¹ Oraque' biiya xti duuba de guiba', naroba ne guenda ridxagaya: Nuu gadxe Angel ne gadxe guenda naná, ni nacaca ca guenda naná xti ra guira guiluxhe, ti purti ne laacani xhiana xti Diuxi ma bizaa. ² Biiya ni rilui casi ti nisado' de cristal nucha ne bele. Cue nisado' que zuhuaa ca ni gudiñe ca luguia mani que' ne bidoo xti ne ca xhigaba ni riníi lábe. Laaca naaze ca Arpa ni Diuxi bidii laaca. ³ Laaca cayuunda ca didxa riunda xti Moises, ni biini xhiiña Diuxi, ne diidxa riunda xti dendxu que': "Narooba ne guenda ridxagaya nga ca ni ma biini lu, Duixi xaiquedu ni napa guiraxhixhe xtipa, ni runi mandar luguia de guira. Jneeza ne dxandi nga ca neza xtilu, Rey xti ca guidxiro'. ⁴ Tu laa que zadxibi lii xhaiquedu, ne que zusisaca lálu? Ti purti lii siou nacalu nandxo'. Guira guidxiro' seeda ca ne zusisaca ca nezalú lu ti purti ca ni ma biinilu ni naca jneeza ma binibia' cabe ni." ⁵ Gudidi di ca ndi biiyadxie ne ra jmá nandxo' que, ra nuu ca yoo de laari xti ca ni biiya ni bizaaca, suxhale cani guiba'. ⁶ Sedaré ca de ra jmá nandxo que, beeda ca gadxe Angel ni naaze ca gadxe guendananá que'. Nacu ca laari de linu nayá ne ruzaani, ne ti lari hruxhi xpechu cabe naguchi hruzaani. ⁷ Tobi de ca bultu nabani que' bidii be ca gadxe Angel que, gadxe xhiga de oro dxa tipa ca xhiana xti Diuxi, ni nabaani de guira dxi, ne dede guira dxi. ⁸ Ra jmá nandxo' que dxa tipa de guxhu xti guenda nandxo' xti Diuxhi ne de Xtipa xtibe. Guiruti zanda chú ra nuuni dede ora ca gadxe guendananá xti ca Angel que guizaa ca.