¹ Ziado' ro bidxiña ca xhaique sti ca sacerdote, ne ca biinigo' la ne ca ni ruca istidan diuxhi, ne enteru na' ca justicia sti ca Judiu. Oraque binndibi cabe Jesús ne zne' ca laabe. Laaca bidiica' laabe Pilatu. ² Pilatu gunabadiidxa laabe: "liinga xhaique sti ca Judiu? laabe bica' bi be laa: " lii guniiuni'". ³ Ca xhaique sti ca sacerdote yene' ca stale queja lugiaa Jesús. ⁴ Pilatu sti tiru gunabadiidxa laabe: que zucaabi lu na' la? ñe' cadi cayuuyu guira queja cugaani cabe lugia' lula? ⁵ Peru Jesús que nucabi Pilatu, ne ru' ni ngue' bidxagaya' be. ⁶ Yana magunda dxi sti ca za'a Pilatu ma biaa' gunda' tin' daguyo' ni laacabe cui' cabe. ⁷ Laade ca ni daguyo'. laade cu ni ma biiti ni ma bigaa pu' guyu' ca laade ca ni bica' lu gubiernu, nu ti hombre la' Barrabas. ⁸ Xtale binni beeda ra nu' Pilatu ni bizulu cabe gunaba cabe la guni ne' laacabe casi ca' huayu' ni. ⁹ Pilatu bicaabi laaca ne na': laatu napa tu gana gunda' Xhaique sti ca Judiu la'? ¹⁰ Purti Pilatu nana' be de que por envidia sti ca xhaique sti ca sacerdote nga yene' cabe Jesús ra nu' be. ¹¹ Peru xhaique sti ca sacerdote bii'ni guca guira binni que ridxi gunda' be barrabas. ¹² Pilatu gunabadiidxa laacabe sti tiru ne na', xhi napa' xhide' gune nia' xhaique sti ca Judiu? ¹³ Cabiini que bica' cabe ridxi sti tiru:"¡bica' laabe lu yaga cruz!". ¹⁴ Pilatu gudxi laacabe,"xhi guenda nadxaba' 'bi' ni be pue? peru laaca jma' cuca' ca ridxii: "¡bica' laabe lu' yaya cruz!". ¹⁵ Pilatu gucala' dxi guni ni canaba ca binni que, ngue' runi binda' be barrabas. Ne laabe gudiñe be Jesús ne oraque' bindiibi cabe laa para chine' cabe laa guica' lu yaga cruz. ¹⁶ Ca dxu' yene' ca Jesús ndani ti patiu dentru ( ndi' la? rapatiu ra ruca juzgar) ne bica' ridxi ca' interu ti grupu' dxu'. ¹⁷ Ne bigacucache Jesús ti lari xiñuaa, nebizaa cabe ti laapa de guiichi ne guluucahuni ique be. ¹⁸ Ne bizulucabe cugapadiuxi cabe laabe ne naa cabe ne rabi cabe laabe "¡ Xadxi guibani' xaique sti ca Judiu!". ¹⁹ Ne ucuaa cabe ti bara ni te bichendacabe ique be ne bicha' xinni cabe ladi be. ne laacabe bizuxibicabe casi ñaca cusisaca cabe laabe. ²⁰ Ne biluxe side bini burla ca' laabe. Gulee cabe lari xiñaa que ne bigacu cabe laabe xhababe ne oraqueru' zine cabe Jesús de raque, ne guleecabe laabe para ueaa cabe laabe la cruz. ²¹ Ne laacabe bicaacabe tobi ni zidi' dibi' raque para guni dxiiña, tobi ni zeda de ra ñaa.labe Simón ne de cirene laabe ( bixoze Alejandru ne Rufu): Ne bicaacabe laa guaa cruz sti Jesús. ²² Ne bedane ca dxuu que Jesús lugar nabicabe G'olgota (ni riniini la ra dxita ique). ²³ Ne laaca bidiica laabe nisa uva nuchaa tiini yaga ni ra bicabe Mirra, peru que ñeedibe