¹ Josiya wakali aminyaka ili musanu ayitatu nakatalika kwendelezya; wakeendelezya mu Jelusalemu myaka ili makkumi aatatu awumwi. Izina lyabanyina wakali Jedida ( wakali mwana musimbi wa Adiyiya waku Bbozikkati). ² Wakachita chiluleme mumenso a Yahuwe. Wakeenda munzila yoonse ya Devidi sikale wakwe, alimwi taakwe nakachebuka nekuba kululyo na kulu mwensi. ³ Chakaba kuti mumwaka wamusanu ayitatu wa Mwami Josiya wakatuma Sofami mwana mulombe wa Azaliya mwana mulombe Mesulamu, mjulembi, mung'anda ya Jehova, kawamba kuti, ⁴ ''Koya kuli Hilikkiya mupayizi mupati akumwambila kuti abale mali eeyo yakaletwa mung'anda ya Yahuwe, eeyo balindizi bachikombelocha Leza njibakabungika kuzwa kubantu. ⁵ Ipegwe mukuboko kwabasimilimo balanga ng'anda ya Yahuwe, alimwi ubaleke bayipe basimilimo bali mung'anda ya Yahuwe, kuti babambulule zyakapwanyika muchikombelo cha Leza. ⁶ Bapemali kubabezi, bayaki, ababambi bamabwe alimwi bawule masamu akubeza mabwe akubambula chikombelo cha Leza.'' ⁷ Pesi taakwe taakwe kubuzigwa kwakayandika aa mali eeyo yakapedwe kuli mbabo, nkambo bakiijata chakusyomeka. ⁸ Hilikkiya mupayizi mupati wakamba kuti kuli Safai mulembi, ''Ndajana bbuku lyamulawu mung'anda ya Yahuwe.'' Mpawo Hilikkiya wakapa bbuku kuli Safani, alimwi wakalibala. ⁹ Safani wakayinka akuyobweza bbuku, kumwami, alimwi wakamuletela makani, kawamba kuti, ''Balanda bako babelesya mali eeyo yakajanwa muchikombelo cha Lezaakwiipa mukuboko lwabasimulimo aabo balanga ng'anda ya Yahuwe.'' ¹⁰ Eelyo Safani mulembi wakaamba kuti kumwami, ''Hilikkiya mupayizi wandipa bbuku.'' Mpawo Safani wakalibala kumwami. ¹¹ Chakaba kuti mwami nakamvwa majwi amulawo, wakadelula zyakusama zyakwe. ¹² Mwami wakalayilila Hilikkiya mupayizi, Ahikkamu mwana mulombe wa Safani, Akkibba mwana mulombe wa Mikkayiya, Safani mulembi, a Asayiya, mulanda wakwe, kawamba kuti, ¹³ ''Koya akuyondibuzizya Yahuwe, abantu aba Juda boonse, nkambo kamajwi amubbuku eelyo lyakajanika. Nkambo lunyemo lwa Yahuwe ndupati oolo ndwakabusya atala aandiswe nkaambo kabasikale besu tebakaswilila pe kumajwi amabbuku eli mbubonya kukulemeka choonse chakalembedwe aatala aandiswe.'' ¹⁴ Mpawo Hilikkiya mupayizi, Ahikkamu, Akkibba, Safani, a Asayiya bakayinka kuli Haluda musinsimi wachanakazi, mwanakazi wa Shalumu mwana mulombe wa Tikiva mwana mulombe wa Hahasi, mulangi wamuzyakusama. (wakali kukkala mu Jelusalemu mulubazu lwabili) alimwi wakambula anguwe. ¹⁵ Wakaamba kuti kulimbabo, ''Ncheechi Yahuwe, Leza wa Izilayeli, nchawamba: 'Amwambile muntu wakamutuma kulindime, ¹⁶ ''Ncheechi Yahuwe nchawamba: 'Bona, Ndiyoyeta lunyonyooko kubusena oobu akubakkali, mbuli choonse chilembedwe mubbuku eelyo mwami wa Juda ndyakabala. ¹⁷ Nkambo bakandisowa akuumpa tununkilizyo kuli baleza baambi, chakuti bandinyemye amilimo yoonse njibakachitide - nkinkaako bukkali bwangu bwakabuka aatala abusena oobu, alimwi tabukoyozimwa pe.''' ¹⁸ Pesi kumwami wa Juda, oyo wakamutuma kubuzya kuyanda kwa Jehova, ncheechi nchomuyowamba kuli nguwe: ''Yahuwe, Leza wa Izilayeli waamba eechi: Aatala amajwi aayo ngwakamvwa, ¹⁹ nkambo moyo wako wakabomba, alimwi nkambo wakalifwinsya kunembo lya Yahuwe, niwakamvwa nchindakaamba aatala abusena oobu abakkali bwabo, kuti bayooba matongo alutuko, alimwi nkambo wadelula zyakusama zyako akulila kunembo lyangu, ambebo ndaswilila kuli nduwe - ooku, nkuluula kwa Yahuwe. ²⁰ Bona, ndiyokubungika kuli basikale bako, alimwi uyobunganisigwa kukabanda kako muluumuno. Menso aako takwe kuyobona lunyonyooko lonse ollo ndunjoleta atala abusena obu,'' Mpawo baalumi bakajosya makani kumwami.