¹ Pur ndií, na'a, Pablu, ni daguyoo' stí Jesucristu para laa'tú ni cadii judiu caá. ² Na'a raábe ma bicaa'diagatú ni ma nexhe' gaca' luu guénda nacháhui stí Diuxhi, ni Laa'be bidii'be na' gudie' la'tú. ³ Na'a cuca'a ni vii'yaa lu ni viluii'be na'a. Ndií nga dxandií' ni ga'chi' pur ni na' bicaa' tinda'a lú stí gui'chi. ⁴ Ra gúnda'tu de ndii' la, zieneca'tu ni' raabe de dxandií' ni ga'chi' stí Cristu. ⁵ Nee ca' dxí ni ma gudi'di la? ca' xhii'ñi ca' bínii dxíque' que' ñu'yaa' di'ca' dxandí'di . Yána'la? ma' bisihúini' Espiritu ca'nii ca'ma' guluú'be' nda'yaa' ca' apostol neé ca' ni' rinii' ni gábii Diuxhí la'a. ⁶ Ni dxandií ni ga'chi' ndií nga ca' bínii ni' cadii ze'da' de ca' judiu lacaa' zaca'ca' ni bidií xhtii'dxa' Jesucristu pur guénda runii cree. ⁷ Na'a gu'caa' ni ruií dxi'ña lu evangeliu ni vidii' Diuxhí na'a pur guénda nacháhui stí lu xhguénda nandxoo'. ⁸ Diuxhí visigaa'de' ndii' na'a, na'a nda' nacaa' ni má nahui'nii lu iraá' ni bibii' para Diuxhí. Nee ní gucuaa' ndi' nga' gueniaa ca' ni cádii judiu de evangeliu stí ca' ni pabia' stale ni napa' Cristu ni guirutii' zanda ugaba'. ⁹ Na'a nápa' xhidé gulué' iraá' bínii xhinga gula'quií' Diuxhí nee bica'chi' ni'. Nee ndií nga ni má nexhe',ni de dxíquee gúca ni, bica'chi' Diuxhí ca'ni', ni bínii iraá' xhixhe'. ¹⁰ Nee ndií gúca tií yána, gúnii ca' ni ma' runii cree Cristu, ca' xhaíque ne ca' ni runii mandar ca' xhaibá guédaa gunibia' ca' pabia' stale guénda nuú xhpia'ni' stí Diuxhí. ¹¹ Ndií saca casi gula'quií' Diuxhí ni Laa'be bisaá' ne Jusucristu Xhpishua'na nú'. ¹² Ra naca'ne nu Cristu tobi si' nana'dxíchiinu zadxiiña'nu nee gastí gucue'za la'nu tí rúnii cree nu la'a. ¹³ Pur ni canába' la'tu cadii guirétu' gana gunii ca' guénda naná cadide' pur la'tu. Ca ndí nga guénda nandxoo stí be'. ¹⁴ Pur ndií riguíche' xhibe' neza lú Bixhooze'nu ni nú' guibá, ¹⁵ ni pur la'a irá lisaa' nda'ni xhaibá ne nda'ni guidxílayú rica'ca tí laa. ¹⁶ Na'a rinié'nía' Diuxhí tí Laa'be gudii'be laa'tu, casi ma' nexhe iraá ni risáca stí guénda nandxoo' stí be', nee Espíritu stí be' gunii la'tu nadipá' lu guénda nandxoo' stí be', ni nú' ne la'tu. ¹⁷ Na'a rinié'nia' Diuxhí tí guibáni Cristu nda'ni ladxído'to pur guénda runii cree. Na'a rinié'nia' Diuxhí tí la'tu guzuhúa' dxíchitu' lu guénda ranaxhií sti'be. ¹⁸ Nee la'tu chu'tu nda'ni guénda ranaxhií sti'be tí gándaa guiéne netu iraá ca' ni runii cree, pabia' shilága,ziúla, nasoo,ne guete' nga' guénda ranaxhií stí Cristu. ¹⁹ Na'a rinié'nia' Diuxhí tí la'tu gánda gunibia'tu pabia' narooba nga' guénda ranaxhií stí Cristu, ni ridi'di lu guénda nu' xhpia'ni. Nee la'tu guniitu' ndií tíi guidxatipa'tu de iraá ni napa' Diuxhí. ²⁰ Yána Laa'be zanda gúni'be iraá xhixhe', má zitu de iraá ni rinába'nu o re'da nda'ni xhguénda bia'ninu,bia guenda nandxo runi dxiña luguía'nu, ²¹ Laa'be guisáca'be láde ca' ni runii cree nee Cristu para iraá biini' zédaru' de iraá ízaa zee nee ízaa zeéda, zaca'ni.