¹ Yanna laatu, gutitú lu ca ni bi'nitu ne ca endaruche xtitu. ² De ca ndi' guca tu,dxi jma atra guzá tú ,casi pe se guidxilayú di'. Laatú sizatu lu ca endaruni mandar xti xhaique ni runi mandar lu bi. Ndi nga guenda ni cayuni dxiiña xti lugia ca ni naca xiiñi ni que rusuuba diidxa.Ne guiranu guyúnu lade ca ni que runi cre. ³ Laanu dxique bininu ca ni nadxaba ni racala'dxi beela ladinú ne xquendabia'ninú. Laanu gucanu xiiñi xiana casi ca xcaadxi qué. ⁴ Peru Diuxi ni risáca enda riaa xti' ne pur na rooba enda ranaxii xti ne nga runi gunaxiibe laanu. ⁵ Laga dxi laanu gutinu lu ca enda ruchee stinu, Laabe bedanebe laanu lu xti enda nabani cubi ne Cristu.Pur endanacha huii sti Diuxhi latu bilá tu'. ⁶ Diuxi undisa laanu ne bicuibe laanu ca ra risaca xti iba' ne Jesucristu . ⁷ Laabe bi'nibé ndi para que ca dxi nexe guedanda Laabe ganda guluibe laanu ca enda risaca xti enda nacha'hui xtibe.Laabe biluibe ndi laanu pur enda ria xtibe en Jesucristu. ⁸ Ngue runi pur endanachahui stibe bilatu pur enda runi cre, ndi' que ñeedani de laatu, ni bisigaade Diuxhi ní. ⁹ Cadi pur ca dxiiña runitu nga runi guiruti gudxiiba laca laa. ¹⁰ Purti laanu nacanu ni biza' Diuxi, guyánu tobisi ne Jesucristu ti ma guninu dxiiña sicarú ni Diuxi jma atra ma gulaqui xti gúni, ti ma ganda sanu lú caní. ¹¹ Nga runi la guietenaladxi que ti dxi laatu gucatu ni cadi judíu lu gendanabani stitu. Rabicabe laatu binni ni "cadi ca seña" purti saca gudxi ca ni ca seña. ¹² Purti ca dxi qué laatu situ uyu'tu de Cristu. Laatu gucatu binni de xti guidxi ni cadi naca de guixdi Israel. Laatu que di seda di icatú ca ni se da de Diuxi. Laatu que licape ganatú de ni chi gaca. Laatu guyu' tu sin Diuxi ndaani guidxilayu. ¹³ Peru yanna en Jesucristu, laatu ca ni guyuu dxii guyu'tu sitú de Diuxi,ma bedanecabe laatu gaxha de Diuxhi pur riini xti Cristu. ¹⁴ Purti Laabe naca enda ratadxi ladxido'. Laabe bi'nibe cani ca di judiu, ne laatu tobisi guidxi,ne pur beela ladi be bisabandaabe lindaa ni didi laaga galahui ni gundaa za' laanu. ¹⁵ Sacari ndi', Laabe bixabe ca diidxa ni nexe gunicabe ti ma ganda Laabe guza'be lugiabe ti hombre nacubi. Laabe bedanebe enda ratadxi ladxido. ¹⁶ Labe bi'nibe ndi' para idaagu iropa guidxi, lu tobisi cuerpu para Diuxi ne lu ti cruz guca ní.Ne cruz ca laabe biitibe xquenda nanaladxi ca'. ¹⁷ Jesús beda ne guni' de enda ratadxi ladxido ra nuutu ca ni guyu'tu sitú ne enda ratadxi ladxido' ca ni guyu'u gaxa. ¹⁸ Ne pur Jesús, guirópanu sanda chu'nu lu tobisi guénda ra nuu Diuxi Bixhozenu. ¹⁹ Nga runi yanna laatu binni ni cadi judiu ca' ma cadi nacatu de xti guidxi. Laga laatu ma naca lidxitu ndani tobi si guidxi ne ca ni gulí Diuxi ne naca tu de ca lizaa xti Diuxi. ²⁰ Laatu ma guya'tu lú ra biza' ca apostol ne ca profeta, Jesucristu pe' guca prime guie. ²¹ Ne luguia be nga, bia'si riasa yoo ni caya',cada nda xti hasta iluxhe gaca casi ti yu'du' xti xpixuaana. ²² Ne lugia Be nga bia'ca seda ya' tu casi ndaani ti yoo ra riaana Diuxi lu guenda si xti'.