¹ Mumazubayo Hezekkiya wakachiswa kusika lumwi wamba kufwa. Mpawo Isaya musinsimi mwana mulombe wa Amozi, wakasika kuli nguwe, akwamba kuti, ''Bamba obotu ng'anda yako; nkambo uyofwa, akutapona.'' ² Eelyo Hezekkiya wakachengunusya busyu bwakwe kubulambo mpawo wakakomba kuli Jehova, kawamba kuti, ³ ''Inchekaka, Jehova, koyeeya mbundakeenda chakusyomeka kunembo lyako amoyo wangu woonse, ambundakachita chakali chibotu kumenso aako.'' Eelyo Hezekkiya wakakwilisya loko. ⁴ Isaya katana kuzwa anze akakkati kalubuwa lwamukkati, ijwi lya Jehova lyakasika kuli nguwe, kalyamba kuti, ⁵ ''Bweda musule, akuyowamba kuti kuli Hezekkiya, muzuluzi wabantu bangu, ncheechi Jehova Leza wa Devidi sikale wako, nchawamba; ''Ndachimvwa chikombyo chako, alimwi ndayibona misozi yako. Ndabwamba kukusilika mubuzuba bwachitatu, mpawo uyotanta kung'anda ya Jehova. ⁶ Ndiyoyungizya minyaka ilikkumi amusanu kubuumi bwako, alimwi ndiyokuvuna amunzi oyu kuzwa kujanza lyamwami wa Asiliya, mpawo ndiyokwabilila munzi oyu nkambo kandime alimwi nkambo ka Devidi mulanda wangu.'' ⁷ Aboobo Isaya wakaamba kuti, ''Bweza chikkata chankuyu.'' Bakachita mbubonya mpawo babika akanamulumbwe kakwe, mpawo wakapona. ⁸ Isaya wakamba kuti kuli Isaya, ''Niinzi echo chiyoba chitondezyo kuti Jehova uyondisilika, akuti ndelede kutanta kuchikombelo cha Jehova mubuzuba bwatatu?'' ⁹ Isaya wakasandula kuti, ''Mubuzuba chiyoba chitondezyo chako kuzwa kuli Jehova, kuti munzwide uyooya kunembo lyantamo zilikkumi?'' ¹⁰ Hezekkiya wakasandula kuti, ''Chintu chuubila nkuti munzwide ukayinke kunembo antamo zilikkumi. Pe, chita kuti munzwide ubwede musule intamo zilikkumi.'' ¹¹ Mpawo Isaya musinsimi wakakwilila Jehova, mpawo wakabwedezya munzwide musule intamo zilikkumi, kuzwa nkwakali wenda muntamo zya Ahazi. ¹² Kuchindi echo Maduku - Bbaladani mwana mulombe wa Bbaladani mwami wa Bbabbiloni wakatumina magwalo antomwe achipo kuli Hezekkiya, nkambo wakamvwa kuti Hezekkiya wakali wachiswa. ¹³ Hezekkiya wakaswilizya kumagwalo aayo, eelyo mpawo wakatondezya batumwa ng'anda yoonse yamwami azintu ziyandisi, insiliva, ngolida, tununkilizyo, amafuta alikabotu, ang'anda yakuyobweda zilibanyo zyakwe, azyonse zyakali kujanika mumaanda aakwe aziyobwedo. Takukwe nikwakali chintu mung'anda yakwe, nekuba mubwami bwakwe boonse, elyo Hezekkiya nchakata batondezya. ¹⁴ Mpawo Isaya musinsimi wakasika kumwami Hezekkiya akumubuzya kuti, ''Bantu aba bambaanzi kuli nduwe?'' Bakazwa kuli?'' Hezekkiya wakamba kuti, ''Bakazwa kunyika ilikule ya Bbabbiloni.'' ¹⁵ Isaya wakababuzya kuti, ''Bakabonaanzi mung'anda yako?'' Hezekkiya wakasandula kuti, ''Bakabona zyoonse mung'anda yangu. Takukwe akkati kazintu zyangu ziyandisi nzindakatabatondezya?'' ¹⁶ Aboobo Isaya wakaamba kuti kuli Hezekkiya, ''Swilizya kujwi lya Jehova. ¹⁷ 'Bona, mazuba aamba kusika zyonse zili mung'anda yako yabwami, zintu ezyo basikale bako nzibakayoboka kusika mubuzuba bwasunu, ziyotolegwa ku Bbabbiloni. Takukwe chiyochaala, mbwamba Jehova. ¹⁸ Bamwi balunyungu lwako mbeyozyala bayobwezegwa kuzwa kulinduwe, mpawo bayobwezegwa kuzwa kuli nduwe, mpawo bayoba bazibe kung'anda yamwami mwami wa Bbabbiloni.'' ¹⁹ Elyo Hezekkiya wakamba kuti kuli Isaya, ''Ijwi lya Jehova eelyo ndiwamba ndibbotu.'' Nkambo wakayeeya, ''Takukoonga kuyoba lumuno na akukkalinkana mumazuba aangu?'' ²⁰ Kwamakani alatala a Hezekkiya, anguzu zyakwe zyonse, ambuli mbakayaka kalambwa amufolo, ambakeeta manzi mumunzi - sena talembedwe mubbuku lyazichito zyabaami ba Juda? ²¹ Hezekkiya wakoona abasikale bakwe, mpawo mwana wakwe mulombe wakaba mwami mubusena bwakwe.