¹ Cayaadxa xhuupadxipara pascua ne saa sti pan sin levsadura, ca sacerdote jma risacane ca ni rucaa cuyubica' nagaachi' ximado inaazeca' Jesús ne guticalaa. ² Para riniicabe: "Cadi ora cayaca di saa ca, para cadi chuu yaya lade binni". ³ Laga Jesús nuu Betania ralidxi Simón ni naapa lepraque, ora nexhe' lu mexa, bedanda ti gunaa ne ti frascu de alabastru dxati nisa rindaa naxhi nabee risaca, puru pe naidu laa. Gundaabe frascu que ne bindaate beni ique. ⁴ Peru nuu caadxi cadxiichi. Canii lisaaca' ne riniica' "¿xi para caguite sibe nii? ⁵ Nisa rindaa naxhidii ñanda nidooni jma de chona gayuaa Denariu ne nicaa ca pobre ni", ne guidindeneca laabe. ⁶ Peru Jesús guni', "zaa nuudxibe. ¿xi ñee caziñetu laabe? gunaadi biini xiixa sicaru por naa. ⁷ Laatu que ziaadxa di pobre ladde tu, ne ora gapatu gana zanda gacanetu laacabe, peru cadi guiradi' ora zapatu naa. ⁸ Gunna biini bia' gunda: maca guxubi be nisa rinda' naxhi laade' para ora igaache' }. ⁹ Dxandipe gabelaatu, ratiica gaca predicar stiidxa Diuxi lu guidxilayu, laca zuzeete cabe ni biini gunaadi', para guiete nala'dxi cabe de laabe. ¹⁰ Oraque Judás Iscariote, tobi de lade chii ne chupa que, guye yeduuxa ra nuu ca sacerdote jma risaca ximodo zaanda gudiibe laaca Jesús. ¹¹ Ora ca sacecerdote jma risaca binadicaga ca', ni guniibe que biecheca' ne gudxica' laabe zudiica' laabe bidxichi. jne Judás bizulu biyubi xiimodo gudii laacabe Jesús. ¹² Prime dxi saa sti pan sin levadura que, Ora cayuuti cabe dendxu huiini' sti pascua ca discipulu rabi laabe, "¿ Paraa napu gana cuaqui chaahui du ni gooxhiu' gueela pascua?" ¹³ Jesús biseenda chupa de ca discipulu sti ne rabibe laaca': "La che ndani guidxi, zaree ti hombre luutu zinee ti rii dxa nisa. Lasanda laabe. ¹⁴ Ora chuube ndaani ti yoo, lahuune laabe ne lagabi ni lidxi yoo ca', Naa maestru, "Paraa nuu cuartu ra chiguiananiaa ca discipulu stine' ne chitahuaniaa laaca Pascua. ¹⁵ Zuluiibe laatu ti cuartu luguiaa ma nexhe chaahui. Ne la cuaaqui chaahui guira' ni para laanu. ¹⁶ Ca discipulu bireeca ne zeeca ndaani guidxique; ne bidxelacabe guiraani casi ca guni' Jesús, ne gudixhen chaahui cabe guirani para guendarooxhi Pascua ¹⁷ Ne ora gunda huadxi, Jesús yendaanebe chiine chupa que. ¹⁸ Ne ora zuubacabe ruaa mexa que cayoocabe, Jesús guni': "dxandiipe gabe laatu, nuu tobi de laatu ni caxooxhine naa, zutoo naa". ¹⁹ Guiraaca' biguunduca', ne rinii lisaa ca.¿ Ñee cadi naa ni la? ²⁰ Jesús bicabi laacabe ne guni': "tobi de laatu ni, ni cugadxe pan ne naa ndani bladu'. ²¹ Purti xiiñi' hombre zadiidibe lu neza casi ca ma caa lu stiidxa Diuxi. Peru, ¡ Gapagasi tu laa gutoo xiiñi hombre jma dal'an ñaca para laa que ñale. ²² Laga caxoocabe, gucuao Jesús pan, gulu' nda' ya be ni ne gundaa be ni. Bidiibe ni laaca ne guniibe: " La guicaa ndi', ndi nga laade'". ²³ Gucuaabe ti copa, bidiibe