¹ Xhiñe ca' la gusúba' xtidxa bixhoozenu ni la'nu ma runi cree nú xpixhuána'nu, pur ti ndí'nga ni bíasi gacaa. ² "LA GAANA XHIÍ BIXHOOZE'TÚ NE ÑIA'TÚ"( ndií naca ni zaa niiru gaaca' mandar ne nii napa usigade). ³ TÍ ZACAA' GANDA CHEÉ' LA'TU SICARUU', NE GAANDA GUIBÁNI'TU XHTÁLEPE' IZAA NDA'NI GUIDXILAYU' DIÍ. ⁴ Nee la'tu bixhooze ca' xhcuídii, cadii gucaa lu'tu ca' xhiíñitu ne xhiiana. La gusii nii'si lacaa'be ne la cuáquii' shi gunii caabe' nee la guisídii lacaa'be nii naa xpixhuána'nu. ⁵ sclavu caa', la guuna ca' xhaíque xhtí'tuu nee la guidxíbi laaca'be xhtále'pe de intee'ru nacaa' ladxídoo'to.La guuna laaca'be casi ca' ñuuná'tu Cristu. ⁶ La gaaca binii' ni rusuúba xhtidxa iraá óra cadii óra sii ca' xhaíque xhtí'tuu cayuu'yaa' la'tu tí guiéchee'ca. Laaga nga' laa? la gusuú'ba xhtidxa casii toobi ni runii xhiiña Cristu. La gunii ni naa Diuxhí de ndaa'ni ladxidoo'tó. ⁷ La gunii xhiñaa'ca de iduubina'ca ladxidoo'tó casi ca' ñaca cayúnii'tu dxíña' xtí xhpixhuána'nu ne cadi ni naa ca' binii guixhilayuu'dii. ⁸ La'tu na quíñee ganaa'tu de que intiica dxíñaa sicarú gunii binii guidxílayu, laa sacaa' ni seeda' de xhpixhuána'nu tu tiíca' naca'be. ⁹ Nee la'tú xhpixhuána ca' la gunii sacaa'ca pur ca' esclavu xhti'tu, cadii gaabi'tu laaca'be suninaa'tu laaca'be tií gúnii ca'be xhíñaa tuu. La'tu náana'tu laa'be, ni náca'be xhpixhuána'tu casi'ca xhpixhuánaca'be, nu' guíbaa'.Nee la'tu náana'tu cadii rúnii dii be' ma' pur toobi o xhtoobi. ¹⁰ Nee ra siluxhee' guiíchi'di laa?, la gaa'ca nadípa' lú xhpixhuána'nu ne lú guénda nandxoo xtii'be. ¹¹ La gaacú ca' laari xtí Diuxhí, tí zacaa' gaanda gusuhuaádxichi'tu rá guidxela'saa ne'tú iraá ni cabáquii chahúii biniidxaba guniina'nee la'tu. ¹² Cadii cadxela'sa nee dínu binií de bee'la nee rínii. Laga ca' xhaíque ne ní runii mandar ca' binidxaba', nee xhaíque dxába ni runii mandar nda'ni raa nacahúi, cadiindene'nu ca' espiritu dxába ni nuu' lu ví'. ¹³ Nga' runii la gácu' ca' laari stí Diuxhí ni gulaa laa'tu, tí laa'tu ganda guzuhúaa dxíchi'tu rá guidxela'sa ne'tu ca' ni nadxaba lú ca dxií dxába. Tiidi'si de ma' biini'tu ca' ndií la? laa'tu la guzuhúaa dxíchi. ¹⁴ Nga runii, la guzuhúaa dxíchi. La gúnii ndií óra ma' bishiídxichi'tu ndánii' tu de ni dxandí ne la gucaa' guií'ba ladxidoo'to de guénda nacháhuii. ¹⁵ La gúnii ndií óra ma' bicaa ñe'tu helaguiidi tí guzuhúaa cháhui'tu ne guinii'tu de xhtiídxa Diuxí ni rivaqui'dxí ladxidoo'to. ¹⁶ Ne ratiíca' sí nagana la guiica' escudu stí guénda runii cree, ni súnii la'tu gaánda gusúii'tu ca flecha caá guií stí ni nadxaaba. ¹⁷ Ne la' cuu íque cascu ni gulá ique'tu ne la guinaaze espada xti Espiritu, ne ndi nga xtiidxa Diuxi. ¹⁸ Cada que guini'netu Diuxi ne guinába'tu laa, ne guini'netu Diuxi ira dxi lú Espiritu. Ne guendabiaani' di', la gataná ne que guixáletu, ne guini'netu Diuxhí pur ira ca ni runi cre. ¹⁹ La guini'ne Diuxi pur naa, ti gudii Diuxi naa ni güe nia laatu ora naa guinie'. La guini'ne Diuxi tí naa gánda ginie ne xtále nadxibalú de ni dxandi' ni ga'chi' xti Evangeliu. ²⁰ Ne daguayuaa purti naca' xaique ni riné xtiidxa Diuxi, para que lú ndi la? naa gaanda guiniee' sin enda ridxíbi, casi napa xide guinie'. ²¹ Nee la'tu la'ca gaanda gána'tu xhí ca'saaca' ne ní cayuune', Tíquico,bíchi'du ní nadxií'du ne que rianadxí de gúnii xhíña' Diuxhí, zábii la'tu iraá' ní cayáca'. ²² Na'a biseénda la'be rá nu'tu para si nga', tí la'tu gaanda gána'tu de laa'du ne tí gaanda gátadxí ladxidoo'to. ²³ Guénda ratadxí ladxidoo gaaca' ne ca' biichi'du, ne guénda ranaxhií ne guénda runii cree, xtí Diuxhí Bixhooze'nu ne Xhpixhuána'nu Jesucristu. ²⁴ Guénda nacháhui xtí Diuxhí gaaca' ne iraá ca nii nadxií Xhpixhuána'nu Jesucristu ne tí guénda ranaxhií nii que siú' dxí ga'tí.