¹ ¿Xhi guiniinu yana? ¿Naquiiñe zaarunu lu guenda ruche' para guenda ria' guidale? ² Que chu' dxi gacani saca. Laanu ca ni ma gutinu para guendaruche' ¿Xhi jmodo zanda guibanirunu luuni? ³ ¿Cadi ganatu laatu , deque guira ca xtale ni guyu nisa lu cristu jesus, guyu nisa ca lu guenda guti xtibe? ⁴ Laanu biga'chi nu luu be, pur guenda riu nisa lu guenda guti. Ndi bizaaca para saca casi Cristu biasa lade gue'tu pur guenda nandxo' xti bixhozenu, sacaca laanu laaca ganda zaa nu lu guenda nabani nacubi. ⁵ Pue pa laanu ma bida'gunu laabe lu ni naca casi guenda guti xtibe, laanu laaca sada'gunu ne guenda ribani lade gue'tu xtibe. ⁶ Nananu ndi', nede hombre yoxho xtinu gucua lu cruz ne laabe, saca cuerpu ni ruche' lacaa binitilu. Ndi bizaaca para laanu ma cadi guicarunu yaga lu guenda ruche'. ⁷ Laabe ni gutibe, ma naca be naya de guenda ruche'. ⁸ Ti purti pa laanu ma gutinu ne Cristu, laanu runi cre' nu deque laaca sabanine nu laabe. ⁹ Nananu deque Cristu ma biasa lade gue'tu, ne deque laabe ma cadi naca di be guetu'. Guenda guti ma que runi di' mandar luguia be. ¹⁰ Ni naca pur guenda guti ni laabe gitinebe lu guenda ruche', Laabe gutibe ti tiru si'. Huaxha guenda nabani ni laabe nabanibe, nabani be ni para Diuxhi. ¹¹ Sacaca laaca laatu naquiiñe guicaatu laatu casi ti ni ma guti para guenda ruche', peru ni nabani para Cristu jesus. ¹² Nga runi cadi gudii tu deque guenda ruche' guni mandar ca cuerpu ni rati xtitu, para laatu ganda guzuubatu xtidxa ni naa xcuerpu tu. ¹³ Cad gudii tu nda xcuerputu lu guenda ruche', casi ni riquiiñe para ni cadi jneza. Peru laguchiña laaca laatu Diuxhi, casi gue'tu ni ma bibaani yana. Ne laguchiña ca nda xcuerputu Diuxhi casi ni riquiiñe para ni jneza. ¹⁴ Cadi gudiitu guenda ruche' guni mandar luguiatu. Ti purti laatu ma cadi nuutu xha ley, laga xha guendanacha'hui. ¹⁵ ¿Yana, xhi laa ya? ¿Naquiñe guchénu purti ma cadi nuunu xha ley, uaxha xha guenda nacha'hui? que chú dxi gacanni saca. ¹⁶ ¿Cadi ganatu laatu ni ridxiñatu ra lú casi ni runi xhiiña, ngaca nga ni laatu naquiiñe guzuubatu xtidxa? Dxandi ndi' pa laatu nacatu ni runi xhiiña guenda ruche ni rine ra guenda guti, o ni runi xhiiña guenda ruzuuba didxa ni riné ra nu ni jneza. ¹⁷ ¡Peru xquixhepe Diuxhi! Ti purti laatu gucatu ni runi xhiiña guenda ruché, peru laatu ma bizuubatu didxa dede ladxidóto jmodo guenda riziidi ni gucuatu. ¹⁸ Laatu jma bilátu de lu guenda ruché, ne yana ma nacatu ni runi xhiiña ni jneza. ¹⁹ Canie nia laatu casi hombre guuni guenda nayaati xti ladi tu. Pue zacá casica laatu ruchiñatu ca nda' laditu casi ni runi xhiiña guenda nayudxu ne guenda nadxaba, yana sacaca laguchiña ca nda' laditu casi ni runi xhiiña ni jneza para guire'chu tu para Diuxhi. ²⁰ Pue ora laatu gucatu ni runi xhiiña guenda ruché, laatu gucatu ni ma biláa de ni jneza. ²¹ Ca dxi que, ¿xhi cuananaxhi gúpatu de ca ni yana maritiu lú tu? Ti purti ni beda gudii ca ndi la? guenda guti. ²² Peru yana, laatu ma biláa tu de lu guenda ruché, ne ma gucatu ni runi xhiiña Diuxhi, laatu napatu cucuananaxhi xtiitu para guire'chu tu para Diuxhi. Ni gueda gudii di la? Guenda nabani ni que saluxhe. ²³ Ti purti guenda riaxha xti guenda ruché nga guenda guti, huaxha ni cusigaade Diuxhi nacani guenda nabani ni que zaluxhe lu cristu jesus xhaiquenu.