¹ Ora biluxe dxi enda riziilaadxi que, Maria Magdalena ne Maria ñaa Santiago, ne Salomé, bedaneca nisa rindaa naxhi para ganda gueeda cabe ne xhu'bi cabe ni laabe para igaachi be. ² Siadooro prime dxi ndani semana, guyeecabe ra baa que ora ziree gubidxa. ³ Zinii lisaa ca', "¿tu laa ñanda nutuuba guie nuchii baa ca pur laanu? ⁴ Ora bixadxiicabe, biiyacabe de que tuuxa ma bituuba guie roo que. ⁵ Guyuu cabe ndaani baa que ne biiyacabe ti badunguiuu, nacu ti lari quichi'na soo, zuuba ladu derechu ne ca gunna que bidxagaxaa ca'. ⁶ Badunguiuu que rabi laacabe: "cadi guidxibitu . cuyubitu Jesús de Nazaret, ni bini crucificar cabe que. ¡Bibaani be ! que guinni dibe rarii. Laguuya ra gudixhe cabe laabe ca. ⁷ Peru lachee, lagabica discipulu ne Pedru, zazaaa nirube luu ca' Galilea. Raque zuuyatu laabe casi ca gudxibe laatu. ⁸ La gunaa que biree ca' ne bixooñe ca de ra nuu baa que; cayacaditica' ne cadxagayaa ca'. Que ñaabica' guiruti' purti nabee cadxibicabe. ⁹ Siadoo, prime dxi ndaani semana, basa si Jesús que, bireebe luu Maria Magdalena primee, ni guleebe gadxe binidxaba laa que: ¹⁰ Gunaaa que guye ne gudxini ca ni guyuu ne Jesús que, laga cayuunaca' ne cadxichineca' laca laaca. ¹¹ Laacabe binadiaga cabe de que laabe ma nabani be, ne deque gunna que mu biiya laabe, peru laaca que ñuni cree ca. ¹² Guca si ca ndi', bireebe lu chupa binni de adxe' forma, laga zizaa ca' fuera, neza ca layu! ¹³ Laaca guye ca' ne gudxi ca' restu de discipulu, peru laaca que ñuni cree ca. ¹⁴ Jesús bihuini be ra nuu ca chii ne tobi ora laaca nabaqui naa ca' lu ti mexha ne laabe gudindenebe laaca pur guenda que runi cree sti' ca' cani biiya laabe biasasi be lade gue' tu. ¹⁵ Laabe gudxibe laaca: "lache' enteru naca guidxi layu ne la guni predicar xtiidxa' enteru naca ni guyaa. ¹⁶ Ni guni cree ne chu' nisa zala', ne ni que guni cree, nga zaguiiba donda ique. ¹⁷ Ca seña di zazaa na' nda ca' cani guni cree. lu laaya' sabee ca' binidxaba'. Laaca Zanica' diidxa nacubi. ¹⁸ Laaca zaguu naaca' bennda, ne pa guee' ca inti' si cosa ni ruti que zunina' ni laaca gasti laaca sabaqui naaca luguia ni huara' ne zivanda ca'. ¹⁹ Guinii ne si Señor laaca, laabe biasabe zeebe ibaa ne guribe ladu derechu sti Dios. ²⁰ Ca discipulu guyeeca' ne bini predicar ca ra tiisi, laga señor biini dxiña ne laacabe, ne bisihuini be dxandi' ca ni guni' be ne ca seña ni nandxo' guzaa nanda laabe