¹ Nga runi, casi ca deguayuaa pur Xpixua'nanu, naa gati ga cayabe laatu satu xneza lu ra laatu ma gucuaatu ridxi. ² La guibani sin gudxiibatu laca laatu, la gapa guendanacha'hui ne guenda ribezá. La icaa ladxilizaatu lú guendaranaxii. ³ La guni ni ganda ti' pur guiuu guénda nadxo xti Diuxi to tobi sí lú ra dagulizaa guendaratadxi ladxido'. ⁴ Ti cuerpu si nuu, ne ti espíritu, zacá casi ca laatu ucuá tu ridxi lú ni nana tu nexe guedandá ra laabe bicaaridxibe laatu. ⁵ Ne ti Xpixuaana si nuu, ne ti guenda runi cre, ti guenda riuu nisa, ⁶ ti Diuxi ne ti Bixhoze guira'. Laabe dxi'babe lu guiraxixe, nuube galahui de guiraxixe ne ndaani guiraxixe. ⁷ Tobi pur tobi de laanu ma gucuaanu ti guenda casi ca biaa guenda xti Cristu. ⁸ Nacani casi ca ná lu gui'chi': "ORA LAABE GIDXIBABE IBA', DAGUYOO YENEBE GUENDARIDAGUYOO, NE BIDIIBE GUENDA CA BINNI GUIDXI." ⁹ ¿Xiinga rini': " Laabe gudxibabe," cadi xa laga bietebe ra jma guete ndaani guidxilayu? ¹⁰ Ni laa biete que, laca laabe nacabe ni gudxiiba jma lugia de guiraxixe iba'. Laabe bi'nibe ndi' ti ma saca Laabe ganda gucha tipa be guiraxixe ni ma nuu. ¹¹ Cristu bidii guénda casi ca ndi: Apostol, ca ni rinii de ni rabi Diuxi laa, ni rini' de Diuxi, ni gaca xaique yu'du', ne ca ni gusiidi. ¹² Laabe bi'nibe ndi ti ganachahui ca ni runi cre xi guni ca lu dxiiña ni chiguni ca', ti saca guiniisi xcuerpu Cristu. ¹³ Laabe cayunibe ndi' de dxi guiraxixenu hugaandanu chu'nu tobisi lu guenda runi cre, ne gunibia' nu de xiiñi Diuxi. Laabe cayunibe ndi' de dxi laanu guiniisinu casi ca ni ma bigaanda biniisi bia' huaniisi Cristu. ¹⁴ Ne ndi nga para que laanu ma que gacarunu casi ti xcuidi. Ne ndi nga para que ma que xubi yú cabe laanu cheri cherica'. Ne sacarí ní, ti ma que chine iraxixe bi de guendarusiidi laanu, de binni nexena para guza' enda rusiguii ni canazá sí. ¹⁵ Lu xcar nga laa, laanu saninu ni dxandi ne guendaranaxii ne saniisinu ira ladu ni ze' ra nuube, Laabe ni nacabe xaique, Cristu. ¹⁶ Cristu naca ni ruquiidi interu cuerpu ni naca ca ni runi cre. Ne gui'di ni riaanani pur cada tobi de ca tendon, ne saca guidubi naca cuerpu riniisi, ne rusuhuaa chahui laca laa lu guendaranaxii. ¹⁷ Nga runi, naa rabe ndi laatu ne lu lá xpixuananu rinaba laatu: cadi sátu casi ca ni cadi judíu laaca rizá ca' lu enda que iquiiñe xti xquendabiaani ca'. ¹⁸ Laaca naca ca' de guendabiaani cahui. Laacabe ma cadi naca cabe de lu guendaribani xti Diuxi pur enda que riene xti cabe purti naguidxi ladxido' cabe. ¹⁹ Laacabe que ritui lú cabe. Laacabe rudii cabe laca laacabe gunicabe ni que iquiiñe rinaba guidiladicabe guni cabe, lu guiraxixe runi ru ca jma xtale. ²⁰ Peru ndi cadi nacani casi bisiiditu de Cristu. ²¹ Naa rini' xpiaane que laatu ma binaadiagatu de Laabe.Naa rini' xpiaane bisiidicabe laatu de Laabe, casi ca dxandi' ni nuu lugia Jesús. ²² Laatu naquiiñe cueetu ira modo gucatu dxiqué, hombre yo'xo' qué. Ndi nga hombre yo'xo' ni cayu'dxu' pur guira enda rului' ladxi guni ni riguite si laanu. ²³ La cuee chu hombre yo'xo' xti tu ti ma ganda ibigueta chá modo guenda rini xpiaanitu. ²⁴ Laguni ndi ti ma ganda idxaa xaba tu de hombre cubi, ni rului' modo naca Diuxi. Ria'be lu guenda biaasi ne guenda nayá ladxido' de dxandi. ²⁵ Nga runi la cuee ni cadi dxandi. "LA GUINI' NI DXANDI',CADA TOBI NE XPECÍNU," purti nacanu tobisi cuerpu tobi de xtobi. ²⁶ "LA GUDXIICHI, PERU CADI GUCHEE TU." Cadi gudii tu guiaazi' gubidxa cadxiichiru tu. ²⁷ Cadi gudii tu lugar binidxaba'. ²⁸ Tutica ni riba'na', ma que naquiiñe ru cuána jma. Lu xcar nga la, laabe naquiiñe gunibe dxiiña. Naquiiñe gunibe dxiiña cha'hui, ne ca naa be, ti ma sacá ganda gudiibe ti ndaa binni ni caquiiñe. ²⁹ Nin ti diidxa dxaba' que naquiiñe guiree ruaa lu'. Lu xcar nga la, ca diidxa ni naquiiñe guiree la, naquiiñe gacani ni gacané xtobi ni caquiiñe, ti sacá de laani guiree ni gacané ca ni cayunadiaga. ³⁰ Ne cadi gusigu'ndutu ladxido' ndxo' xti Diuxi. Pur Laabe nga que laatu ma ucuatu seña para dxi guedandisa Diuxi ca xpinni. ³¹ Lagusaana guira ni rusinda' ladxido to', xiána, guenda ridxi'chi', guenda rugua ridxi ne enda ruguu dí,ne ni naca tobisi ne guira xixe guenda nadxaba'. ³² Lagaca nacha'hui' lizaa tu'. Lagusihuiini ladxido'to, la guxá lizaa xtonda tu, sacá casi ca Diuxi lu Cristu ma bixá xtonda tu.