¹ Lino kuchiindi Solomoni nakamana kukomba, mulilo wakaza aansi kuzwa kujulu akusyukuta zituuzyo zyakuumpa azipayizyo, mpawo bulemu bwa Jehova bwakazuzya n'anda. ² Bapayizi tebakachili kunjila mun'anda ya Jehova nkambo kabulemu bwakwe bwakazyuzya n'anda yakwe. ³ Muchindi bantu bonse ba Izilayeli nibakabona mulilo waseluka aansi abulemu bwa Jehova atala angánda, bakakotamisya masyu aabo ansi mukazila kakuli Jehova. Bakati, ''Nkambo mubotu, nkambo chizuminano chalulemeko lwakwe chibe kwalyoonse.'' ⁴ Mpawo mwaami abantu boonse bakatula zipayizyo kuli Jehova. ⁵ Mwaami Solomoni wakatula zipayizyo zili makumi aabili atubili zyazyuulu zyamatanga ang'ombe alimwi a 120,000 mbelele ampongo. Mpawo mwaami abantu boonse bakasalazya n'anda ya Leza. ⁶ Bapayizi bakayimikila, awumwi kayimvwi nkubabelekela; ba Levi abalabo kabali azibelesyo zyakwimbisya nyimbo zya Jehova, ezyo mwaami Devidi nzyakapangide kuti ape kulumba kuli Jehova mulwimbo, ''Nkambo chizuminano chakwe chikabe kwalyonse chakusyomekesya.'' Bapayizi bonse bakalizya myeembo kunembo lyabo, mpawo, mpawo ba Izilayeli boonse bakayimikila. ⁷ Solomoni wakasalazya akati kalubuwa kunembo lya n'anda ya Jehova oko nkwakatuula chituuzyo chakuumpa achamafuta akulidilizyana, nkambo chipayililo chamukuba chakali bumbidwe techakali kukonzya pe kubweza zituuzyo zyakuumpa zituuzyo zyazilyo, amafuta ⁸ Elyo Solomoni wakachita pobwe kuchiindi echo kwamazuba alimusanu aabili, aba Izilayeli boonse kabali anguwe, imbungano mpati loko, kuzwa ku Lebbo Hamati kusika kukalonga ka Ijiputi. ⁹ Mubuzuba bwamusanu aatatu bakachita imbungano isalala nkambo bakabamba kupedekezya kwa chipayililo kwamazuba musanu aabili apobwe kwamazuba musanu aabili. ¹⁰ Mubuzuba bwamakumi abili aatatu bwamumweezi wamusanu ayibili, Solomoni wakabwedezya bantu kumyunzi yabo amyoyo kiboteledwe akukondwa nkambo kabubotu Jehova mbwakatondezya kuli Devidi, Solomoni, aba Izilayeli, bantu bakwe. ¹¹ Nkinkaako Solomoni wakamaninsya n'anda ya Jehova an'anda yakwe. Zyoonse eezyo zyakasika mumoyo wa Solomoni kuti achite mun'anda ya ¹² Jehova amun'anda wakalibonia kuli Solomoni mansiku akwamba kuti kulinguwe, ''Ndamvwa inkombyo yako, alimwi ndasala busena obu kuba bwangu mbuli n'anda yakupayilila. ¹³ Atwambe kuti ndajala majulu kuti kutawi imvula, na ndalayilila chisozi kuti chilye nyika, na ndatuma malwazi akati kabantu bangu, ¹⁴ eelyo na bantu bangu, bayitwa muzina lyangu, balibombya, bakomba, bayanduula busyu bwangu, akusiya nzila zyabo zyabubi, ndiyomvwa kuzwa kujulu, kulekelela chibi chabo, akusilika nyika yabo. ¹⁵ Lino meso angu ayojulika amatwi angu ayoswilila kunkombyo ziyochitwa mubusena oobu. ¹⁶ Nkaambo lino ndasala akusalazya n'anda eeyi kuti izina lyangu ngalilaba mumo kwalyoonse. Menso angu a moyo wangu ziyoba nkuko mazuba woonse. ¹⁷ Mbuli nduwe, na weenda musule lyangu mbuli wuso Devidi mbwakenda, kuswilila zyoonse nzindakulayilila akubamba milawu yangu, ¹⁸ eelyo ndiyotanga chuuno chabwami bwako, mbuli mbundakaamba muchizuminano awuso Devidi, nindakamba kuti, 'Lunyungu lwako talukoyokachilwa kuba mwendelezi mu Izilayeli.' ¹⁹ Pesi na mwaleya, akusiya milawu amilayizyo yangu njindakamubikila kunembo lyenu alubo na mwayinka akukomba baleza bambi akuba kotamina, ²⁰ eelyo ndiyobanonkoola kuzwa kunyika yangu njindakabapa. Eeyi n'anda njindakalisalila akambo kezina lyangu ndiyoyimwaya kuzwa kunembo lyangu, alimwi ndiyoyichita kuba nsesya achisesyo akati kabantu boonse. ²¹ Nekuba kuti n'anda ya Leza eyi lino ileebeka, woonse uyinda mpawo uyogamba akuyonyontooka. Bayobuzya kuti, 'Nkaambonzi Jehova naachita eechi kunyika eyi a ku n'anda eyi?' ²² Bamwi bayosandula kuti, 'Nkambvo bakakaka Jehova, Leza wabo, wakagusya basikale babo kuzwa kunyika ya Ijiputi, alimwi bakajatilila kuli baleza bambi akuba kotamina akubakomba. Nchinchicho Jehova nchakabaletela lunyonyoono olu loonse kulimbabo.''