¹ Kukuyungizya wakachita chipayizyo chamukkuba; bulamfu bwacho kachili tukokola tuli makumi obilea abusasa bwachokachili makumi obile. Bulamfu bwabwime bwakali tukokola kkumi. ² Alimwi wakapanga chibaanga nchilambwa chamanzi chabutale, tukokola tulikkumi kuzwa kunkomwe imwi kusika kulimbi. Bulamfu bwabwime bwacho chakali tukokola musanu, alimwi chilambwa chakali makkumi atatu atukokola kuchipimyo. ³ Munsi lyankomwe yakanzemukide chilambwa kwakali basune, kkumi kuli kamwi katukokola, zyakafulwa achimwi chimpanzi elyo dambwa nilyakali kufulwa. ⁴ Idambwa pati lyakazibinkene kalili ''Iziba'' lyakali bikidwe ajulu abasune balikkumi ababili, botatwe kabalangide kunyika, botatwe kabalangide kumbo, botatwe kabalangide kumusanza, alimwi botatwe kabalangide kujwe. ⁵ ''Iziba'' lyakatandabikidwe ajulu alimbabo, alimwi awoonse masule abo akalangide mukati. ''Iziba'' lyakalidini mbuli busasa bwejanza, alimwi ankomwe yakabumbidwe mbuli nkomwe yankomeki, mbuli maluba luba. Izuba kalili azyulu zyotatwe zyanongo zyamanzi. ⁶ Wakachita lubo malambwa alikkumi akwachila zintu; wakabikka musanu kubbazu lyakumusanza, azilimusanu kubbazu lyakunyika, zintu zyakali kubelesegwa nikwali kuchitwa chipayizyo chakutentwa zyakali kuwachwa mulinzizyo. Idambwa pati lyakali zibinkene kalili ''Iziba'' lyakali kubelesegwa abapayizi kuti bawache. ⁷ Wakachita zyimikililo zyamalampi zilikkumi ezyo zyakachitwa kwinda mumalayilile abwiime bwao; wakzibika muchikombelo, musanu kochilisyo, amusanu kuchimweensi. ⁸ Wakachita matafula alikkumi akwabikka muchikombelo, musanu kochilisyo, amusanu kochimweensi. Wakachita zibikkilo zili mwaanda zyangolida. ⁹ Mukuyungizya wakachita bbetekelo lyabapayizi, abbetekelo pati amakkoma abbetekelo akuzilulula makkoma abo amukkuba. ¹⁰ Wakabikka zisambilo zizibinkene kutegwa ''Iziba'' lyakabikwa kubbazu kujwe lyachikkombelo, kalilangide kubbazu kumusanza. ¹¹ Hulamu wakapanga mipika, badiiko, azisambilo nzyakusansayizya. Aboobo Hulamu wakamaninsya mulimu ngwakalikuchita mwami Solomoni mung'anda ya Leza: ¹² minsi yobile, azyakali kubanga nzisambilo zyakanzikidwe ajulu lyaminsi ibili, alimwi azipani zibili zyazibezwa zyebesi zyakali kuvumba zibanga nzisambilo zyakali ajulu lyamiinsi zyakalibikkidwe ajulu amiinsi. ¹³ Wakachita ma pomegilanayiti ali mwanda yoone atunsabwe twebeka twamitabi: mindaando iibili yama pomegilanayiti akamwi kansabwe achimikililo kukuvumbya mitabi yobile ilimbuli chimikililo echo chakali aminsende. ¹⁴ Alimwi wakachita zyimikililo azisambilo kuti zibikwe azyimikililo; ¹⁵ lwizi lomwe abasune balikkumi ababili kunsi alyo, ¹⁶ alimwi amipika, badiko, mfologwe, azimwi zyoonse zibelesyo ezyo Hulamu -Abbi nzyakachita akuzibumuzya mukkuba wamwami Solomoni, Kung'anda ya Jehova. ¹⁷ Mwami wakabafulila muntandabale ya Jodani, munyika yabulongo akkati ka Sakkoti a Zaletani. ¹⁸ Nguwenya Solomoni nguwakachita zyonse ezi mubupati amubwiingi; aboobo bulemu bwamukkuba tabuchizibinkani. ¹⁹ Solomoni nguwe wakamaninsya zyonse zyakali mung'anda ya Leza, achipayililo changolida, amatafula akubikila zibunge zyabuliwo bwakwe zyakelede kubikwa; ²⁰ zyimikililo zyamalampi antomwe amalampi azyo, ayo akapangilidwe kuti kanomunika kunembo lya ng'anda yamukkati-ezi zyakapangidwe andolida yanchoonzyo; ²¹ alimwi amaluba luba, zimunisyo, alumano, zyangolida, angolida isalalisya. ²² Alubo atugele twamalampi, zisambilo, bachooncho, alimwi atununkilizyo tuumpwa zyoonse zyakachitidwe angolida usalala. Kukwamba kumanjililo akuya mung'anda, imakoma amukkati akunjila mubusena busalala amakkoma ang'anda, kwamba kuti, amuntempele, akachitidwe angolida.