¹ Mpawo Solomoni wakati, ''Jehova wakamba kuti uyokkala mumudima usiya mbii, ² pesi ndakuyakila ng'anda ndamfu, ibusena bwako kuti ukakkale kwalyoonse.'' ³ Mpawo mwami wakachebukila mpawo walongezya mabunga woonse aba Izilayeli, nkaachimvwi woonse mabunga aba Izilayeli. ⁴ Wakati, ''Ikaka Jehova, Leza waba Izilayeli, alumbayizigwe, oyo wakambula kuli Davida taata, mpawo wazuzikizya amaboko akwe mwini, waamba kuti, ⁵ ''Kwinda zuba elyo ndindakagwisya bantu bangu kuzwa munyika ya Ijiputi, takwe chisi nchindakasala kuzwa kumikowa yoonse ya Izilayeli kukuyaka ng'anda yangu, kuchitila zina lyangu kuti likabe nkuko. Nekuba kusala naba omwe muntu kuti akabe mwendelezi atala lyabantu bangu Izilayeli. ⁶ Nekuba boobo, ndasala Jelusalemu, kuchitila kuti izina lyangu likabe nkuko, mpawo ndasala Davidi kuti abe atala lyabantu bangu Izilayeli.' ⁷ Lino chakali mumoyo wa Davidi taata, kuti ayakile izina lya Jehova ing'anda, Leza wa Izilayeli. ⁸ Pesi wakati kuli taata Davidi, 'Mulichecho chakali mumoyo wako kuti uyakile izina lyangu ing'anda, wakachita chibotu kulinchicho kuti chiibe mumoyo wako. ⁹ Nekuba boobo, tokoyoyaka pe ng'anda; pesi, mwana wako, oyo uyozwa mumaala ako, uyoyakila ng'anda izina lyangu.' ¹⁰ Jehova wazuzikizya majwi akwe ngaakambide, mebo ndabuka muchibaka cha Devidi, taata, mpawo ndikkede achuno cha Izilayeli, mbuli Jehova mbwakasyomezya. Ndakayakila izina lya Jehova, Leza wa Izilayeli. ¹¹ Ndibikide ibbokesi nkuko, momumo muli chizuminano cha Jehova, nchakatangana abantu ba Izilayeli.'' ¹² Solomoni wakayimikila kunembo lyachipayililo cha Jehova kunembo lyamabunga woonse a Izilayeli, mpawo wakatandabika maboko akwe. ¹³ Nkambo wakapangide chimikilo chamukkuba, tukokola tuli musanu bulamfu, musanu tukokola kukwiinga, mpawo tukkokola tuli tutatu bwiime. Wakachibika mukkati mubusena wakimikila atala lyacho mpawo wafugama kunembo lyamabunga oonse aba Izilayeli, mpawo watandabika maboko akwe kumajulu. ¹⁴ Wakati, Jehova, Leza wa Izilayeli, takwepe umbi Leza ukozyania anduwe kujulu nikuba anyika ano ansi, abo babamba chizuminano aluayandolwakwe luteeli abalanda bako abo beenda kunembo lyako amyoyo yabo yoonse; ¹⁵ lwako oyo wakabamba amulanda wako Devidi taatesu, echo nchwakamusyomezya. Iyi wakamba amulomo wako akuzuzikizya akuboko kwako, mbuli mbukubede sunu. ¹⁶ Nkambo kako, Jehova, Leza wa Izilayeli, wazuzikizya echo nchaka syomezezye kumulanda wakwe Davidi taata, eelyo niwakati, 'Tokoyokachilwa kuba amuntu kumenso angu utakakkale achuno cha Izilayeli, na bana bako beenda kabotu mumilawu yangu, mbuli mbwakeenda kunembo lyangu.' ¹⁷ Nkiinkako, Jehova, Leza wa Izilayeli, chita ijwi lyako lizuzikizigwe, nduwe wakambula kumulanda wako Davida. ¹⁸ Pesi sa Leza nchobeni ulakkala abantu aansi ano? Langa ijulu ajulu lwalyo tokonzyi kukkala - lino ukkale buti muchikombelo echi nchindakayaka! Nekuboobo ndakumbila ulemeke chikombyo chamulanda wako ankumbizyo zyakwe, ¹⁹ Jehova Leza wangu; swilila kukwila achikombyo echo mulanda wako nchakombya kunembo lyako. ²⁰ Ikaka menso ako ajule kunembo lyachikombelo echi buzuba amansiku, ibusena oko nkowakasyomezya kubika izina lyako. Ikaka koswilila kuchikombyo mulanda wako nchakomba kubusena obu. ²¹ Swilila kunkombizyo zyamulanda wako akubantu ba Izilayeli elyo netukomba kunembo lyabusena obu. Iyii koswilila kuzwa kubusena oko nkokkala, kuzwa kumajulu; mpawo elyo niwaswilila, kolekelela. ²² Namuntu wabisizya simabambanwa wakwe mpawo wasungilizigwa kukonka chikonke, mpawo nawasika akukonka chikonke kunembo lyachipayililo chako mung'anda eyi, ²³ swilila kuzwa kumajulu akuchita. Beteka balanda bako, ubeteke sizibi akumupa echo nchakachita atala