¹ Lino elyo zyoonse nizyakamana, bantu boonse ba- Izilayeli bakaliwo bakinka anze chisimcha- Juda akupwayula busyapu bwamabwe amisumpululu akutemena ansi ziyako zya- Asela, alimwi bakamwaya masena asumpukide azipayililo mulijuda boonse a- Bbenjamini, amuli Efulemu a- Manase kusikila bazimwaya zyoonse. Mpawo bantu boonse ba- Izilayeli bakapiluka, umwi awumwi kuchilawo chakwe akuchisi chakwe. ² Hezekkiya wakalayilila kuti zyabilo zyabapayizi aba- Levi zibambwe mbuli muzyabilo zyabo, umwi awumwi wakalayililwa kumulimo wakwe, antoomwe bapayizi aba- Levi. Wakabalayilila kuti bachite zituuzyo zyakutenta azituuzyo zyabulyidilano kubeleka, kupa kulumba, akulumbayizya kumilyango yang'anda ya- Jehova. ³ Alimwi wakalayilila kuti chimpanzi chachituko aakutenta chamwami kuzwa kuzintu nzyakalazyo, nkokuti, chitulo chakutenta chachifumofumo achamangolezya, kukkala kwamyezi, azipobwe zibambidwe, mbuli mbukwakalembedwe mumulawo wa Jehova. ⁴ Nkabela wakalayilila bantu bakali kukkala ku-Jelusalemu kupa bapayizi aba- Levi zimpanzi aboobo kuti bagame kulemeka mbeta zya- Jehova. ⁵ Imbeta mbuzyakatumizigwa, bantu baku- Izilayeli bakapa chabuuya kabalwebalwe kazilyo, wayini mupya, mafuta, buchi, alimwi kuzwa kubutebuzi bwamumyuunda. Baketa chakkumi chezintu zyoonse, zyakazwa. ⁶ Bantu baku- Izilayeli abaku Juda bakali kukkala muzisi a- Juda abalabo baketa chakkumi chan' ombe ambelele, achakkumi chazintu zisalala ezyo zyakabikilidwe Jehova Leza wabo, alimwi bakazilundika mumadwi. ⁷ Kwakali mumweezi watatu nibakakkazika kubungika nzibakagwisya, alimwi bakazomaninsya mumweezi wamusanu ayibili. ⁸ Eelyo Hezekkiya abazululi nibasika akubona madwi, bakalongezya Jehova abantu bakwe ma- Izilayeli. ⁹ Mpawo Hezekkiya wakabuzya kubapayizi aba- Levi atala amadwi. ¹⁰ Azaliya, mupati wabapayizi, wakung' anda ya- Zadoki, wakamusandula alimwi wati, ''Kuzwida bantu nibakakkazika kweta zipo mung' anda ya- Jehova, twakalya alimwi wati, ''Kuzwida bantu nibakakkazika kweta zipo mung' anda ya Jehova, twakalya alimwi twakakkuta, alimwi nzyiingi zyakasyala, nkambo Jehova wakalongezya bantu bakwe. Zyakasyala ngaya madwi mapati alawa.'' ¹¹ Hezekkiya wakalayilila kuti maanda akulondweda abambwe mung'anda ya Jehova, alimwibakabamba. ¹² Mpawo bakeeta ziipo chakusyomeka , zyekkumiazintu zya Jehova. Kkonaniya muLevi nguwakali silutwe wakabalangide, amwalu wakwe Syimeyi wakalimutobezi wakwe. ¹³ Jehiyelu, Azaziya, Nahati, Asahelu, Jelimoti, Jozabbadi, Eliyelu, Isimakiya, Mahati, a Bbenaniya bakali basilutwe munsi akuboko kwa Kkonaniya a Syimeyi mwalu wakwe, nkabatuminwe a Hezekkiya, mwami, a Azaliya, silutwe wang' anda ya Leza. ¹⁴ Kkole mwana mulombe wa Ima mu Levi, sikubumba amulyango wakubuzwezuba, wakalangide zipo zyakulimvwida zya Leza, wakalangene akwaaba zipo kuli Jehova azipo zisalalisya. ¹⁵ Munsi lyakwe kwakali Edeni, Miniyamini, Jesyuwa, Syemayiya, Amaliya, a Sikaniya, muzisi zyabapayizi. Bakabuzya zyabilo zyabubanzi, kuti bape zipo banabakwabo mumyeelwe, boonse bapati abanini. ¹⁶ Bakapa alimwi kulabo baalumi balaminyaka yotatwe akuyakunembo, bakalembedwe mumalembe abasikale babo balikunjila mung'anda ya Jehova, mbuli mbukwelede kumabambe abuzuba, kukubeleka mbubakabambilidwe ¹⁷ Bakaaba kubapayizi mbuli malembe abasikale babo, akuba Levi bakali aminyaka makkumi obile akuyakunembo, mbuli mumilimo azyabilo zyabo. ¹⁸ Bakabikilizya antoomwe abatete babo, banakazi babo, bana balombe babo, abana basimbi muluundu loonse, nkambo bakalisyomekede mukulibamba nkabasalala. ¹⁹ Nkaambo bapayizi, ndunyungu lwa Aaloni, aabo bakali mumyunda yamumyuunzi yakuzisi zyabo, nanka muzisi zyoonse, bakali baalumi bakatondekedwe amazina kukupa zimpanzi kubaalumi boonse akkati kabapayizi, akuliboonse bakalembedwe mumagwalo abasikale mbuli akati kaba Levi. ²⁰ Hezekkiya wakachita ezi mu Judiya yoonse. Wakamaninsizya zyoonse zibotu, ziluleme azisyomekede kunembo lya Jehova, Leza wakwe. ²¹ Kumilimu yoonse njakakkazikide mung'anda ya Leza, mulawu, malayilile, kukuyanduula Leza wakwe, wakazichita amoyo wakwe woonse, alimwi wakazwidilila.