¹ Nga runi, yana laa ni runi cree' en Cristo Jesus que zaguibadi donda ique. ² Ne ra bizulu espiritu ni rudi guendanabani ra bini crenu cristu jesus bixhegue na ra libe lu guenda ruche ne lu guenda guti. ³ Ni lu ley que ñandadi ñuni, ni laa' naca nayati lu guenda nabani, Diuxi binini'. Labe bizendabe xhiñi pebe naca casi bini guidxilayu ni ruche, ti gacabe ni quidxe lu guenda ruche, ne laabe bisendabe enda ruche' lu'u guenda nabani. ⁴ La'bee binni be ndi para que ira ca ni naa ca Ley di gaaca lugianu', ni laanu rizanu, cadi pur di bela ladi, peru pur guenda. ⁵ ca ni la'a nabani pur bela ladi, la gunni ni naa bela ladi', peru ni laa nabani pur guenda laa guni ni nnaa guenda. ⁶ ti purti enda bianni ni caique luu bela ladi laa ti enda guti nii', peru enda bianni ni caique luu guenda laa ti guenda nabani ni' ne enda ratadxi. ⁷ Ndi la nacani purti enda bianni ni ca ique ni xti guidxilayu' naca ni ni ruca lu Diuxhi, pue cadi nu di' ni lu ley xti Diuxhi, ne que zanda di gaca ni. ⁸ ca ni nu' lu ni naca xti guidxilayu di que zanda gacaladxi Diuxhi laa. ⁹ Peru laatu cadi nuu di tu lu ni xti guidxilayu, laga lu espiritu, pa dxandi Espiritu xti Diuxhi nabani ndani tu. Peru pa tuuxha que gapa espiritu xti cristu, laa cadi naca di xtibe. ¹⁰ Pa cristu nuu ndani tu, ti ladu la? cuerpu ca ma guti ni para ca guenda ruche', peru espiritu ca nabani ni para ni jneza. ¹¹ Pa espiritu xtibe, ni gundisa Jesus lade ca gue'tu nabani luguia tu, laabe ni gundisa be cristu lade gue'tu laaca sudii be guenda nabani ca cuerpu ni rati pur espiritu xtibe, ni nabani ndani tu. ¹² Nga runi, biche ca, nacanu ni nuzaabi, peru cadi lu cuerpu di, para guibani nu casi racaladxi cuerpu. ¹³ Pue pa laatu nabani tu casi naa xcuerpu tu, laatu ma yaca gati tu, peru pa pur espiritu, laatu zuuti tu ca ni runi xcuerputu, laatu sabanitu. ¹⁴ Pue guira ca ni Espiritu xti Diuxhi rului' laa modo zaa, ca nga naca ca xhiiñi Diuxhi. ¹⁵ Ti purti laatu cadi gucua di tu espiritu de guenda rica yaga xti tiru para guidxibi tu. Laga nga la?, laatu gucua tu espiritu ni gucua cabe laa casi xhiiñi, nga runi ruca' nu ridxi: "bixhozedu, bixhozedu!" ¹⁶ Laaca espiritu rului espiritu xtinu deque nacanu xhiiñi Diuxhi. ¹⁷ Pa laanu nacanu xhiiñi Diuxhi, oraca laaca naca nu ni chi guicaa, ni chi guicaa xti diuxhi. Ne nacanu ni chi guicaane Cristu, dxandipe la? laanu laaca rididiu lu guenda nana ne laabe, Para ganda gusisaca Diuxhi laanu ne laabe. ¹⁸ Pue naa la rabe de que ca guenda naná xti ca dxi di' cadi naca di ni ni sanda guchaaga cabe ne guenda nandxo' ni chi guiduuya nu. ¹⁹ Pue ni nabé racaladxi guira ni guyá' cabeza guuya ca xhiiñi Diuxhi. ²⁰ Pue ni guyá' beda guiaba lu ni que risaca, cadi pur racaladxi, laga pur laabe, ni naaze dxichi lu