¹ Josiya wakabamba Pasika lyaJehova muJelusalema, alimwi wakajaya tubelele twaPasika mubuzuba bwa kkumi aane mumweezi wakusanguna. ² Wakabika bapayizi mubusena bwabo akubasungilizya kumilimu yang'anda yaJehova. ³ Wakabambila baLevi aabo bakali kuyiisya Izilayeli woonse alimwi abo boonse bakapambwidwe kuliJehova, ''Amubike bbokesi lisalala lyachizuminano mung'anda ya Solomon mwana waDevidi, mwaami mwaba Isilayeli njaakayaka. Mutalibwezi nkamuloobuzyunguluka aamakkuko eenu lubo. Lino amukombe Jehova Leza wanu, alimwi mugwasye bantu batu bakwe baIsilayeli. ⁴ Amulibambilile lwanu kwiindilila mumazina amaanda abasikale ankamu zyanu, kutobelezya malembe ngaakalayilila Devidi, mwaami waIsilayeli, aayo aSolomoni, mwana wakwe. ⁵ Mwiime mubusena busalala, mubweze nkamu zyanzubo zyamaanda aakwanu, lunyungu lwabantu, akubweza busena bwanu ankamu zyaluzubo lwamaanda abaLevi. ⁶ Mujaye tubelele tapasika mulisalazye nobeni, mubambe tubelele twabaalu benu kuchita mbuli ijwi lyaJehova eelyo lyakapegwa muluboko lwa lwaMozesi. ⁷ Josiya wakapa zyuulu zyotatwe zyatubelele atupongo kuzwa mubutanga bwachipo chapasika kubantu boonse bwakaliwo, alimwi wakapa lubo zyuulu zyotaatwe zyang'ombe - eezi zyoonse zyakazwa kulubono lwa mwaami. ⁸ Bazuluzi bakwe bakapa chipo chakulimvwida kubantu, bapayizi, abaLevi. Hilikiya, Zakkaliya, aJehiyeli, basilutwe bakalandide ng'andayaLeza, bakapa kubapayizi 2600 zipo zyapasika amyaanda yotatwe yang'ombe. ⁹ Alakwe Kkonayiya, aSemayiya, Jeyiyeli, aJozaddadi, mupati wabaLevi, bakapa zipo zyapasika zili zyuulu zyosanwe kuba Levi amyaanda yosanwe yang'ombe. ¹⁰ Aboobo mulimu wakabambwa, alimwi bapayizi bakiima aabusena bwabo, akuswiilila malayilile aamwami. ¹¹ Bakajaya tubelele twapasika, alimwi bapayizi bakasansiila bulowa mbubakatambula mumabokoaabaLevi, alimwi baLevi bakafnda tubelele. ¹² Bakagwisya zitulozyakutena , kuti baabile nkamu zyamaanda aanyungu zyabantu, kuti bape kuli Jehova, mbuli mbukulembedwe mubbuku lyaMozesi. Bakachita boobo akung'ombe. ¹³ Bakayoka tubelele twepasika mumulilo nkabatobelezya malayilile. Mbuli zipo zisalazigidwe, bakabizya mumpoto, amumabbodo, amumampane, alimwi bakafwambana kuzitola kubantu boonse. ¹⁴ Musule bakabamba zyabo zipoazyabapayizi, lunyungu lwa Aloni, bakalijisinkini mukutula zipo zyakutenta amafuta kusikila kwasiya, aboobo baLevi bakabamba zipo zyabo azyabapayizi, lunyungu lwa Aloni. ¹⁵ Basikwiimba, lunyungu lwaAsati, bakali mubusena bwabo, mbuli mbubakalayililwa aDevidi, Asati, Hemeni aJedutuni sichilengano chamwaani, alimwi basikulinda bakali kumilyango yoonse. Teebakeelede kusiya busena bwabo, kaambo kabunyina baLevi bakali kubabambila zyabo. ¹⁶ Aboobo, kuleecho chiindi mulimuwoonse waJehova wakali kuchutilwa pobwe lyapasika akutula chipo chakutenta achipayililo chaJehova, mbuli mwaami Josiya mbwakalayilila. ¹⁷ Bantu baIsilayeli bakaliwo bakabamba pasika kuleecho chiindi, apobwe lyachinkwa chitakwe busweezyo kwamazuba musanu aabili. ¹⁸ Pobwe lyePasika liloobu taakwe nilyakalinachitwa mu Izilayeli kuzwa kumazuba aaSamuyeli musinsimi, nikuba umwi wabaami wa Izilalayeli wakali wapobola Pasika mbuli Josiya mbakachita, antoomwe abapayizi baLevi abantu boonse baJuda abaIsilayeli bakaliwo, abakala muJelusalema. ¹⁹ Eeli Pasika lyakabambwa mumunyaka wakumi amusanu ayitatu mubweendelezi bwaJosiya. ²⁰ Musule lyazeezi zyoonse, wakamaninsya kubamba ng'anda yaLeza, Neko, mwaami wa Ijipiti , wakaya kuyolwanisya Kakemisi kumulonga Yufulatisi, almwi wakinka kuyomulwana. ²¹ Pele Neko wakatuma bangambela kulinguwe wati, ''Ndichiteenzi ayebo, mwaami waJuda? Nsiyobuzida nduwe sunu, pele ndizida ndanda eeyo njendiyanda kuchita nkondo anjiyo. Leza wandilayilila kuti ndifwambaane, abooboleka kupilingana aLeza, ooyoulaandime, kana wakunyonyoona.'' ²² Nikiubaboobo, Josiya wakakkaka kuti amusiye kuzwa kuli nguwe. Wakalyeneniya kuti amulwane. Taakaswilila majwi aaNeko ayo akazwa mumulomo waLeza; aboobo wakiinka kukuyomulwana mukkuti llya Megido. ²³ Basimata bakayasa mwaami Josiya, alimwi mwaami wakati kubalanda bakwe, ''Amunsigwisye nkaambo ndayaswa bubi.'' ²⁴ Aboobo balanda bakwe bakamugwisya munkalaki, akumubika munkalaki iimbi. Bakamutola kuJelusalema, nkwaakakufwida. Wakavwikwa mutubanda twabamawisi. BaJuda boonse abakuJelusalemabakamulila Josiya. ²⁵ Jelemiya wakalila Josiya; aboonse basikwiimbabaalumi abanakazi balamulila Josiya kusikila asunu. Eezi nyimbo zyakaba chiyanza kuIsilayeli; langa munyimbo zyakuli. ²⁶ Amwi makani alatala aJosiya, amilino yakwemibotu njakachita mukulibombya kulezyo zilembedwe mumulawu waJehova - ²⁷ amilimo yakwe, kuzwakumatalikilo ado kumamanini, zililembedwe mubbuku lyabaami baJuda abaIsilayeli.