¹ Laguica tutiica ni nú nayati lu guenda runi cre', sin guni juzgar tu nin cue tu neza xti didxa. ² Ti binni ni napa guenda runi cre' para go' de guira, xtobi ni nayati, puru guixhi si ro'. ³ Ni ro' de guirá cadi guni jmá nahuini ni que ro' de guirá. Ne ni que ro' guirá cadi guni juzgar ni ro' de guirá. Ti purti Diuxhi ma gucua' laabe. ⁴ Tu naaca tu laatu, ni runi juzgar tu ti ni runi xhiiña xtobi? neza lu xpixhuana be laabe zanda guzuhua be o guiaba be. Peru laa zuni guzuhua be, pue xpixhuana be zanda guni guzuhua be. ⁵ Ti binni rudxibaluna ti dxi lugia xtobi. xtobi rudxibaluna guira dxi zaqueca. Bidii de que cada binni guzuhua dxiichi lu xquenda biaani. ⁶ Ni ruyadxi dxí guyadxí ni para xpixhuana nu. Ne ni ro', ro' para xpixhuana nu, ti purti laabe rudii be xquixhe pe Diuxhi. Ni que ro', ruzaana be de go' be pur xpixhuana nu. Laabe laaca rudii be xquixhe pe Diuxhi. ⁷ Pue nin tobi cadi nabani para laaca laa, ne nin tobi que rati para laaca laa. ⁸ Pue pa laanu nabani nu, nabani nu para xpixhuana nu. ne pa laanu gati nu, gati nu para xpixhuana nu. ⁹ Pue para ndi nga Cristu guti ne bibaani xti tiru, para laabe gaca be xpixhuana de guiropa, ca ni ma guti ne ca ni nabani. ¹⁰ Peru lii, xhi jñe runi juzgar lu biichi lu? ne lii xhi jñe runi lu huaxhie biichi lu? ti purti de guira nu zuzuhua nu nezalu ra ruuya Diuxhi xtonda binni. ¹¹ Ti purti ca' lu guiichi: " CASI NAA NABANE, NA XPIXHUANA NU, ZAGUUDE GUIRA XHIIBI, NE GUIRA LUDXI SUSISACA DIUXHI." ¹² saca yaana, cada tobi de laanu saníi ni binni ra lu Diuxhi de laaca laa. ¹³ Nga runi cadi guni juzgar zaa tu, laga nga laa gacaladxi ndi, de que guiruti cú guie guirenda ñe xtobi o cuaqui ti do' ra guiaba biichi. ¹⁴ Naa naana ne ma bigudxe lu xpixhuana nu Jesus, de que gaxti di nga namucu pur laa si'. Ni ricaa si intiica cosa casi namucu , para laabe namucu ni'. ¹⁵ Pa pur guenda ro' gucana biichi lu, lii ma cadi sizaa diou' lu guenda ranaxhi. Cadi guzaaba diou' ne guendaro' tobi ni pur laa guti Cristu. ¹⁶ Nga runi, cadi gudii tu de que ni laatu rica' tu casi ni jneza guini' cabe deque cadi jneza ni'. ¹⁷ Pue guenda runi mandar xti Diuxhi cadi naca di ni de guendaro' o de guendare', laga naca ni de ni jneza, guenda ratadxi, ne guenda rieche, lu espiritu ni nandxo'. ¹⁸ Pue ni runi xhiña Cristu sacari nga Cristu zanda guica' laabe, ne binni zuuya dxandi laabe. ¹⁹ Nga runi, gacaladxi nu ca ni naca de guenda ratadxi, ne ca ni runi guzhua dxichi tobi ne xtobi. ²⁰ Cadi guxhia lu xhiiña Diuxhi pur guendaro'. Guira cosa nga naya', peru nadxaba ni para binni ni gudo' ne guni laani birenda ñee. ²¹ Sicaru nga cadi go'lo beela, ne cadi gueelu vinu, ne nin gaxti ni ñanda ñuni ñacana biichilu. ²² Guenda runi cre' ni lii napa lu guupa ni entre lii ne Diuxhi. Ndaya nga naca ni que rudxiba donda laaca luguia pur ni ro' . ²³ Ni laa riguñe ique ma gudxiba donda ique pa laa go', ti purti ndi cadi zeeda di' ni delu guenda runi cre'. Ne inticasi ni cadi zeeda de lu guenda runi cre' nacani guenda ruche'.