¹ Yana ya' ¿xhi zanda guininu bidxela bixhozegolanu Abraham casi binni guidxilayu pue? ² Ne pa' Abraham bixha xtonda pur ca'ni bini, labe ñapabe xhi pur nudxibabe la'ca labe, peru cadi neza lu Diuxi. ³ ¿ Pue xhina ca' xquichi Diuxi ? ''ABRAHAM BINI CREE DIUXI, NE GUCUACABENI CASI NI XNEZA'' ⁴ Yana para ni runi dxiña, ni riaxhabe cadi nacadini ni cusigade sicabe labe, casi ninusabi cabe labe. ⁵ Peru para ni que runi dxiña la' , peru laga nga runi cree be ni ruxhia xtonda ni ruche, ne guendaruni cree xtibe rica cabe casi ni xneza. ⁶ David laca rini de ndaya ni nu luguia hombre ni Diuxi rica ni runi xneza neca que guni dxiña , ⁷ Labe gunibe, ''NDAYA XTI DIUXI NGA CANI RUXHACABE GUIRA GUENDANADXABA XTI CA', NE CA GUENDARUCHE XTI CA' MA BIDXILU CA'. ⁸ NDAYA NGA HOMBRE NI XAIQUE XTINU QUE RICAA' GUENDARUCHE XTI.'' ⁹ Yana ya' ¿ ndi nga ndaya ni cani cabe ni nu luguia ca ni nu seña, ne laca luguia cani cadi nu ca seña?ne lanu rininu : ''GUENDARUNI CREE XTI ABRAHAM GUCUA DIUXI NI CASI GUENDARUNI XNEZA ''. ¹⁰ ¿Nga runi xhimodo gucuabeni? ¿Ora Abraham ma guyu seña, o caru chube seña? cadi guca ni ra ma nube seña, laga ra caru chube seña. ¹¹ Abraham gucua ra bilui Diuxi la ra guendariuseña. Ndi la guca ni ti seña de guendaxneza de guendaruni cree ni ma ca napabe de ora labe caru chube seña. ne ni bidi seña ndi nga que labe bedagacabe bixhoze de guira ca ni runi cree, ne cape lacabe caru chucabe seña. Ndi rini ndi de que guendaruni xneza sazacani para lacabe. ¹² Ndi laca rini ni de que Abraham beda gaca bixhoze de guendariuseña para cani zeda cadi si de ni ruiseña, peru laca para cani sizaca lu neza de guendaruni cree de bixhozenu Abraham, dxi la caru chu seña. ¹³ Ne ca' dixha ni bizanane cabe Abraham ne ca ni zeda de la', de que labe' zacabe ni guica guidxilayu', cadi beda pur ley, sinu que zeda ni pur guendaruni cree xnesa xtibe. ¹⁴ Ne pa cani nabani ca' pur ley zanda ca', guica ca', guendaruni cree ca' zeda gaca ni ni que iquiñe, ne ca didxa bizanabe ca' rixhia cani'. ¹⁵ Ne ley ruguni guendaridxichi, peru ra gasti ley la', laca gasti guendaqueruna. ¹⁶ Pur ndi la' ndi la naca ni pur guendaruni cree ti ni labe gulaquibe gaca guiana ni luguia guendanachahui ne ti guica de guira ni seda de Abraham ni. cadi si cani nuca lu ley, laca ne cani runi cree ne Abraham. Labe nga bixhoze de guira xhixhenu, ¹⁷ casi maca ca. MA BINE LI BIXHOZE DE STALE GUIDXI. Abraham guyu nesalu Be, ni la bini cree labe, nga nga la, Diuxi, ni rudi guendanabani ca ni ma guti ne ruyabe cani gasti casi ñaca ñuca. ¹⁸ Ne de lu guira ndi la, Abraham sanda ca bini cree Diuxi ni chigacaru. Ngaruni labe bedagacabe bixhoze de xtale guidxi, modo guta gunicabe. SACA ZACA CANI ZA DE LI. ¹⁹ Labe que ñaca yati dibe lu guendaruni cree. Abraham biene de que de la quesandadi gapa badu, {purti labe ma napabe bia ti gayua isa}. Labe laca biyabe de que ndani Sara que zanda gapa badu. ²⁰ Runi cani gudixhe Diuxi gaca, Abraham que ñaca chendxe di lu guendaqueruni cree. Ne labe bedagapabe xtipa lu guendaruni cree, ne bisisaca be Diuxi. ²¹ Labe nana dxichibe nigulaqui Diuxi, la zanda guni ni. ²² Ngaruni, ndi laca gucuacabe ni casi guendaruni xneza. ²³ Yana ndi la cadi si gucuani para si gaca ne ni labe, ni gucuaca be binibe. ²⁴ Laca gucuani para lanu, cani laca cacacabe lanu, lanu ca ni runi creenu lu La ni gundisa de lu guendaguti Jesus Shaique xtinu. ²⁵ Ndi nga ni bidi Diuxi pur guira guendaruche xtinu ne biasa lade guetu ti guini pur lanu.