¹ Naa cuzaana ndani ná tu febe bizaana nu, ni naca ti ni runi dxiña xti Iglesia ni nuu Cencrea, ² Para laatu guicaa tu laabe pur xhaiquenu. Laguuni ndi casi naquiiñe guni ti ni ma runi cre', ne la gacane laabe lu intiicasi ni iquiiñebe de laatu. Pue laapebe beda gacabe ti ni racane xtale, casi ca racanee be naa pia'. ³ Lagudii ti Diuxhi Priscila ne Aquila, ca ni naa guzaya nia lu xhiiña Cristu Jesus, ⁴ Ca ni pur guenda nabani xtine guluu ca naxhoo xquenda nabani ca pe ca. Naa cudie xquixhepe laacabe, ne cadi laasi cabe, laga laaca ira ca Iglesia xti ca ni cadi Judiu. Lagudi ti diuxhi ca Iglesia xti ca ni cadi Judiu. ⁵ Lagudii xquixhe Iglesia ninuu ralidxi cabe. Lagudii xquixhe Epeneto ni nadxie', ni naca niru cuananaxhi para cristu ni nuu Asia. ⁶ Lagudi ti diuxhi Maria, ni ma biini dxiña nadipapara laatu. ⁷ Lagudii ti Diuxhi Andrónco ne Junias, ca binni lidxe ne ca ni guyua nia ndani lidxi guiiba. Laacabe nacacabe ni nabee rihuini lade ca apostol, ca ni laaca guyu ca ra nu cristu jmá niru que naa. ⁸ Lagudii ti diuxhi Amplias, ni naa nadxie pur xhaiquenu. ⁹ Lagudii ti Diuxhi Urbano, ni rizaanenu lu xhiiña Cristu, ne Estaquis, ni nadxie'. ¹⁰ Lagudii ti diuxhi Apeles, ni Cristu ma biiya zanda laa. Lagudii ti diuxhi ca ni naca de liidxi Aristóbulo. Lagudi ti Diuxhi Herodión, binni lidxe. ¹¹ Lagudii ti Diuxhi ca ni naaca ca de Lidxi Narcisu, ca ni nuu ca lu xhaiquenu. ¹² Lagudii ti diuxhi Trifenea ne Trifosa, ni runi ca dxiiña nadipa pur xhaiquenu. Lagudii ti diuxhi Pérsida ni nadxie', ni iza' ma biini dxiña lu xhaiquenu. ¹³ Lagudii ti diuxhi Rufo, ni xhaiquenu gulii, ne ñaabe ne laaca ñáa. ¹⁴ ti diuxhi para Asíncrito, Flegonte, Hermes, Petrobas, Hermas, ne ca biichinu ni nuu ne laacabe. ¹⁵ Ti diuxhi para Filólogo ne Julia, Nereo ne bizaana ne Olimpas, ne guira ni runi cre' ni nuu ne laacabe. ¹⁶ Lagudii lisaa ti diuxhi laatu ne ti bixhidu ni nandxo'. Guira ca iglesia xti Cristu cuseenda ca ti Diuxhi para laatu. ¹⁷ Yana cadi cusaana de de gabe laatu, biche ca, guixhaladxitu de ca ni candaaza ne cayuni guirenda ñee xcadxi. Laa cabe zee cabe jma zitu de guenda riziidi ni biziiditu. Laguixhale de laacabe. ¹⁸ Ti purti binni sacacadi runi xhiiña Cristu xhaiquenu, laga laaca nadi ca. Pur nado' rini' ca ne nanaxhi, laaca riguite ca ladxido' xti ca ni que gana. ¹⁹ Pue purti guenda ruzuuba didxa ni cului cabe cugaanda de guira. Naa cayeche, luguia de guira tu, peru naa racaladxe gaca tu ni nu xpiani de ni naca sicaru ne ni naya, luguia ni nadxaba. ²⁰ Diuxhi de guenda ratadxi, suxhata ñee binidxaba xha ñee. Guenda nachahui xti xhaiquenu Jesucristu gaca ne laatu. ²¹ Timoteu ni naa rizaya nia lu dxiiña di', cuzeenda diuxhi xti tu, ne Luciu, Jasón, ne Sosípater, ca binni lidxe. ²² Naa terciu ni cucaa guiichi di' cuzeenda diuxhi laatu lu xhaiquenu. ²³ Gayo, ni cayaana ra lidxi ne interu naca iglesia cuzeenda diuxhi xtitu. Erastu, ni rapa bidxichi xti guidxi, cuzeenda diuxhi xti tu ne Cuartu bichinu. ²⁵ Yana guira guenda rusisaca gaca para laabe ni nacabe ni zanda guni guiaana tu lu xtidxabe ni cayue, ne ca ni biziidi Jesucristu, casi ca xhiiña Diuxhi ni ma bihuini, ni guyuu naga'chi ma xhadxi. ²⁶ Peru yana ma bihuini ne ma gunacabe pur ca gui'chi ni bicaa ca profeta, casi ca bizaana Diuxhi ni que rati, para guena ruzuuba didxa xti guenda runi cre'. ²⁷ Tobi lucha Diuxhi ni nuu xpiani, pur Jesucristu; gaca guira guenda rusisaca dede guira dxi. Saca gaca.