¹ Abbija wakoona abasikale bakwe, alimwi bakamubamba mumuunzi wa Devidi. ² Asa mwanakwe mulombe, wakaba mwaami mubusena bwakwe. Mumazuba aakwe anyika yakalumwide kwaminyaka ilikkumi. Asa wakachita zibotu aziluleme mumenso a Jehova Leza wakwe, ³ nkambo wakagwisya zipayililo zyeenzu amasena aatala. Alimwi kupwaya misemo yamabwe akugonkela aansi matanda a Asila. ⁴ Wakalayilila ba Juda kuti bayandawule Jehova, Leza wabasikale wabo, akutobelezya milawu amalayilile. ⁵ Aboobo wakabweza masena aatala atununkilizyo twazipayililo kuzwa mumyuunzi yoonse ya Juda. Bwami bwakakkala aansi akwe. ⁶ Wakayaka myuunzi ibayilidwe mu Juda, nkambo nyika yakali wumidwe, alimwi takali nkondo mumyaaka eyo, nkambo Jehova wakamupa luumuno. ⁷ Nkaambo Asa wakamba kuti kuli Juda, ''Ngatuyake eeyi myuunzi akubikka bulambo buzyungulukide njiiyo, maanda malamfu, milyango, aminkulu; nyika ichili yesu nkambo twayandawula Jehova Leza wesu. Twamuyandawula, alimwi watupa luumuno mumabazu woonse.'' Eelyo bakayaka akuzwidilila. ⁸ Asa wakali abasilumamba bakali kunyampula intobo amasumo, kuzwa ku Juda wakali a 300,000 balumi, alimwi kuzwa kuli Bbenjamini, 280,000 balumi bakali kunyampula intobo akuwaala ibuta. Boonse aaba bakali baalumi basinguzu. ⁹ Zela mu Kkushiti wakaza kuzobalwisya abasilumamba bali zyuulu zili chuulu enkalaki zili myaanda yotatwe, wakeza ku Malesa. ¹⁰ Eelyo bakabamba kuti aswanane anguwe, alimwi bakabamba miyeyo yazilwanisyo mbuli syena lya Zefata ku Melasa. ¹¹ Asa wakalayilila kuli Jehova, Leza wakwe alimwi wakati, ''Jehova, takwepe uumbi pesi webo kukugwasya ooyo utakwe nguzu nalangana abanji. Tugwasye, Jehova Leza wesu, nkambo tuponena nduwe, amuzina twasika kuzolwisya, mweelwe mipati eeyi. Jehova , nduwe Leza wesu; utalekeli bantu kuti bakuzunde.'' ¹² Eelyo Jehova wakawuma ba Kkushiti kunembo lya Asa a Juda; ba Kkushiti bakachija. ¹³ Asa abasilumamba mbakalabo wakaba kombelezya kuli Gela. Eelyo ba Kkushiti biingi bakayeeya aanga tabakopona pe, nkambo bakajayigwa chakumaninsigwa kunembo ya Jehova abasilumamba bakwe. Basilumamba bakabweza misalo myiingi. ¹⁴ Basilumamba bakamwayula myuunzi myiingi yoonse iyaka zyungulukide Geela, nkambo zigambyo ziyosya zya Jehova zyakasika kuzivuubwa. Basilumamba bakasala myuunzi yoonse, alimwi kwakali mbono inyiingi mulinjiyo. ¹⁵ Basilumamba bakamwaya lubo madumba akali kukkala aabo bakali kweembela bwendeenda. Bakabweza imbelele mubwiingi bwazyo kubikkilizya enkamela, alimwi kuzwa aawo bakabweeda ku Jelusalemu.