¹ O jñe que gána tu, biche ca' (Ti purti canie nia binni ni runibia' de ley), de que ley nga rinni ni guni binni laga nabani? ² Tu purti gunna ni ma bichagana liibi xheela pur ley laga laa nabani, huaxha pa xheela be gati, laabe riláa be de ley xti guenda richagana. ³ Nga runi, laga xheela be nabani, pa laabe nabeza nebe xti hombre, zaabi cabe laabe ni nuu ne ni cadi xheela. Peru pa xheelabe gati, laabe ma biláa be de ley, ne saca laabe ma cadi naca be ni nuu ne ni cadi xheela pa guichagana be xti hombre. ⁴ Nga runi biche ca, laatu ma guca tu ni ma guti para ley, pur xcuerpu Cristu. Ndi guca ti ma ganda laatu guidagu tu xtobi, ndi nga laabe, ni biasabe laade gue'tu, ti laanu ganda gudi'nu cuananaxhi para Diuxhi. ⁵ Pue dxi laanu guyu'nu lu xti guidxilayu, ca ni riuladxi guenda ruche', ni redanda pur ley, biini ca dxiña luguianu pur ley ti ma ganda laanu gudi'nu cuananaxhi xti guenda guti. ⁶ Peru yana laanu ma bilá nu de lu ley. Laanu ma guti nu para ni nundiibi laanu. Ndi nga ti ma ganda laanu guibani nu lu guenda naganda xti Espiritu, ne cadi lu guenda ni ma guca feu xti didxa ucua. ⁷ Xhi sanda guininu laanu yana? naca ley ca pur laasi guenda ruche'? QQue ziu dxi gaca ni saca. Huaxha naa que ñunebia'ya guenda ruche, pa ñaca cadi pur ley. Ti purti naa que ñunebia'ya guenda racaladxi gaca xtale pa ñaca cadi ley ñabi naa "QUE SACALA'DXI LU GAPALU XTALE". ⁸ Peru guenda ruche, gucua ndi para guni ley di biini guira guenda ruche luguia'ya. Pue pa sin ley, guenda ruche' di ma guti. ⁹ Dxique' naa bibaane sin ley, peru dxi guenda runi mandar di' beeda, guenda ruche' di bibaani ne naa gute. ¹⁰ Guenda runi mandar di', ni naca para guendane guenda nabani, beda gaca ni guenda guti para naa. ¹¹ Pue guenda ruche' di, gucuani ndi' pur ca guenda runi mandar ne gudxite ni naa. Pur guenda runi mandar gute. ¹² Nga runi Ley nandxo' ni, ne guenda runi mandar nandxo' ni, ne jneza, ne sicarú ni. ¹³ Nga runi ni naca jneza beda gaca guenda guti para naa? Nin ti modo Cadi saca di' ni. Peru guenda ruche', para ganda guihuini casi guenda ruche' ra biquiiñe xhixha sicaru, biiti naa. Sacari nga pur guenda runi mandar, guenda ruche' beda gaca ni ruca' guche' jma ru. ¹⁴ Ti purti laanu nananu de que ley di naca ni de Espiritu, peru naa naca de ndani guidxilayu. Naa ma bidua' xha guenda runi xhiiña guenda ruche'. ¹⁵ Ti purti ni naa cayune, dxandipe naa que riene ni. Pue ni naa napa gana gune, naa que rune ni, ne ni naa nanaladxe, nga rune. ¹⁶ Peru pa naa rune ni que racaladxe gune, naa nua nia ley, de que ley jneza. ¹⁷ Peru yana cadi naa dia nga cayune ni, laga guenda ruche ni nabani luguia'ya. ¹⁸ Pue naa nana de que luguia'ya, ndi nga lu guenda binni guidxilayu xtine, gaxti di gaxti jneza. Pue guenda racaladxi ni jneza nuu ne naa, peru naa que ganda gune ni. ¹⁹ Pue ni Jneza ni naa racaladxe naa que rune ni, peru ni nadxaba ni naa que racaladxe gune, nga rune. ²⁰ Yana, pa naa cayune ni que racaladxe gune , oraca la? cadi naa dia' nga ni cayuni ni, laga guenda ruche ni nabani luguia'ya. ²¹ Naa cadxela yana, ra cuzulu ca ndi luguia'ya, deque naa racaladxe gune ni jneza, peru ni nadxaba nagazi nabani luguia'ya. ²² Ti purti naa rieche lu ley xti Diuxhi ne hombre ni nabani ndane. ²³ Huaxha, naa cayuuya ti ni cuzuulu adxe lu ca nda laade. Ndi ridxelazaa ne ni nacubi cuzulu ndani xquendabiane. ndi cundiibi naa pur guenda ruzulu xti guenda ruche ni nuu lu ca nda lade. ²⁴ Naa naca tobi hombre ni nazí, tu laa gula naa de cuerpu de guenda guti di? ²⁵ Peru xquixhe pe Diuxhi pur jesucristu xhaiquenu. Saca yana, naa pia rune xhiiña ley ne xquendabiane. peru ne guenda binni guidxilayu xtine rune xhiiña guenda ruzulu xti guenda ruche'.