guenda ribeeza ²¹ de que guira ni guyá zalaa de lu guenda runi xhiiña xtobi ni que runi ni jneza para lu guenda rilaa xti guenda rusisaca xti ca xhiiñi Diuxhi. ²² Pue nana nu de que guira ni guya' cayuuna ne cayuuba casi ti gunna ni chi gapa ba'du dede yana pe'. ²³ Cadi ngasi, peru dede laapenu, ca ni napanu ca niru cuananaxhi xti espiritu: dede laapenu cayuuna nu ndani ladxido' no, cabeeza guica cabe laanu casi xhiiñi, ra guibigueta xcuerpunu ra nu diuxhi. ²⁴ Pue pur guenda ribeeza di nga biláanu . Peru ni laanu nanadxichi nu zaca ca' caaru di guihuini ni, Puti tu laa, ni nanadxichi ribeeza ni caaru guuya? ²⁵ Peru pa laanu nanadxichi nu ni caaru di guuya nu, oraca laanu cabeeza chauinu pur ndi' ²⁶ saqueeca espiritu laaca racane laanu lu ra nayaati nuunu. Ti purti laanu que gana nu xhi jmodo naquiiñe guini ne nu Diuxhi, peru espiritu pe' rini' pur laanu ne guenda ruuna ni que zanda guiene nu. ²⁷ Ni ruyadxi ladxido' no, runibia' guendabiaani xti espiritu, purti laabe rini' be pur ca ni runi cre' casi racaladxi Diuxhi. ²⁸ Laanu nana nu deque para ca ni nadxi Diuxhi, Laabe runi be dxiiña lu de guira xhixhe para ni jneza, para ca ni laabe guliidxi be para ni chi guiquiiñe be. ²⁹ Purti ca ni laabe maca binibia'be, laabe laaca maca gula'qui be gaca ca casi naca xhiiñi be, para laabe gacabe ba'du huaniisi lade xtale biichi. ³⁰ Ca ni laabe maca guliibe, ca nga laaca guliidxibe. Ca ni laabe guliidxi be , ca ndi laaca bixhia be xtonda ca. Ca ni bixhia be xtonda ca, ca nga laaca laabe bisisaca be. ³¹ xhi zanda guinii nu de ca ndi yana ya? pa Diuxhi cayuuni pur laanu, tu laa zanda guca lu laanu? ³² Laabe ni que ñaa di be laaca xhiiñibe, laga bidiibe laa pur guiranu, xhi jmodo laabe que gudiibe laanu sin quixhenu laaca ne laabe guira? ³³ Tu laa gueda ugaani donda ique ca ni ma gulii Diuxhi?Diuxhi nga ni ruxhia donda. ³⁴ Tuunga rini' xhi modo guiaxha donda? Cristu nga guti pur laanu, ne jma ru pe' risaca, laabe laaca bibaani be lade gue'tu. Laabe cayuni be mandar ne Diuxhi, lu ra risaaca , ne ni rini' pur laanu. ³⁵ Tu laa guxhale laanu de lu guenda ranaxhi xti Cristu? guenda nana, o guenda que guidxela xhi guni, guenda rizabi nanda, o guenda rinda'na, o guenda xhie' ladi, o guenda naxho', o espada? ³⁶ casi ca cá, "PUR NI CAQUIIÑELU LAADU NACADU NI MA GUTI GUIDUBI DXI, LAADU NACADU CASI DENDXÚ SEE RA CHI GATI." ³⁷ Lu de guirá ndi nacan jma que ni ma gudiñe pur xha ni gunaxhii laanu que'. ³⁸ Pue naa nanadxiiche deque nin guenda guti, nin guenda nabani, nin ca angel, nin ca ni runi mandar, nin ca ni nuu yana, nin ca ni chi gueeda ru, nin ni nadipa, ³⁹ nin ni nazoo, nin ni guete, nin xti cosa ni guyá sanda guxhale laanu de lu guenda ranaxhii xti Diuxhi, ni naca lu Cristu Jesus xhaiquenu.