¹ Ngue runi Agripa gudxi Pablu:"Zaanda guinílu pur laaca líi." Oraque Pablu bisiga ná ne guníi para guilá. ² "Naa rica laaca na casi tobi hombre nayeche, rey Agripa, de ganda guinie neza lúlu para guiete guira donda ni cudxiba ca Judiu di ique'; ³ Jmá ru pe', purti lii izáa nanalu de ca modo runi ca Judiu ne modo ruziidi ca. Nga runi rinaba lii gunadia'gu naa sin guireu gana. ⁴ Dxandipe, Guira ca Judiu nanaca xhi modo vivane dxi naca badungiu ndaani laaca xquidxe ne Jerusalén. ⁵ Laacabe runibia cabe naa dede dxi bizulu, ne naquiñe guiníi cabe de que vivane casi ti fariseu, cadxi binni ni sacaxha ca cayunica neza, ne nabe rapadxichi ca religion xtidu ⁶ Yana naa zuhua rari para aca juzgar ti purti naa zinanda ni bidii xtidxa Diuxhi ca bixhezo gola nu. ⁷ Purti ndinga ni bidii xtidxa Diuxhi ca chii ne chupa nda' de ca xhiiñi israel guleza ca guica'ca laaga laaca ne interu naca ladxido' va cusisaca ca Diuxhi lidxi ne huaxhini. Pur cabeza ndi, Rey Agripa, Ca judiu di cudxiba ca donda iqué'. ⁸ ¿Xhi jñe nga naquiñe tuuxha de laatu guiní ique de que guenda ridxagaya nga guiasa Diuxhi lade guetu pue? ⁹ Dxique' naa rini' ique laaca para naa de que naquiñe gune xtale cosa luguia lá Jesus de Nazaret. ¹⁰ Naa biine ndi Jerusalen. Naa bitaguayua' xtale de na ni ma runi cre' ndani lidxiguiiba, pur guenda runi mandar ni bidii ca xhaique ca sacerdote naa, ne ora biiti cabe laaca, naa bidie xtidxa lugia cabe. ¹¹ Na binenaya laacabe xtale tiru ndani guira yu'du huiini, ne gucaladxe nuca' laacabe guca lu cabe Diuxhi. Iza de cadxiche nia laacabe ne guzaya nanda laacabe dede ca guidxi de xti ladu. ¹² Laga naa cayune ndi, guyaa damasco ne guenda runi mandar xti ca xhaique xti ca sacerdote; ¹³ Ne ra zia neza raque', galaa dxi, rey naa biiya ti biani de guiba' ni ruzaani jmá que gubidxa ne cuzaani luguia guiropadu', naa ne ca ni zee ca ne naa. ¹⁴ Ora guira du biaabadu layu', binadiaga ti ridxi ni caní ne naa ne guní lu ti didxa Hebreu: "Saulo, Saulo, ¿xhi jñe cazaa nandu naa pue? jma nagana para lii cu' ñee lu ti aguxha. ¹⁵ Oraque naa gunie :"¿tu lii pue señor? señor bicaabi: naa nga Jesus ni lii canazaa nandu. ¹⁶ Yana la? biasa ne bizuhua; ti purti para ndi nga biree lu'lu, para gune lii ti siervu ne ti ni rului de ca ni lii runibia' lu de naa nagasi, ne ca ni naa chi gulue lii huidxe; ¹⁷ Ne naa zula'ya lii de ca binni ne de ca ni que runi cre' ni chi guzeenda li ra nu' ca, ¹⁸ para guxhale lu' ca ne guixhale ca de lu guenda nacahui ne gueeda ca lu biaani, ne de lu xtipa xtiinidxaba para lu xti Diuxhi, para laacabe guica' cabe de Diuxhi guenda rixhia xtonda cabe, ne ni naa chi guzigade laacabe , ca ni chi guire'chu ca para naa pur guenda runi cre' xti ca de naa. ¹⁹ Nga runi, Rey Agripa, naa cadi que nuzuuba dia diidxa xti ni biiya de guiba'; ²⁰ Huaxha, para ca ni nu Damasco niru, oraca para ca ni nu' Jerusalen, ne guira ca guidxi xti Judea, ne ngaca ca ni cadi Judiu, naa guyue nia xtidxa Diuxhi de que naquiiñe cuiza' cabe de lu guenda ruche' xti cabe, ne guibigueta ra nu' Diuxhi, laga cayaca obra ni naca de guendaribisa de lu guendaruche'. ²¹ Ngue runi ca Judiu di' gunaaze ca naa ndani yu'du ne gucaladxi ca ñuuti ca naa. ²² Diuxhi ma gucane naa dede nagasi, nga runi ruzuhua ne rulue ca binni intiisi ne ca ni risaca ni Moises ne ca Profetaca si' guniica chi gaca; ²³ de que cristu naquiiñe tiidi ra nana, ne de que laabe zacabe niru ni chi guiasa lade ca gueetu ne chi gui ne de biaani para ca binni Judiu ne ca ni que runi cre'. ²⁴ Laga Pablu caluxhe caníi para que quiba donda ique, Festu guni ne ti ridxi nadipa: "Pablu, lii zee xpianu, guira ni nanu ca ma zine' xpianu." ²⁵ Peru Pablu gunii: "Cadi ma zee di xpiane, Festu ni jma nu xpiani; huaxa ne guenda nadxibalu' canie didxa dxandi ne jneza. ²⁶ Ti purti Rey runibaia' de ca ndi, ne nga runi ri nie' nia laabe sin dxiibi, ti purti naa nana de que gaxti di de ndi naca naga'chi para laabe; ti purti ndi cadi guca di ca naga'chi. ²⁷ ¿Lii runi cre' lu ca profeta la? Rey Agripa, naa nana de que runi cre' lu." ²⁸ Agripa gudxi Pablu:"Que nindaa ñanada nucudxi lu naa ne ñuunu naa Cristianu? ²⁹ Pablu guní': "Naa rinie' nia Diuxhi, pa que guinda' o pa guinda', cadi lii siou',laaga ngaca guira ca ni cuca' diaga naa yanadxi di', ganda gacaca casi naa peru sin chu ca ndani xti lidxiguiiba." ³⁰ Oraque Rey que bizuhua ne ngueca Gobernador ne Berenice ne ca ni zuba ne' ca laacabe; ³¹ Ora laacabe bizaana cabe yo' que, laacabe guni' lizaa cabe ne na cabe: "Hombre di caaru guni gaxti ni naquiiñe guenda guti o guiliibi." ³² Agripa gudxi Festu: "hombre di ñanda nilaa pa ñaca laabe que nuyuubibe ñacane Cesar laabe."