¹ Elyo Lehobbowamu nakasika mu Jelusalemu, wakabungania n'anda ya Juda a Bbenjamini, 180,000 balumi bakalisalidwe bakali basilumamba, kuti balwane a Izilayeli, kuti baboozye bwami kuli Lehobbowamu. ² Pesi ijwi lya Jehova lyakasika kuli Semayiya muntu wa Leza, akwamba kuti, ³ ''Amba kuti kuli Lehobbowamu mwana mulombe wa Solomoni, Mwaami wa Juda, aku Izilayeli yoonse mu Juda a Bbenjamini, ⁴ Jehova waamba echi, ''Toyelede kumulutuzya na kuchita nkondo kubana atala abakwanu. Woonse welede kubweeda kun'anda, yakwe nkambo ndachita echi kuti chibewo.''''' Mpawo bakalemeka majwi a Jehova alimwi bakabweda kuzwa kukulwisya Lehobbowamu. ⁵ Lehobbowamu wakakkede mu Jelusalemu alimwi wakayaka miinzi mu Juda yachikwabilizyo. ⁶ Wakayaka Bbetelehemu, Etamu, Tekoya, ⁷ Bbeti, Zuwa, Sokko, Adulamu, ⁸ Gati, Malesha, Zifu, ⁹ Adolayimu, Lekkishi, Azekka, ¹⁰ Zola, Ayijaloni, a Hebbuloni. Eyi njimyuunzi yakali bayilidwe mu Juda a Bbenjamini. ¹¹ Wakabayilila mayake akubika basilutwe mulingawo, kalazibikilo zyachakulya, amafuta, a wyini. ¹² Wakabikka intobo amasumu mumyuunzi alimwi bakaba basinguzu loko. Eelyo Juda a Bbenjamini zyakaba zyakwe. ¹³ Bapayizi aba Levi abo bakali mu Izilayeli yoonse bakaya kunembo kulinguwe kuzwa mumigano yabo. ¹⁴ Mbuli ba Levi bakasiya machelelo a zintu zyabo kuchitila kuti baye ku Juda a Jelusalemu, nkambo Jehobbowamu abana bakwe balombe bakabagwisya eelyo tebakachili kukonzya kuchita mulimu wabupayizi kuli Jehova. ¹⁵ Jelobbowamu wakalisalila lwakwe mwini bapayizi bamasena ataala ampongo a zitombe zyabana ba ng'ombe nzyakali chitide. ¹⁶ Bantu bazwa kumikowa ya Izilayeli yakaza kunembo lyabo, abo babika myoyo yabo kuyanduula Jehova, Leza wa Izilayeli, bakeza ku Jelusalemu kuyopayizya kuli Jehova, Leza waba mataata wabo. ¹⁷ Elyo bakayumya bwami bwa Juda akuchita Lehobbowamu mwana mulombe wa Solomoni kusima kwamyaaka iitaatu, alimwi bakeenda kwamyaaka itaatu munzila ya Davida a Solomoni. ¹⁸ Lehobbowamu wakalibwezela mwanakazi wakwe: Mahalati, mwana musimbi wa Jelimoti, mwana wa Devidi mulombe, alimwi wa Abbihayili, mwana musimbi wa Eliyabbu, mwana mulombe wa Jese. ¹⁹ Wakamuzyalila bana balombe: Jewushi, Shemaliya, a Zahamu. ²⁰ Nikwakazwa Mahalati, Lehobbowamu wakabweza Maakka, bana basimbi ba Abbisalomu wakamuzyalila Abbija, Atayi, Ziza, a Shelomiti. ²¹ Lehobbowamu wakayanda Makka, mwana musimbi wa Abbisalomu, kwinda banakazi bakwe boonse, aba simamambi bakwe ( wakabweza bamakayintu bali kkumi amusanu abatatu amakkumi alimusanu alimwi aba simamambe, alimwi wakaba wisi wabana balombe bali makumi abili aatatu amakkumi alimusanu alimwi abana basimbi ). ²² Lehobbowamu wakasala Abbija mwana mulombe wa Makka kuti abe Simwaami, mwendelezi akati kabana bakwabo; wakali amuyeyo wakumuchita kuti abe Mwaami. ²³ Lehobbowamu wakeendelezya chabusongo; wakamwayiisya bana bakwe boonse balombe munyika yoonse mbuyizulwa ya Juda a Bbenjamini ku munzi woonse ubayilidwe.Alimwi wakabapa lubo chakulya chiingi akubalangwida banakazi biingi.