xquiixe Diuxi, ne bidiibe ni laaca, ne guiraca' gueeca'. ²⁴ Jesús rabi laaca': " Ndi nga rini stine ni gaca niaa laatu tobi si, rini chi guixhii por stale binni. ²⁵ Dxandi pe zaabe laatu, que zabigueta gue' niza uva dede ora ganda dxii gue' ni sti tiru ndani reinu sti Dios". ²⁶ Ora que' biinda ca' ti diidca riunda, bire' cabe zee cabe ra nu' dani sti ca olivu. ²⁷ Jesús gudxi laacabe: ¡ De guiraa' tu zaxhale tu, pur ti caa' nii, zune na' ya' ni rapa ca dendxu' ne ca dendxu' zare' che ndaze ca'!. ²⁸ Peru ora naa guiaza zazaya nirua' lu' tu Galilea. ²⁹ Pedru gudxa laabe "Neca guira guixale, na' que zaxaledia'. ³⁰ Jesús gudxa laabe: " dxandi pe zaabe lii, gueela di ante gu' nda gayu chupa tiru, lii chona tiru zani' lu' que runibialu na'. ³¹ Peru Pedru na:que zanie que runebraya lii, neca gapaa xhi de' gate nia lii". Guira' cabe biaana cabe guni' cabe ngue' ca'. ³² llenda' cabe ti lugar la' Getsemani, ne Jesús gudxibe ca discipulu stibe: "lacui rari laga na' chi guinie' nia' Dios". ³³ Ne llene' be Pedru, Santiago ne Juan ne bizulu' bi papa ladxido' be ne gu' yu' be xizaa stale. ³⁴ Caabe gudxibe laaca, "¿ cayu' ba ya stale, dede bia' que ga' tesia'. Laguraana nari' ne la cue' xcanda". ³⁵ Jeús guza' niru ne gulaqui lucua' layu' ne guni' nebe Dios pa ñanda la', ora de enda na' na' que nidiidini' de laabe. ³⁶ Laabe guni' be: "bixhoze huiine lii za'nda gu' nu guira cosa". Bixhale copa di de na'. Peru cadi gaca' ni rabe, sinu ni naa lu'. ³⁷ laabe bigueta be ne bidxila be laaca nisia' zica, ne gudxi be Pedru: Simón jñe nisia' zilu'? Que ñanda nibe' xcanda lu neca ti hora? ³⁸ La cue' xcanda ne laguini' ne Dios para cadi guqui'nde cabe laatu. " Ladxida' tobi nu' gana, peru binni. ta' que gapa xtipa". ³⁹ Laabe zee be stitiru ne guinebe Dios, ne ca ngue' ca diidxa guni' be. ⁴⁰ Ne bigueta be sti tiru ne bidxe' la be laaca nisia' zica', purti ma da' bacanda lu' ca, ne que gaana ca' xhi gaabi ca' laabe. ⁴¹ Beeda be ra guiona tiru ne gudxibe laaca, nisia' ziru tu ne caziila' dxi ru tu la? ¡Ma nga'zi! ma bedanda' hora. ¡Lagu' ya! Zudxiideche cabe xhiiñi hombre lu na' ca ni ruche'. ⁴² Laguiaza, chuu'. Lagu' ya, ni cudxii deche na ma nu' gaxha. ⁴³ Laaga cani' rube, Judás, tobi de ca chii ne chupa que, beeda, ne stale binni na' ze' espada ne palu nu' ne' laa, de ca ca xha' que, ca sacerdote, ca ni ruca' ne ca ni nagota. ⁴⁴ Ni' bidxii deche laabe que' ma bidii seña ne na': Ni gudie' ti bixhidu, nga' nga taabe, laguina' ze laabe, ne lachine' laabe. ⁴⁵ Ora bedanda Judas, nague'nda bidxiña ra nu' Jesus ne gudxi laabe "¡Maestru!" ne bidii ti bixhidu' laabe. ⁴⁶ Ora que' gulu' na' cabe Jesús ne guna' ze cabe laa. ⁴⁷ Peru tobi de ca ni nu' raque' guiee ti espada, ne bicha' gu' ni runi xhiiña sacerdote gola, ne guxhabe diaga. ⁴⁸ Jesús gudxi laacabe: laatu zeeda tu luguiaya, casi ca luguia ti