¹ Mumazuba a Jehoyiyakkimu, Nebbukkadineza mwami wa Bbabbiloni wakalwisya Juda; Jehoyiyakkimu wakaba mulanda wakwe kwaminyaka iitatu. Mpawo Jehoyiyakkimu wakapiluka akupapa kwiminana a Nebbukkadineza. ² Jehova wakatumina kulangana a Jehoyiyakkimu nkamu zyaba Chaludi, zyaba Alamu, zyaba Mowabbu, azyaba Amoni; wakabatuma kukulwisya Juda kuti bamunyonyoone. Eechi chakali kusinizya ajwi lya Jehova elyo lyakali lyaambwa kwinda mubalanda bakwe basinsimi. ³ Chakali mbubobo kumulomo wa Jehova kuti echi chizide ali Juda, kubagwisya kuzwa kubusyu bwakwe, nkambo kazibi zya Manase, (zyoonse ezyo nzyakachita, aamwi malembe achindi achi Hebbelu awamba kuti, chakali boobo akambo kabukali bwa Jehova) ⁴ alimwi akambo kabulowa butakwe mulandu mbwakatila, nkambo wakazuzya Jelusalemu abulowa butakwe mulandu. Jehova takali kuyanda kulekelela echo. ⁵ Zyaamwi makani ayendelana a Jehoyiyakkimu, akulizezyo zyoonse nzyakachita, sena tazilembedwe mubbuku lyazichito zyabaami ba Juda? ⁶ Jehoyiyakkimu wakoona abasikale bakwe, alimwi Jehoyiyada mwanakwe mulombe wakaba mwami mubusena bwakwe. ⁷ Mwani wa Ijiputi takalwisya limbi kuzwa kunyika yakwe, nkambo mwami wa Bbabbiloni wakali wazunda nyika zyonse eezyo zyakali kwendelezegwa amwami wa Ijiputi, kuzwa kukalonga ka Ijiputi kusika ku Mulonga Yufuleti. ⁸ Jehoyiyakkimu wakali aminyaka ilikkumi amusanu ayitatu nakatalika kwendelezya mu Jelusalemu myeezi itatu. Izina lyabanyina wakali Nehushita; wakali mwana musimbi wa Elinatani waku Jelusalemu. ⁹ Wakachita bubi mumenso a Jehova; wakachita eezyo wisi nzyakachita. ¹⁰ Kuchindi echo impi ya Nebbugadineza mwami wa Bbabbiloni yakalwisya Jelusalemu alimwi yakazyunguluka munzi. ¹¹ Nebbugadineza wakaza kudolopo awo basilumamba bakwe nibakali kulilwisya, ¹² alimwi Jehoyiyakkini mwami wa Juda wakazwa kuya kumwami wa Bbabbiloni, lwakwe, banyina bakwe, balanda bakwe, bana bakwe balombe, abasimilimo bakwe. Mwami wa Bbabbiloni wakamujata mumunyaka wamusanu ayitatu yabwendelezi bwakwe. ¹³ Nebbegadineza wakabweza kuzwa nkuko zyonse zintu zyamubulemu mung'anda ya Jehova, azezyo zyakali mung'anda ya mwami. Wakagonkola mutumpanzi zyoonse zibumbwa zyangolide ezyo Solomoni mwami wa Izilayeli nzyakali wapanga mung'anda yakukombela Leza, mbuli Jehova mbwakali waamba kuti ziyochitika. ¹⁴ Wakabikka Jelusalemu yoonse mubuzike, bazulwidi bone, alimwi abalumi basikulwana boonse, zyuulu zili kkumi zyabaange aboonse babezi abafuzi. Takukwe wakachaala adoo bantu bachete loko munyika. ¹⁵ Nebbugadineza wakabika Jehoyiyakkini mubuzike ku Bbabbiloni, antomwe abanyina bamwami, banakazi, basimilimo, abaalumi baami banyika. Wakababika mubuzike kuzwa ku Jelusalemu kuya ku Bbabbiloni. ¹⁶ Baalumi bonse basikulwana, zyuulu zili musanu azibili mumweelwe, achuulu chmwe chababezi abafuzi, boonse kabelela kukulwana - mwami wa Bbabbiloni. ¹⁷ Mwami wa Bbabbiloni wakachita Mataniya, mukulana wawisi wa Jehoyiyakkini, mwami mubusena bwakwe, alimwi wakasandula zina lyakwe kuba Zedekkiya. ¹⁸ Zedekkiya wakali amyaaka ilimakkumi aabili awumwi nakatanguna kwendelezya; wakeendelezya myaka ilikkumi awumwi mu Jelusalemu. Izina lyabanyina kali Hamutali; wakali mwana musimbi wa Jelemiya uzwa ku Libbina. ¹⁹ Wakachita bubi mumenso a Jehova. Wakachita zyoonse ezyo Jehoyiyakkimu nzyakali wachita. ²⁰ Kwinda mulunyemo lwa Jehova zichito zyoonse ezi zyakachitika mu Jelusalemu amu Juda, kuyosikila wabatanda kuzwa mumenso akwe. Mpawo Zedekkiya wakapapila mwami wa Bbabbiloni.