¹ Ne orá que, ra bisaa' gaayu' angel bixiidxi xcuernu. Naa' viilla' ti béle guii de ibaa' ni biaaba lú guidxiilayu'. Xá' béle guii que' bidii' ca'be ni llave xti ni rinee ndaani' bizee guetee' ni que rilúxe. ² Labe bixaale'be bizee guetee ni que rilúxe que' ne tí poste de gú'xhu' gudxiiba' de ndaani' bizee que' casi tí gú'xhu' xti tí zuquii' roo'. Gubiidxa ne vií bicahui' canii gúnii gú'xhu' ni caree' de ndaani' bizee que'. ³ Ddaani' gú'xhu' que' biree' caadxi' gusuu' ni zeeca' guidxiilayu', ne laa'ca gucuaa'ca ti guenda guninaa ca' cási' runinaa ca' meuxhubii xti guidxilayu. ⁴ Gudxii cabe laa'ca cádi gúnii naa ca' guiixi ndaani' guidxiilayu ninca xti yaaga guiee' o yaaga roo', peru ca binni si' ni que gapa firma xti Diuxi lucuaa'ca que'. ⁵ Que' nicaa'dii ca' ñutii' ca' ca binni que', laga, quiiñe'ca ne gunii naaca' si' cabe laaca' pur gaayu' beeu'. Guenda nana xti cabe zeda gaaca' casii ra uquíchii' tí meuxhuubi ti binni. ⁶ Lú ca dxí que', ca binni que' suyuubi' cabe' guenda gútii, ne que' zadxeladii cabe ni'. Laaca'be sacaládxii' cabe gátii' cabe, peru guenda gútii suxhooñe' de laaca'be. ⁷ Ca' gusuu' qué rulúii' ca'me maani' ma nuu' chaahui' para guidxela zaa. Lu íque ca'me nuu' tí xhiixa casi tí la'pa de oro ne lú ca'me casi ca lú binni ni'. ⁸ Laaca'me nápa ca'me guiicha íque ca'me casi ca guiicha íque tí gunaa', ne laaya ca'me casi ca laaya ti lion. ⁹ Laaca'me nápa ca'me xiixa xpéchu ca'me casi tí guiiba' ni rica xpéchu ni chií guiidxela'zaa, ne xiaa' ca'me rixiidxi casi ca rixiidxi xtále carreta ne maani' si guxhooñe'ca para guiidxela'zaa ca'. ¹⁰ Laaca napa ca cola ni napa guiichi casi meuxhubi yaase; lu xcola ca', Laaca napa ca guenda para guniná ca binni pur gaayu beu'. ¹¹ Laaca napa ca de rey xha Angel xti guelachui guete ni que riluxhe que'. Lá be lu didxa xti ca ebreu la? Abadón, lu xtidxa ca Griegu la? lá be Apolión. ¹² Niru ridxi naná ca ma gudiidi. Laguuya! Tidi si ndi seeda ru' xhupa guenda naná. ¹³ Ra xhoopa angel que bixhidxi trompeta xti que ne naa binadiaga ti riidxi zeeda de lu ca cachu xti altar de oro ni nuu nezalú Diuxhi. ¹⁴ Ridxi xti ra xhoopa Angel que naca ni casi ti trompeta: "lagundaa ca guidapa angel ni liibi ca nadi guiigu ro' Eúfrates". ¹⁵ Ca guidapa Angel ni ma bizuchaui ca para xhigaba que', dxi que, beeu que, ne iza que, bilaa ca para guuti ca ti guiona nda' guidxilayu'. ¹⁶ numeru xti ca ni chi guidxelaza dxiiba ca mani' que' naca bia' 200,000,000. Naa binadiaga numeru di'. ¹⁷ Casi ca naa biiya ca maní lu ni cului' Diuxhi naa que', ne ca ni chi chiiba ca mani': guiba nu xpechu cabe naca naxhiña casi bele, nasiá yaase ne naguchi azufre. Ique ca mani' que naca casi ique leon, ne de ndani rua' ca riré' bele, gu'xhu ne azufre. ¹⁸ Ti guiona nda de ca binni que guti ca pur ca chona guenda naná di': Bele, gu'xhu ne azufre ni rire' ca de ndani rua' came. ¹⁹ Pue xtipa xti ca mani' que nuuni ndani rua came ne xcola came - pue ca xcola ca naca casi beenda, ne laaca napa ca ique ca ni riquiiñe ca para gunináca ca binni. ²⁰ Ca xcadxi binni guidxilayu', ca ni que ñati ca pur ca guenda naná di, que nibiiza ca de ca ni biini ca, ne ninca que nuzaana ca de nusisaca ca binidxaba ne ca bido' de oro, plata, bronce, guie' ne yaga- xhiixha ni que sandaguuya, gunadiaga ca o zaa ca. ²¹ Ninca laaca que nibiiza ca de ca ni biiti ca, de ca brujeria xti ca, guenda riu ne xtobi xtica, ne guenda riba'na xti ca.