ni. ²⁴ Ne laaca biicaaca Jesús la cruz ne gucheza ca dxuu que xababe, guluu cabeni rifa para guuyacabe xi ndaa ica' cada tobi cabe. ²⁵ Ne biaasipe lu gaa xigaba sti siado' bicaacabe laabe lu cruz. ²⁶ Ne bicaacabeni lu tinda' tabla nicani' xiñe caabe raque, " xaique sti' ca Judiu" ²⁷ Ne bicuanecabe laabe la cruz chupa gubaana, tobi ladu derechu ne stobi ladu biga'. ²⁸ Ne guucabi modo pe caa lu xqui' chi diuxi na ucua' ca' cuenta cabe laa lade binni que iquiñe. ²⁹ Guira ni ni zidiidi bigu' naca laabe diidxa, runiibi ique ca' naaca aja' cadi nou zuxialu yuudu' ne lu chonna si gubidxa zucuilu ni la'. ³⁰ Bilaa laca lii ne biete de la cruz ca!" ³¹ Ne zicaqueca ca xuique yuudu' cayuni burla ca laabe lade ca', ne ca ni rucaa ne naaca' " bilabe sto' bi peru que ganda gulabe laca laabe. ³² Bidii lugar, Cristu, xaique stiica Judiu guiete de la cruz ca' para guiduuyano ne guni creenu". ne ca ni caane' laabe la cruz que laaca cayuni burlaca laabe. ³³ Bia galaa dxi bicahui guidubi guidxilayu dede gunda chona xigaba' sti huadxi. ³⁴ Ra guunda chona xigaba' sti huadxi Jesús bicaa ridxi reciu, "Eloi Eloi ¿Lama sabactani? " ni rinii, "Diuxi stine', Diuxi stine', ¿ xiñee bisaanunaa xtube'? ³⁵ Caadxi de ca ni nuu gaxha, binadiaga laabe ne guniica', "biaa, cucaaridxibe Elias". ³⁶ Bixooñe tobi, bigadxe ti esponja ndaani vinu hii, bilaadxibeni lu ti bara, ne bigueecabe ni laabe. Hombre que guni': "guidu' yanu pa guedandete' Elias laabe". ³⁷ Ne oraque bicaa ridxi Jesús ne ti ridxi narooba, neguti. ³⁸ Lari tanda ndaani yuudu' que gureza chupa ndaa dede luguia ne dexhaguete. ³⁹ Ne ora ti xaiqe sti ca dxuu ni bizuhuaa ra lu Jesús que, biiya zaque' gutibe, laa guni': " Xandpe hombre di nga xiiñi Diuxi". ⁴⁰ Zuhuaa cadxi guñaa ruxadxi de zitu. Lade ca' nuu Maria Magdalena, Maria (ñaa José ne Santiagu xhunco que), ne Salomé. ⁴¹ Ora Jesús guyuu Galilea laacabe rinandacabe ne racane cabe laabe. Stale ru gunaa guzaa nanda laabe Jerusalén. ⁴² Ora gunda huadxi stidxi ribaqui Chaahui cabeca cosa ante ganda dxi enda riziilaadxi'. ⁴³ Yenda José de Arimatea, laa naca tobi de can' jma rizaca laade justicia, laa cabeeza reinu sti Diuxi. Laa badxibaluu guyee ra ñuu pilatu ne gunaaba' xcuerpu Jesús. ⁴⁴ Pilatu bidxagaxaa de que Jesús ma guti; gulidxibe xa' que ca dxuu que ne gunaba diixabe laa pa ma guti Jesús. ⁴⁵ Ora gudxi xaique ca dxuu que laabe ma guti Jesús, bidiibe cuerpu que José. ⁴⁶ José maca guzi' ti lari de linu. Gundetebe Jesús de lu cruz que, bicheendabe laa ndani lari de linuque ne guluube laa ndani ti baa gundaa cabe lu ti guie. Ora que bichiibe ti guie ruaa baa que. ⁴⁷ Maria Magdalena ne Maria ñaa José biixaca' ra bigaachi Jesús.