amutwe wakwe munini. Pesi mululami komululamika akumupa zyendelene abululami bwakwe. ²⁴ Elyo bantu ba Izilayeli nibayokonwa kuli sinkondonyina nkambo babisizya nduwe, nababoola kuli nduwe, bambazina lyako, bakomba, akukumbila lulekelelo kunembo lyako muchikombelo echi - ²⁵ aboobo ikaka koswilila kuzwa kumajulu mpawo lekelela chibi chabantu ba Izilayeli; kobaboozya kunyika eyo njiwakabapa akuli bamawisi babo. ²⁶ Elyo majulu ajala mpawo nkakutakwe mvula nkambo bantu babisizya nduwe - na bakomba kunembo lyabusena obu, akwiita zina lyako, akuboola kuzwa kuzibi zyabo elyo noli kubapenzya -- ²⁷ aboobo swilila kujulu akulekelela zibi zyabalanda bako mpawo azyabantu ba Izilayeli, eelyo niwabayiisya inzila mbotu mulinjiyo njibelede kwendela. Kolosya mvula anyika yako, eyo njowakapa bantu bako mbuli lukono. ²⁸ Na mwaba inzala munyika, kana kuti kwaba idwazi, naa ndyomba na sikunkwe, na chisozi, na bachamusokonia; na kuti basinkondonyina babasinkilizya mumyunzi munyika yabo, na kufumbwa penzi na idwazi -- ²⁹ mpawo nakuti ezyo nkombyo azikumbizyo zyachitwa amuntu na abantu boonse ba Izilayeli--umwi awumwi nkazi ipenzi abuusu mumoyo wakwe mbuli mbwatandabika maboko akwe kunembo lyachikombelo echi. ³⁰ Aboobo koswilila kuzwakujulu, kubusena oko nkokkala; lekelela, akupa mpindu woonse muntu mbuli inzila zyakwe; uluzi moyo wakwe, nkambo nduwe olikke oozi myoyo yabantu. ³¹ Chita echi kuchitila kuti bakuyoowe, bakonzye kwenda munzila zyako zyonse mazuba ayo ngibapona anyika eyo njowakabapa kuli basikale. ³² Alakwe mwenzu utali umwi wabantu bako ba Izilayeli, pesi uzwa kuchisi chakule nkambo kazina lyako paati, kuboko kwako kupati, akuboko kwako kutandabete -- basika kuzokkomba kunembo lya ng'anda eyi, ³³ aboobo koswilila kuzwa kujulu, kubusena oko nkokkala, mpawo chitila zyoonse ezyo bazwakule nzibakakumbila kuli nduwe, kuchitila kuti boonse bantu baansi bazibe izina lyako akukuyoowa, mbuli mbubachita bantu bako ba Izilayeli, mpawo akuti bakonzye kuziba kuti eyi ng'anda ninda kayaka yiitwa muzina lyako. ³⁴ Naa bantu bako bayakukulwana abasinkondonyina, kufumbwa nkobatuma, mpawo na bakomba kuli nduwe chakulanga kumunzi uuno ngosalide akung' anda njinjakilide izina lyako. ³⁵ Aboobo koswilila kuzwa kujulu kunkombyo zyabo, chikumbizyo, akubagwasya makani. ³⁶ Nakuti bakubisizya -- nkambo takwepe naba omwe uutabiosyi--mpawo na wabanyemena akubaaba kuli basinkondonyina, kuti batolwe mubuzike kuchisi chimbi, nikuba kule nikuba kufwifwi. ³⁷ Nakuti bayibuluka kuti balimunyika oko nkubatolwa, mpawo na basanduka akuyandula luzyalo kuzwa kuli nduwe omo munyika yabuzike bwabo. Na kuti baamba, 'Twaka chita chakule akukubisizya. Twakaleya akutyola mulawu.' ³⁸ Nakuti bajoka kuli nduwe achamyoyo yabo yoonse achamiyeyo yoonse omo munyika yabuzike bwabo, oko nkubakabatola, mbuli bazike, mpawo na bakombela nyika yabo, eyo njiwakapa bamawisi, akuchisi echo nchiwakasala,akukombela chisi echo nchiwakabapa kuli basikale babo, alimwi akudolopo elyo ndiwakasa,alimwi akung'anda eyo njindakayakila izina lyako. ³⁹ Alimwi kotelela kunkombyo zyabo kuzwa kumajulu, kubusena nkokkala, akunkumbizyo zyabo, akubagwasizya kumakani abo. Kolekelela bantu bako, abo bakakubisizya. ⁴⁰ Lino, Leza wangu, ndakumbila, chita menso ako ajulwe, mpawo chita matwi ako aswilile kunkombyo ezyo zichitwa mubusena obu. ⁴¹ Nkiinkako kobuka, Jehova Leza, kubusena bwachilyokezezyo chako, lwako abbokesi lyanguzu zyako. Chita bapayizi bako, Jehova Leza, basamikwe alufutuko, mpawo chita basikukusyoma bako, basekelele mububotu bwako. ⁴² Jehova Leza, utafutatili busyu bwamunanike wako. Koyibuluka luzyalo lwako nduwakatangana a Davidi mulanda wako.''