¹ Dede dxi bixhia xtondanu pur guenda runi cre', napanu guenda ratadxi ne Diuxhi pur señor jesucristu xtinu. ² Pur laabe nga laanu laaca zanda chu'nu pur guenda runi cre' lu guenda nachaui xti Diuxhi ra nuunu di'. Rieche nu lu ni cabezanu ni bidi Diuxhi laanu para huidxe, ni cabeza nu, de que laanu chu' lisaanu lu guenda nandxo xti Diuxhi. ³ cadi ndisi, peru laaca rieche nu lu ca ra nana xtinu. Laanu nananu de que ca guenda nana rudi laanu guenda runi huantar. ⁴ Guenda runi huantar redane guya Diuxhi sanda laanu, ne guuya Diuxhi sanda laanu sedane ni guenda ribesa para huidxe. ⁵ Guenda ribesa di' que suche' ne di' ni, ti purti guenda ranaxhi xti Diuxhi ma bixii lu ladxido nu pur espiritu santu, ni ma gucua nu. ⁶ Laga laanu nacanu ni que gapa xtipa, lu tiempu caquiiñe Cristu guti pur ca ni ruche'. ⁷ Ti purti nagana nga tuuxha gati pur ti ni runi jneza. Sanda guini nu, sandaca tuuxa gacaladxi gati pur ti binni ni nachaui. ⁸ Peru Diuxhi rului guenda nacahui xti pur laanu, ti purti laaga laanu nacaru nu ni ruche, Cristu guti pur laanu. ⁹ Jmaru pe', yana ma bixhia xtonda nu pur rini xtibe, laanu salaanu pur laani, de lu xhiana xti Diuxhi. ¹⁰ Ti purti laga nacanu ni nu dinde, biguetanu gucanu xhamigu Diuxhi pur guenda guti xti xhiiñi be, jmáru pe', gudiidisi de biguetanu guca xhamigu nu Diuxhi xti tiru, salaa nu pur guenda nabani xtibe. ¹¹ Cadi ndisi, peru laanu laaca sieche nu lu Diuxhi pur Señor Jesucristu xtinu, ni pur laa nga gucuanu guibiguetanu gucanu xhamigunu Diuxhi. ¹² Nga runi, pur ti hombre guenda ruche guyu ndani guidxilayu, sacari guyu guendaguti, pur guenda ruche. Ne bireche guenda guti lade guira binni, ti purti guira bichee. ¹³ Pue dede ley, guenda ruche maca nu ndani guidxilayu, peru que rica cabe ni casi guendaruche pa gaxti ley. ¹⁴ Peru huaxha, guenda guti bini mandar dede ca dxi xti Adan dede Moises, neepe luguia ca ni que nuche ca casi guenda que rusuuba didxa xti Adán, ni naca casi ni nexhe gueeda. ¹⁵ Neca nga, ni rusigaade Diuxhi cadi naca casi ni cadi jneza. Purti pa pur ni cadi jneza xti tobi guti xtale, jmaru xtale biini guenda nachaui xti Diuxhi ne ni bisigaade be pur guenda nacahui xti tobi si hombre, Jesucristu, bidaale ni para xtale. ¹⁶ Ti purti ni bisigaade be di cadi nacani casi ni bedaguisaca xti xha ni biche que'. Ti ladu la? Juiciu xti guenda riabaná beeda pur guenda que runi jneza xti ti hombre. Peru pur xti ladu la? ni bisigade Diuxhi ni beeda de ra bixhia xtondanu, beedani gudiidisi de xtale guenda ruche'. ¹⁷ Pue, pa pur ca guenda ruche xti tobi, guenda guti biini mandar pur tobi, jmaru pe' para ca ni guica' ca xtale guenda nachaui xti Diuxhi ne ni cusigaade ni jneza ni runi reinar pur guenda nabani xti tobi, Jesucristu. ¹⁸ Saca pue, pur ca guenda ruche xti de guira binni beeda guenda riabaná, de neepe pur ti ni biini Jesucristu ni naca jneza beeda guenda rixhia donda xti guenda nabani para guira binni. ¹⁹ Pue pur guenda que runa xti ti hombre ca xtale guca ca binni ni ruche, neca saca pur guenda rusuuba didxa xti Jesus xtale seda gaca ca ni ma bixhia xtonda. ²⁰ Peru Ley beeda gudiidi si ca ndi, para guenda que runi ni naa Diuxhi guidale. Peru ra bidale guenda ruche', guenda nachaui xti Diuxhi jmaru pe Bidale. ²¹ Ndi bisaaca dede pe, casi guenda ruche biini mandar lu guenda guti, neca saca, guenda nachaui guni mandar pur ni jneza para guenda nabani ni que saluxhe pur Jesucristu Señor.