwa akubbidwa bululami akujatwa kabotu muchisi chenu, utagambi nikuba takwe uzi, nkaambo kulibantu bali aanguzu balangisisya aabo bali aansi lyabo, alimwi mpubali bali aajulu lyabo. ⁹ Mukuyungizya, butebuzi bwanyika mbwamuntu woonse, alimwi mwami mwini ulabweza butebuzi kuzwa mumyuunda. ¹⁰ Kufumbwa uyandisya nsiliva takoyokutisikana ansiliva, alimwi uyandisya bunoti uyanda zyiingi. Eechi achilacho nchabuyo. ¹¹ Kuzwidilila nikwayinkilila kunembo, abantu babulya balavula. Mbubotuunzi buli mubuvubi kulimunaabo kunze kwakububona amenso aakwe? ¹² Koona kwamuntu uubeleka nkunono, nikuba walya ziche na zyiingi, pesi buvubi bwamuntu munoti tabumuzumizyi pe kuti awone kabotu. ¹³ Kuli chibi nchindakabona aansi azuba: bunoti bwiindilide mbubwamunaabo alimwi buleta mpindu mukuusa kwakwe. ¹⁴ Eelyo muvubi nasweekelwa bunoti bwakwe kwiinda mukubula cholwe, mwana wakwe mulombe ngwakazyala takwe nchayochaala acho pe mumaboko akwe. ¹⁵ Mbuli muntu mbakazwa muda lyabanyina, aboobo lubo uyokkala maya. Takoyoobweza naba womwe muchelo ngwayotebula mukubeleka kwamanza akwe. ¹⁶ Chimwi chibi ncheechi, mbuli muntu mbaza, aboobo uyoyenda. Aboobo kuli mpinduunzi kuliwoyo uubelekela muuwo? ¹⁷ Kwamazuba akwe ulalya mumudima alimwi ulawusa chakwiindilila mukuchiswa amulunyemo. ¹⁸ Langa, niinzi nchindabona kachili kabotu mpawo kacheelede kumuntu kuti alye, anywe alimwi ajane kubotelwa mukubeleka kwakwe natebula aansi azuba kwamazuba aakwe aayo Leza ngaamupa. Nkaambo ooyu mulimu wamuntu. ¹⁹ Kufumbwa muntu ooyo Leza ngwakapa bunoti abuvubi anguzu kuti atambule lukono lwakwe akubotelwa mubutebuzibwakwe - eechi nchipo kuzwa kuli Leza. ²⁰ Nkaambo tayeeyi chiindi chiingi mazuba aabumi bwakwe akaambo kakuti Leza umuchita kuti ukkale kabeleka kuzintu nzyabotelwa kuchita.