¹ Yana ladu cani napadu xtipa la? napa xhide gacanedu cani que gapa xtipa, ne cadi gudxilunadu laca ladu. ² La gudi lugar cada tobi gusisaca bichii ne ni sicarú, ti gusuhuá chahuí be. ³ Pue ni Cristo que nudxibalunaa laca laa. Laga, gucani casi ca lu guichii: "DII XTICA CANI GULUDI LII BIABANI LUGUIAYA". ⁴ Guiraxhixhe ni ma gucua nirú, gucuani ti ganda guisidinu, ti pur guenda ribesa ne pur ca didxa xti xquichi Diuxi ti zaca ganda lanu guilanu. ⁵ Yana, Diuxhi de guenda ribeza ne ni rucha bii gudii laatu tobisi guenda rinii ique, para Cristu Jesus. ⁶ laabe guni be ni ti ma ganda laatu ne tobisi guendabiani ganda gusisaca tu ne tobi si ridxi, Diuxhi, ne bixhozenu Jesucristu. ⁷ Nga runi lagicaa zaa, casi ca Cristu gucua laatu, para gusisacatu Diuxhi. ⁸ Ti purti naa rabe de que Cristu beda gaca ti ni runi xhiiña seña xti Diuxhi pur láa ni dxandi xti Diuxhi, para guinii chahui de ca ni gudxi Diuxhi ca bixhozenu saca, ⁹ Ne para ca ni cadi Judiu gusisaca ca Diuxhi pur guenda ria' xtibe. Nacani Casi maca cáa: "NGA RUNI NAA SUSISACA LII LADE CA NI CADI JUDIU, NE SUUNDA DXIDXA RIUNDA NI GUSISACA LAALU." ¹⁰ Naani xti tiru: "LAGUIECHE, LAATU CA NI CADI JUDIU NE BINNI XTITU." ¹¹ Ne xti tiru: "LAGUSISACA XHAIQUENU, GUIRA CA NI CADI JUDIU; LAGUDI GUIRA BINNI GUSISACA LAABE. ¹² Xti tiru, Isaías naa: "ZIU' DE XCU ISAÍ, NE NI CHI GUNI MANDAR GUCÁLU CA CANI CADI JUDÍU LA?. CANI CADI JUDÍU ZACÁ LÚ CA LAABE". ¹³ Yanna Diuxi ni ribaquidxii ladxidó' tobi guchaa tipa laatu de guendanayeche ne quixhe dxí be ladxidó' to ra guni cre tu laabe, ti guidxá tipa ladxidó'to, lu guendanandxó xti Espíritu Santu. ¹⁴ Nanna dxi'che de laatu, biche ne bizana ca. Ne laca nanna dxi´che de que iza´de nachahui tu´, ne izá ma nanna tu xtale. Nanna dxi´che de que laca zanda gacané saa tu. ¹⁵ Peru cadi caguba naya de ucaa chupa choona cosa lú tu para usietenaladxe laatu ni maca nanna tu, runi guenda ni bi dii Diuxi na. ¹⁶ Guenda di naa ni gaca casi ti ni rusisaca Cristu Jesús ni beeda lade cani cadi judíu laca, ti gudié casi modo rudí ti sacerdote evangelio xti Diuxi. Napa xidé gune ndi ti chu'la'dxi Diuxi ca ofrenda xti cani cadi judíu, ni ma nu´chahui para Espíritu Santu. ¹⁷ Pue guendanayeche xtine nga Cristu Jesus ne luu ca ni xti Diuxhi. ¹⁸ Pue naa que ñanda di' ñacaladxe ninie' de xti cosa pa cadi de ni Cristu ma binni ra biquiiñe naa pa ca ni cadi Judiu guzuuba ca didxa. Ndi nga ca ni guca ca pur diidxa ne pur guenda runi. ¹⁹ Pur guenda nadipa xti ca ni bihuini ne ca guenda ridxagaya, ne pur guenda nandxo xti Espiritu Santu. Ndi nga naca para dede Jerusalen ne dede ca guidxi xitu casi Ilírico, naa ganda chinia interu naca xtidxa Cristu. ²⁰ Sacari, ni naa racaladxe nga gue de xtidxa Diuxhi, peru cadi ra ma runibia' cabe lá Cristu, ti cadi gucue dia' laaca ra xti hombre ma bizulu cucui'. ²¹ Ndi naca casi maca gucua: "CA BINNI NI QUE HUAYANA NIN TI NACUBI DE LAABE, ZUUYA CA LAABE, NE CA NI QUE HUAYUNA DIAGA CA LAABE, SIENE CA'." ²² Nga runi naa laaca guyu ni gucaladxi nucueza naa xtale tiru para cadi guenda ra nuu tu. ²³ Peru yana, naa ma que gapa dia' nin ti lugar ca layu' di', ne naa ma xtale iza cayacaladxe chaa ra nuutu. ²⁴ Nga runi ora naa chaa España, ribeza guuya laatu ora tiide nesaca, ne ganda cue tu naa neza xtine, tiidi si chualadxe chua nia laatu caadxi. ²⁵ Peru yana chaa Jerusalen para gune dxiña para ca ni runi cre'. ²⁶ Pue aque sicarú guca para Macedonia ne Acaya, bidii ca para ca ni que gapa, de lade ca ni ma runi cre' ni nuu Jerusalen. ²⁷ ya, ndi gucani sicaru ne dxandi, laacabe naca cabe ni nuzaabi. Pue pa ca ni cadi Judiu ma bidii ca xcadxi de ca cosa espiritual xti cabe. laaca naquiiñe guni tu dxiña para laacabe lu ca cosa ndani guidxilayu. ²⁸ Nga runi, ora naa ma bigaanda ndi, ne ma biiya cuananaxhi di de laacabe, naa zia' neza ra nuutu España. ²⁹ Naa nana de que ora chindaya ra nuutu, zenda dxayatipa de ndaya xti Cristu. ³⁰ Yana naa cadi cabeza de guinaba laatu, biche ca', pur xhaiquenu Jesucristu, ne pur guendanaxhii xti espiritu, de que laatu gunitu xtipa ne naa lu ca ra rucaa tu ridxi Diuxhi pur naa. ³¹ Laguinii ne diuxhi para naa guilaa de guira ca ni que ruzuuba ca didxa de Judea, ne de que dxiña xtine jesuralen ganda guica ca n ma runi cre' ni. ³² La guiniine Diuxhi para naa ganda guenda ra nuutu ne xtale guenda nayeche pur saca gacaladxi Diuxhi, ne naa ganda, ne laatu guidxela guenda riziiladxi. ³³ Diuxhi de guenda ratadxi gaca nee guira tu. saca gacani.