¹ Elisya wakati, ''Mvwa jwi lya Jehova. Oobu mbubo mbawamba Jehova: 'Junza kuchiindi eechino busu bunante buyowuzigwa kusyekeli, alimwi myeelwe yobile ya bbali kusyekeli, kumulyango wa Samaliya''' ² Mpawo muzuluzi ooyo mumaboko akwe mwaami mwakayeeme wakasandula muntu wa Leza, alimwi wakati, ''Bona, nikuba Jehova wachita zimpulunguzyo kujulu, kujana eechi chintu chachitika na?'' Elisya wakasandula, ''Bona, uyoocheebela kachilikuchitika amenso aako nomwini, pesi tokoyoolya chimwi chacho.'' ³ Lino kwakali baalumibone bakali aachipele kuzwa biyo mulyango wa chisi. Bakati kuliwumwi awumwi, ''Nkaambonzi nitukkala aawa kusikila tukafwe? ⁴ Na twaamba kuti tuliinka muchisi, mpawo nzala ili muchisi, alimwi tuyoofwa nkuko. Pesi na twakkala aawa, tuyoofwida aano kale. Lino mpawo, muze, atwiinke kunkamu ya basilumamba ba ma Alamini. Na batubamba katuli buumi, tuyoopona, alimwi na batujaya, tuyoofwa biyo.'' ⁵ Aboobo bakanyampuka golezya kuya mumusasa wa ma Alamini; eelyo nibasika aakati kamusasa, takwe wakaliwo pe aawo. ⁶ Akaambo kakuti Mwaami wakachita lumamba lwa Alamini kumvwa musindo wa nkalaki, alimwi amusindo wambongolo-musindo walumwi lumamba lupati, alimwi bakati kuliwumwi awumwi, ''Mwaami wa Isilayeli watamba baami ba ba Hiti a ba Ijipiti kuzotulwana.'' ⁷ Aboobo basilumamba bakanyampuka alimwi bakachija kumagolezya; bakasiya matente aabo, madonki aabo, alimwi musasa mbuli mbuwakabede, alimwi bakachija amawumi aabo. ⁸ Eelyo baalumi bakali aachipele nibakanjila mukati kamusasa, bakanjila muli limwi tente aimwi bakalya akunywa, alimwi bakabweza nsiliva angolide azizwaato, alimwi bakayinka kuyozisisa. Bakaboola alimwi bakanjila muli limwi tente alimwi bakabweza buvubi kuzwa ooko alubo, alimwi bakayinka akuyoosisa. ⁹ Mpawo bakati kuli wumwi awumwi, ''Tatulikuchita ziluzi pe. Eeli zuba ndizuba lyamakani mabotu, pesi tuluumwide aatala andilyo. Na twiimikila kusikila bukache, chisubulo chiyotusikila. Lino mpawo, muze, atwiinke tukaambile ben'anda ya mwaami.'' ¹⁰ Aboobo bakayinka alimwi bakayinta basikulinda mulyango wachisi. Bakabaambila, kabati, ''Twayinka kumusasa wa ba Alamini, pesi takwe waliko pe, nikuba musoso wawumwi, pesi kwali mbongolo zyaangidwe, alimwi madonki kaangidwe, alimwi matente mbulimbaabede.'' ¹¹ Mpawo basikulinda milyango bakoompolola makani, alimwi mpawo zyakaambwa mukati kampuli yamwaami. ¹² Mpawomwammi wakabuka mansiku alimwi wakati kubalanda bakwe, ''Lino ndiyoomwaambila eezyo ba Alamini nzibatuchitila. Balizi kuti tuli enzala, aboobo bazwa aanze lwamusasa kuyoliyubika mumyuunda. Bakali kuti, 'Eelyo baakuzwa mchisi, tuyobabweza kabali bawumi, alimwi tukanjile muchisi.''' ¹³ Umwi wabalandaba mwaami wakasandula alimwi wakati, ''Ndakukombelezya, leka bamwi baalumi babweze mbongolo zili musanu zisyeede, zisyeede muchisi. Ali mbuli kabunga ka Izilayeli kasyeede-biingi bakafwa; ngatubatume alimwi tubone.'' ¹⁴ Aboobo bakabweza nkalaki zyobile ambongolo, alimwi mwaami wakabatuma musule lya lumamba lwa ba Alamini, wakati, ''Mwiinke alimwi mukabone.'' ¹⁵ Bakabatobela musule lyabo kuyoosika ku Jodani, alimwi migwagwa yoonse yakazwide zizwaato azibelesyo eezyo ba Alamini nzibakasowa mukuchija kwabo. Aboobo batumwa bakabweeda alimwi baambila mwaami. ¹⁶ Bantu bakiinka akuyomwaya musasa wa ba Alamini. Aboobo mweelwe wa busu bunante wakali kuuzigwa syekeli, alimwi myeelwe yobile ya bbali ku syekeli, mbuli jwi lya Jehova mbulyakaambide. ¹⁷ Mwaami wakali walayilila muzululi ooyo mumaboko aakwe mwakaseyeme kuti abe sikulinda mulyango, alimwi bantu bakamulyatawukila amulyango. Wakafwambuli muntu wa Leza mbakali waamba, ooyo wakaambuula eelyo mwaami nakaza kulinguwe. ¹⁸ Aboobo zyakachitika mbuli muntu wa Leza mbakaambide ku mwaami, kuti, ''Kuli eechi chiindi ku mulyango wa Samaliya, myeelwe yobile yabbali inoojanika a syekeli, alimwi amweelwe wa busu bunante ku syekeli.'' ¹⁹ Muzululi ooyo wakasandwide muntu wa Leza alimwi wakati, ''Bona, nikuba Jehova wachita zimpulunguzyo kujulu, kujana chintu eechi chachitika na?'' Elisya wakatedi, ''Bona, uyoochibona kachili kuchitika amenso aako mwini, pesi tokoyoolya chimwi chacho.'' ²⁰ Eezyo nzizyo loko zyakachitika kuli nguwe, nkaambo bantu bakamulyatawuka amulyango, alimwi wakafwa.