¹ Mpawo bantu bamunyika bakabweza Jehoyahazi mwana wa Josiya, akumuchita mwami abusena bwawisi mu- Jelusalemu. ² Jehoyahazi wakalaminyaka makumi obile ayitatu yakuzyalwa nakakkazika kweendelezya, alimwi wakendeezya myezi yotatwe mu- Jelusalemu. ³ Mwami wa- Egepita wkamugwisya mu- Jelusalemu, akubbadalisya nyika mwanda wamatalenta aniliva lyomwe lyangolida. ⁴ Mwami wa- Egepita wakabika Eliyakkimu, wakali mukulana wa- Jehoyahazi kuba mwami wa- Juda a-Jelusalemu (alimwi wakasandula zina lya Eliyakkimu kuba Jehoyiyakkimu). Mpawo Nekko wakabweza Eliyakkimu mukulana wa- Johoyahazi akumutola ku- Egepita. ⁵ Jehoyakkimu walaminyaka iili makumi obile ayili musanu yakuzyalwa nakatalika kwendelezya, alimwi wakendelezya minyaka ilikkumi lyomwe awumwi mu- Jelusalemu. Wakachita bubi mumeso a- Jehova Lez wakwe. ⁶ Mpawo Nebbukadineza, mwami wa- Bbabbiloni, wakamulwana akumwanga amanketani wamubweza wamutola ku- Bbabbiloni. ⁷ Nebbukadineza lubo wkabweza zintu zyamung''anda ya- Jehova kutola ku- Bbabbiloni, akuzibika mung''anda yamwami ku- Bbabbiloni. ⁸ Alimwi amwi makani anangene a- Jehoyiyakkimu, zintu zibili nzyakachita, alimwi zyakajanwa kulinguwe, langa, zililembedwe mubbuku lyabami ba- Juda aba- Izilayeli. Elyo Jehoyiyakkini mwana wakwe, wakaba mwami abusena bwakwe. ⁹ Jehoyiyakkini wakala minyaka musanu ayitatu yakuzyalwa nakatalika kwendelezya ; Wakendelezya mwezi yotatwe amazuba alikkumi mu- Jelusalemu. Wakachita bubi kumeso a- Jehova. ¹⁰ Kulwaka, mwami Nebbukkadineza wakatuma balumi akumweta ku- Bbabbiloni, azintu ziyandisi zizwa mung' anda ya- Jehova, akubika Zedekiya, waluzubo lwakwe, kuba mwami wa- Juda a- Jelusalemu ¹¹ Zedekiya wakali aminyaka makumi obile awumwi yakuzyalwa nakatalika kwendelezya; Wakendelezya minyaka ilikkumi awumwi mu- Jelusalemu. ¹² Wakachita bubi mumeso a- Jehova Leza wakwe. Takwe nakalibombya kunembo lya- Jelemiya misinsimi, wakambula kuzwa kumulomo wa- Jehova. ¹³ Zedekkiya lubo wakapapila mwami Nebbukkadineza, wakamuchitide kuti akonkezye kulibombya kulinguwe a-Leza. Pesi Zedekkiya wakayumya nsingo yakwe akuyumya moyo kukupapila Jehova, Leza wa- Izilayeli. ¹⁴ Nikubaboobo, bazuluzi boonse babapayizi abantu teebakachisyomekede pe, alimwi bakatobela ziyanza zibi zyabantu. Bakasofwazya ng' anda ya- Jehova njakasalazizye mu- Jelusalemu. ¹⁵ Jehova, Leza wabamawisi, wakatuma ijwi kulimbabo bakwe chakwindulula, nkaambo wakalaluzyalo abantu bakwe abusena mpakali kukkala. ¹⁶ Pesi bakasika batumwa ba- Leza kunyansya majwi abo, akutukila basinsimi bakwe, ado bukkali bwa- Jehova bwakabukila bantu bakwe, kusikila takwe nikwakachili lugwasyo. ¹⁷ Aboobo Leza wakabaletela mwami waba Chalidiyeni, wakajaya balumi babo baniini apanga mung' anda yakupayilila alimwi tabafwidilide nsoni pe balumi baniini naa basimbi, balumi bapati naa bakatuba mumutwe. Leza wakababa boonse mumaanza akwe. ¹⁸ Zyoonse zibelesyo zyamunda ya- Leza, zipati aziniini, buvubi bwamung' anda ya- Jehova, abuvubi bwamwami abasilutwe- Eezi zyoonse wazitola ku- Bbabbiloni. ¹⁹ Bakatentelansi ng' anda ya- Leza bamvwayula bulambobwa- Jelusalemu, batenta maand akumwaya zintu zyoonse zyakalimukati. ²⁰ Mwami wakatola ku- Bbabbiloni aboonse bakali bachija panga. Bakakuba balnd bakwe abana bakwe kusikila kubwendelezi bwaku Pesiya. ²¹ Eezi zyakachitikna kukuzuzikizya ijwi lya- Jehova kuzwa kumulomo wa- Jelemiya, kusikila nyika ikabotelwe mukulyokezya Sabata. Yakabamba Sabata lyoonse nkaambo yakasyala ayilikke, kuti kukinde minyaka ilimakumi musanu abili nkilobo. ²² Lino mumunyaka wakusanguna wa- Sayilasi, mwami wa- Pesiya, aboobo kuti ijwi lya- Jehova kuzwa mumulomo wa- Jelemiya lizuzikizigwe, Jehova wakabusya muuya wa- Sayilasi, mwami wa-Pesiya, aboobo kuti wakamwaya mulumbe mubwami bwakwe boonse alimwi wakubikka lubo mumalembe wakati, ²³ ''Mbuboobu Sayilasi, mwami wa-Pesiya, mbwakaamba: Jehova, Leza wakujulu, wandipa bwami boonse bwenyika. Wandilayilila kuti ndimuyakile ng' anda ku- Jelusalemu, iliku- Juda, kufumbwa ulakati kanu kuzwa kubantu bakwe boonse, Jehova Leza wanu abe anduwe. Muleke ayinke kunyika.''