¹ Nga runi, lagaca ni runi guira ni runi Diuxi, casi cá xiiñibe ni nadxiibe. ² Ne la zá lu guendaranaxii, casi ca Cristu gunaxii laanu ne bidiibe laca laabe pur laanu. Laabe gucabe ni ula'quicabe ne biiticabe, ti ma gacabe ti xhou' naxhi icaa Diuxi. ³ Cadi naquiiñe guiéte chu'netu xtobi o intisi ni runi biidi o guluhi ladxitu chu'netu xtobi ladetu, casi naquiiñe gúni ca ni runi cre. ⁴ Que naquiiñe guini' tu de ni rusitui lu xtobi, güitu diidxa ni cadi bia'si o diidxa de enda ruxídxi ni rinii feu de xtobi, cadi nexe laatu guiniitu ca ndi'. Laga naquiiñe gapatu enda rudii xquixe. ⁵ Purti laatu nana dxiichi tu' que nin ti binni ni rica ique chu' ne xtobi, ni nabiidi o ni rului' ládxi gapa jma, nga naca', ni napa bido', que zacaa nin ti ndaa ra runi mandar Cristu ne Diuxi. ⁶ Que gudiitu chu' tu quite laatu ne diidxa ni gasti risáca. Pur ca ndi lá, xiana xti Diuxi cayendanda luguia' ca ni naca xiiñi ni que rusuuba diidxa. ⁷ Nga runi que gúnitu ca ni runi cabe. ⁸ Jma atra laatu gucatu guelacahui, peru yanna nacatu biaani nezalú Xpixua'na nú. Nga runi la zá casi xiiñi biaani. ⁹ Purti ni riguichendu biaani lá redagacani guira' enda racané, ni jneza, ne dxandi. ¹⁰ Laguyubi ganatu xi riuuladxi Xpixua'na nú. ¹¹ Cadi ne ca laatu gunitu ca ni gaxti ribee ndú xti guelacahui. Lu xcar nga lá, la gusihuíni caní. ¹² Purti ca ni runicabe naga'chi, narooba guenda rutui lú naca caní dede para guini'tu xiicani. ¹³ De guira xixe, ora riree cani lu biaani, rihuini xiicani. ¹⁴ Purti ira ni rusihuini cabe lá, ruzaani ni. Nga runi, ná be: "Bibáni, lii ni nisiaasi lu', ne biasa de lade gue'tu' ne Cristu susaani lugia lu'." ¹⁵ Nga runi lagapa chahui modo canazátu, cadi casi binni ni que ná guiéne, laga casi ni ma nuu xpiaani. ¹⁶ Lagana xi guninetu ca dxi xtitu, purti ma nuu xtale guenda nadxaaba lade ca dxi di'. ¹⁷ Cadi gacatu nahuati. Lu xcar nga la, la guiene xiinga racaladxi Diuxi. ¹⁸ Ne cadi xu'dxitu ne vinu, purti laani rineni tobi ra ixá. Laga nga lá, la guidxá de guenda nandxo' xti Diuxi. ¹⁹ La guini' ne cada tobi ne ti salmo, ne ca himno ne didxa riuunda ni rini' de Diuxi. Laguunda ne la gusisaca ne ladxido' to Xpixua'nanu. ²⁰ Que guianadxitu de gudiitu xquixe pur ira xixé ni napa tú lu lá Xpixua'nanu Jesucristu ra nuu Diuxi Bixhoze nú. ²¹ Lagusuuba diidxalizaa tu' casi ca ridxibitu Cristu. ²² Gunaa, la gusuuba xtiidxa xeela tu', casi runine tu Xpixua'na nú. ²³ Purti xeela gunaa nga naca xaique, sacá casi ca Cristu naca xaique Yu'du'. Laabe nga ni rulá cuerpu. ²⁴ Sacá casi ca Yu'du' rusuuba xtiidxa Cristu, ngaca ca gunaa naquiiñe gusuuba ca xtiidxa xeela ca lu guira xixe. ²⁵ Xeela ca gunaa, laganaxii xeela tu' casi ca Cristu gunaxii Yu'du' ne bidiibe laca laabe lu na guenda guti pur laa. ²⁶ Laabe bi'nibe ndi' ti ma sacá ganda gunibe laa nandxo'. Laabe bisiabe laa pur enda ria'ri' ne nisa lu xtiidxabe. ²⁷ Laabe bi'nibe ndi' ti ma ganda guchiñabe laa ra nuube casi ti yu'du' nandxo', ni que gapa ra na biidi nin ca ra nacu'xú, nin xti xiixa, laga nadxo' ne nayá. ²⁸ Ne sacaca, xeela ca gunaa naquiiñe ganaxiitu ca ni naca xeelatu casi ca xcuerpu pe tu. Ni laa nadxii xeela lá, nadxii laca laa. ²⁹ Guiruti' que ñuu dxi ñaca nanaládxi laca xcuerpu. Laga, ruya'na ni ne nadxii ni, saca casi ca Cristu laca nadxii Yu'du' xti'. ³⁰ Purti laanu nacanu ti ndaa de lu xcuerpu be. ³¹ Ndi runi, Hombre zusaana bixhoze ne jñaa ne sadagu xeela ne guiropa ca' sacaca tobisi lu beela. ³² Ndi nga naca ti xixa dxandi' ni ga'chi', peru naa canie de Cristu ne yu'du'. ³³ huaxa, cada tobi de laatu naquiiñe ganaxii xcunaa casi ca nadxii laa, ne gunaa naquiiñe gusuuba xtiidxa xeela.