¹ yanna, ¿paraa zaniru caa judiu pue? ¿ne paraa guisaca guirugu tindaa de laacabe? ² ladu ticasi nandxo'ni, zaniru lu guiraa' ne guni laacabe bisihuinni Diuxhi ni nuu ladxi na'. ³ ¿Ne pa nuu cadxi judiu que gapa guendaa runi cree la? ñee ti que runi cree cabeca' zuca'caabe Diuxi gusdaana de guni ni ma guni' la? ⁴ Que ziuu dxi ga'cani zaca', laga jma neeza, la gudii gusihuinni Diuxi dxandi ni la' ne ca de guira binni rusuguiica, casi ma ca'ni: "NE LAATU ZAANDA GUSIHUINNITU NACHAHUITU LU XTIIDXATU NE ZANDA GUIREETU NACHAHUITU RA LAATU GGUEEDATU LU JUSTICIA" ⁵ Peru pa guenda que runi jneeza xtiinu' gusiuinni jneeza ruuni Diuxi, ¿xi zanda guiniinu laanu? zanda guiniinu Diuxi nga que ruuni jneeza ra laabe gusabana'be nu xia'na xtiibe la? ¿laabe ni la? (canie' cazi rini ique binni guidxilayú). ⁶ ¡Que ziuudi dxi gacani zacá! yanna laga, ¿ximodo Diuxi gu'ya pa cuche' binni guidxilayú? ⁷ Peru pani dxandí' xtii Diuxi ranaa gusiguiee guni ni xtale tu gusisaca laabe, ¿xiñee naa naca casi tobi ni ma biche' cayu'ya cabe pa napa dondapue. ⁸ ¿Xiñee que guininu zacá casica laanu huadxiibasicabe xixa luguianu' casiquiisicabe ra rini'nu ne ximodo xcaadxi na' huayuna diagaca laanu guniinu: "La gudii laadu gunidu ni nadxaaba ¿ti gueeda ni jnezaa la? jneeza guibana' cabe. ⁹ ¿yanna xiipue'? ¿ñe zutiidi ladxinu laca luunula? nin ti ladu , ti luunu ma xtalepe huadxibanu donda ique ca' Judiu ne ca griegu de guira' ca ni ma naazo guenda ruchee' luuca ¹⁰ casi ca'ni:'' CADI NUU TUUXA NA' CHA'UI NIN TOOBI. '' ¹¹ CADI NUU TUUXA NI GUIEENE , CADI NUU NI LAA GUYUBI DIUXI. DE GUIRA' CABE BIREECHU'CABE. ¹² LAACABE GUCA TOBISI VIGUETA CABE GUCA CABE NI QUE GUIQUI'ÑE , GUIRUTI NUU NIGUNI NI JNEEZA, CO' NIN NECA TOBI. ¹³ NDAANI BAYANNICA' NACANI BA' ZUXALE' LUUDXICA' HUAGUI'TE SI BINNI, BENENU XTII BE'NDA DA' XA' GUIDI RUAACA. ¹⁴ RUA CA DXA DE GUENDA RIGU DÍI NE GUENDA NANDÁ. ¹⁵ CA ÑEECA NABE' NASISI RA CHI GUXIICA RI'NI. ¹⁶ GUENDA RUNI DEE NE GUENDA RACANA' NUU LU CA NEEZA XTIICA. ¹⁷ CA BINNIDI' QUE HUAYU'NI BIACA TI NEEZA GUENDA RATADXI LADXIIDO'. ¹⁸ GAXTI GUENDA RIDXIBI DIUXI BEZALUUCA'. ¹⁹ Yanaa laanu' nannanu' intiicasi nina' lu Ley, canii'nuni cani nabani casi na' ley, ne ndii ti guida'gu guiru' ruaa, nee de guira' binni guidxilayú ganna dxichica zuzuhuaaca neza lu' Diuxi. ²⁰ Ne ndiila? ti nin ti binni guidxilayú zaca nacha'hui ti biica jneeza casi na' ley neza lu Diuxi, ti ru'ni ley nga beda gannanu nuu guenda ruche'. ²¹ Ne ya'ana guidu'banu de lu ni ma'aca ca' lu xtidxa Diuxi, guenda runi xneza xti Duixi bedaguihuinini. Ndi'la ma guini' ca ni gucua' lu xtidxa Diuxi ne ca profeta, ²² ndinga guenda runi xneza xti Diuxi lu guenda runi cre Jesucristo ne guira' ca ni binicre'ca. Gasti di' guenda ribi'. ²³ Ti guira' tu bichee ne quenuga'ndaca' guenda nandxo' xti Diuxi ²⁴ laa'ca' bilaa'ca' xneza runi guenda nachahui lu guenda rula' ni na'ca Cristo Jesus. ²⁵ Pue Diuxhi ma bidii be Cristu Jesus para guica lugar xtinu pur guenda runni cre' lu rini xtibe. Laabe bidii be Cristu para gului be jneza xtibe. bitiidi be guira guenda ruche' ni maca guca. ²⁶ Lu guenda ribeeza xtibe. guira ndi guca ti ganda gului' be guenda runi jneza xtibe lu ca dxi de yana di'. Ndi guca tí laabe gului' be laaca laabe runibe jneza, ne gului' be de que laabe nga ruxhiabe donda xti tutica pur guenda runi cre' Jesus. ²⁷ De padé yana zeeda guenda rucha guenda naro'? ma que ziu' di ni. Xhi lu zanda guzhuhua ni? Lu ni runi nu? co', peru lu zanda guzuhua ni lu guenda runi cre'. ²⁸ Laanu cuguunu laaca, ti binni sanda guixhia xtonda pur guenda runi cre'. Sin ca guenda runi ni rinaba ley. ²⁹ O Diuxhi naca Diuxhi xti ca ni Judiu si la? cadi laaca nacabe Diuxhi xti ca ni cadi Judiu? Ya, laaca xti ca ni cadi Judiu. ³⁰ Ya', Diuxhi la? tobi si laa. Laabe suni be jneza guenda riu seña pur guenda runi cre' ne guenda que riu' seña pur guenda runi cre' ³¹ Yana, cuxhia nu laanu Ley pur guenda runi cre'? Que chu' dxi gacani saca! ante de nga la? laanu guni nu ni naa ley.