gubaana, ne espada ne palu para guina' ze tu naa? ⁴⁹ Ora guyua' nia' laatu guiradxi ne cusiide ndoni yuudu' que, que ninaazetu naa. Peru gucacani pari izaa ni ca lu stiidxa Diuxi. ⁵⁰ Ne guiraa ni nuu ne Jesús que bixoñe ca ne bisaanaca' laabe. ⁵¹ Ti hombre huiini' nanda laabe, ti lari si nuchenda guidubi lad'i gunaazecabe laa peru. ⁵² Laabe, bisaanabe lari de linu que, ziuxoone' xieeladi. ⁵³ Yenecabe Jesús ra nuu sacerdote goola. Raque bidxiña ca xa' que sacerdote, ca binigoola, ca ni rucaa, ra nuube que. ⁵⁴ Pedru nanda laabe de zitu, bia' yendasi lu patiu sti, sacerdote goola que. Pedru nanda laabe de zitu, bia' yendasi lu patiu sti, sacerdote goola que. Pedru gurii lade ca ni rapa, zuubaca gaxha de gui, paraa idxaa ladica'. ⁵⁵ Ora que ca xha'questica sacerdote ne guiraa cade justicia cuyuubica' ca xperda' ni golui' Jesús para gudiica' gatibe.Peru que nidxeela ca'. ⁵⁶ Purti stale diidxa cadi dxandi guleecabe luguiabe dede guira' ni cani cabe cadi cudi' di ni tobi si. ⁵⁷ Biasa caadxi ne bedaneca' diidxa cadi dxandi' luguiabe, Laaca riica': ⁵⁸ "Binadiagadu laabe caniibe:" Zune deeya' yuudu' biza' acabe ne naacabe di', ne lu guiona gubidxa zandisa' stobi sin cuu naa guiruti'". ⁵⁹ Ne cadi nica nuuca tobi si' lu ni culuica. ⁶⁰ Sacerdote goola biasa lade quiracabe ne gunabadiidxa Jesús, "¿ Que zacabu' gasti la? ¿xiinga ni canii ca hombre di' de lii?". ⁶¹ Peru que niibe gasti ne que nicaabibe. Gunabadiidxa Sacerdote goola que laabe sti biaje ne guni' "¿Liinga cristu, xiiñi Diuxi ni guyuu ndaayala la?". ⁶² Jesús bicabi laabe: " Naa ni. Ne zuuyatu xiiñi Hombre ora ma zuba ladu derechu sti' Diuxi nandxoo, zeeda lu ca zaa de ibaa. ⁶³ Sacerdote goola que, gucheza Xhaba ne gunii: "caquiiñe runu ni ganinaa laabe la? ⁶⁴ Binadiagatu diidxa guidxa di. ¿Xi naatu? ne guiraaca' naaca gatibe, casi tuaxani naquiñe pegati'. ⁶⁵ Caadxi bizulu bichaxhini laabe, ruchiica laabe ne laga caguiñe ca' laabe ne gudiiñe ca' laabe. ⁶⁶ Laga nuu Pedru xhaguete', lu patiu que, bedanda ti gunaa runi xhiiña sacerdote goola ra nuube. ⁶⁷ Gunaa que biiya Pedru laga zuhuaa cue' gui para cii laa nasxaa que, ne bidxiña biiya laabe. Oraqque rabi laabe "¿Lii laca nuunelu Jesús de Nazaret?". ⁶⁸ Peru laa bininegar ni ne guni': " que ganna ne que cayeene' xide caniilu'. Ora que hiree lu patiu. ⁶⁹ Peru gunaa runi dxiiña para Sacerdote que, rabi ca ni zuhuaa ra que ¡Tobo de laacabe ndi'! ⁷⁰ Bini negarbe ni sti biaje. Gupa si tiratu ca ni zuhuaa ra que rabicabe Pedru, " Seguru naco tobi de laacabe purti laca de galilea lii. ⁷¹ Peru laa bizulu gulu' di' huiini ne runi jurar: " que runebiaaya dia' hombre de ni canii tu ca". ⁷² Ora que guirópa biaje biinda gayu. Oraque bietanalladxi Pedru, ni gudxi Jesús laa: ante gounda gayuca ra guiropa biaje lii zuninegarlu' naa chona biaje. Ne Pedru guca Pedazu tadxido' ne biina.