¹ Ora deendxu' que' bixaale raa bisaa' gaadxe firma, bianadxii riidxi guibaa' biaa' galaa si de tí xhigaaba'. ² Nee de racaa naa' viyaa' ca gaadxe angel ni suhuaa'ca lú Diuxi, ne bidicabe la gaadxe xcachuu. ³ Nee bee'da xtí angel,ne naaze' be ti raa riuu gu'xhu rindaa' náxhi de oro, suhuaa' lú altar. Ne bidii' cabe laa' xtale pee' ni rindaa' náxhi tí laa'be nudii'be ca ni lú enda rinii' nee Diuxi xtí guiraa ca' ni runi cree lú altar de oro nezaa lú baangu' naandxoo'. ⁴ Ne gu'xhu ni rindaa naxhii, ne ca ni enda rinii' ne Diuxi xtí ca ni ruuni cree, gudxii'ba nii neza lú Diuxi de lú naa' angel que'. ⁵ Ne angel que' ucuaa'be raa riuu' gu'xhu de oro ne bichaa'be ni de belee xti altar. Ora que laa'be bindaa'be ni ndaani' guidxiilayu, ne biree' rráyu,gúxhidxii'laa, biree' xpiaani' rráyu ne ti xhuu roo'. ⁶ Caa gaadxe angel ni napa caa' gaadxe cachuu que' bisuchaahui caa' para guxhiidxi'ca ca ni. ⁷ Ne niiru angel que' bixhidxii xcachuu, ne biaaba niisa naguiidxi' casi guiee ne béle ñuucha' riini. Ne gulaa cani xhagetee ra nuu guidxiilayu tií tobi de choona ndaa' de laa'ni chaaqui' ni, ne tobii de choona ndaa' de ca yaaga roo' ucuaa guii ca' ne sacaa ca guixhii nagaa' laa'ca ucua guii ca'. ⁸ Ne ra guiroopa' angel que bixhiidxi xcachuu, ne xiixha casi ti daani' caca'guii gulaa lu' niisa doo'.Ne tobii de choona ndaa' de nisaa doo' guuca'ni riini, ⁹ ne tobii de choona ndaa' de ca manii huiini' ni nuu xha'gueete niisa gútii'ca, ne tobii de choona ndaa' de ca barcu ucaade'ca. ¹⁰ Ne ra guioona angel bixhiidxi xcachuu,ne ti béle guii narooba biaaba de guibaa', caya'quii casi ti yaaga naase béle, lu tobii de choona ndaa' de ca guiigu' ne de raa cadaa' niisa. ¹¹ Ne xlaa béle guii ni biaaba ca nga Ajenjo. Tobii de choona ndaa' de ca niisa gúca canii nandaa' casi ajenjo, ne xtale de ca binni que' gútii'ca ra gúca' niisa que' nandaa'. ¹² Ne ra idaapa angel que bixiidxi xcachuu, ne tobii de choona ndaa' de gúbiidxa uca'naa, sacáca casi tobii de choona ndaa' xtí beeu, ne tobii de choona ndaa' de ca béle guii'. Pur nga tobii de choona ndaa' de laa'ca bicaahuii; ne tobii de choona ndaa' de lú ridxii' ne tobii de choona ndaa' de gueela' que' gapa diica' biaani'. ¹³ Naa biiya', ne binadiaaga' ti bisiiá ca napapa galahuii' de guibaa', ne cucaa' ridxii ne tí ridxii roo':"Naana, naana, naana saaca para ca ni nú'ca ndaani' guidxiilayu, ti pur ti raa xhiidxi xcadxii xcachuu ni cayaadxa' de ni nú' xhiidxi, ca ni cayaadxa de xhiidxi pur ca' xhoona angel.''