¹ ''Biche ne bixhoze ca, la guca diaga ni chi güe nia laatu xhi chi gune nia' laatu". ² Ora guiraa binni que bina diaga ca Pablu cani ne laacabe lu diidxa Hebreu, laacabe bigani cabe. Ne na be: ³ Naa la? judíu naa, gule Tarso de Cilicia, peru biniise ndani guidxi di xha ñee Gamaliel. Biziide chahue pa biá' naquiñe gaca modo pe ca lu ley xti ca bixhoze goola du'. Ti naa nadxié' Diuxi, zaca ca nga guiraa'tu yanna dxi. ⁴ Guzabe nanda ca ni runi cre Jesús ti gute laaca; naa bindiibe laaca, hombre ne gunaa ne ye nia' laacabe ndani lidxi guiiba, ⁵ casi xhaique xti ca sacerdote ne guiraa ca binnigoola zanda guinii cabe xhin'di guca cabe. Naa gucua ca diidxa xti cabe para ca biche ni nuu Damasco, ne guya ra que ti ibigueta nia laacabe Jerusalén liibi cabe ti guidiñe cabe. ⁶ Ora naa zia' ne ma yaca chindáya Damasco, zeda yanda bia galaa' dxi málasi ti biaani roo bire de ibaa ne guzulú bizaani gaxha de naa. ⁷ Biaba layú ne bina dia'ga ti riidxi ne na rabi naa: 'Saulo, Saulo, ¿xhi ñe canazabi nanda lu naa?' ⁸ Oraque rabe': '¿Tu lii, Señor?' Na be rabi be naa: 'Naa nga Jesús de Nazaret, ni lii cana zabi nanda lu'.' ⁹ Cani nuu ra nua que biiya ca biaani que, huaxha laacabe que ñéne di cabe riidxi xti ni gunii ne naa que. ¹⁰ Ne gunié': '¿Xhi guune pue, Señor?' Na Señor rabi naa: 'Biasa ne guyé Damasco; ra ca zabi cabe lii xhi guiraa gu'nu. ¹¹ Que ñanda ñuuya runi izaa bizaani biaani que, ngue runi guyaa Damasco, cani nuu ne naa que gunaaze ca naya' de ra yendáneca naa. ¹² Ra que bidxela tobi hombre ni lá Ananías, ti ni nabé rinanda ni na ley ne guiraa ca Judíu ni nabani ra que ri nii ca galan de laabe. ¹³ Laabe beeda be ra nua', bizu'hua be cue, ne na be: Saulo biche, biiya yanna.' Ne oraque'ca biiya laabe. ¹⁴ Oraque na be: 'Diuxi xti ca bixhoze gola nu ma gulí lii para gana'lu xhi racaladxi be, ti guuya lu Jesús, ne ti guna diagu ridxi ni ri ree de nadani rua be. ¹⁵ Ne lii za'ca lu ni chi tiidxi ca binni que ni lii ma biiyu ne ma binadigu de laabe. ¹⁶ Ne yanna'¿xhi ñee cabezu ya? Biasa, guyuu nisa, ne bisiá lii de ca donda xtiu lu Lá Jesús. ¹⁷ Ne oraque bigueta Jerusalén , ne laga ca nié nia Diuxi ndani yu'du que la? málasi biiya casi ñaca canié xcaanda. ¹⁸ Biiya ni ne na ni rabi ni naa, 'Guzaa chiixhe bisaana Jerusalén, purti laacabe que zuni cre cabe ni lii gabu laacabe de Naa. ¹⁹ Gunié', 'Señor, laacabe nana cabe de que naa nga bitagua yuá' ne gudiiñe ca ni bini cre Lii ndani ca yu'du huini que. ²⁰ Ora riini xti Esteban, ni byuí de xtiidxa lu que, bixhii la? naa laca zu'hua ra que, naa bidiee gaca ni, ne naa ca'yapa xhaba cani biiti laabe. ²¹ Huaxha laabe rabi be naa, 'Guyee, ti naa zu'seenda lii zitu lade ca binni ni cadi zeeda de ca Judíu. ²² Ca binni que bi dii ca lugar laabe guniibe de ra rii'si. Huaxha laaca bicaa ca riidxi ne na ca, "Gulee laabe de ndani guidxilayú: ti cadi galán di guibani be". ²³ Laga cu caa cabe riidxi, ne cusaabi cabe lari ni racu be, ne cu ndaa cabe yuu lu bii la?, ²⁴ xhaique xti ca ni rapa que bisendacá'be Pablo chee ndani ra riu' ca dxu que. Laabe bidii xtidxa be de que naquiiñe quiiñe cabe Pablo dede ra cue rua diidxa, ti za cá laabe zanabe xhi pur cu guá ca binni que riidxi za que. ²⁵ Biluxhe bindiibi si cabe laabe ne doo de guiidi que la? gudxi Pablo xhaique xti ti gayua' dxu ni zu'hua ra que: "¿Ñee na ley de que para laatu jneza nga quiñe'tu ti hombre ni naca Romanu ante guihuini xhi bi'ni be la?" ²⁶ Ora xhaique xti ti gayua dxu que binadiaga ndi la?, guyeebe ra nuu xaique que ne rabi be la, "¿xhi nga nuu lu gu'nu pue? purti hombre di nacabe ti binni de Roma." ²⁷ Xhaique cani rapa que guyee ra nuu be ne rabi laabe, "¿Gudxi naa, naca lu binni de Roma la?" Na Pablo rabi laabe: "dxandí." ²⁸ Na xhaique que rabi laabe: "pur xtale bidxichi naa naca romanu. Huaxha Pablo na: Naa la? gule ne naca binni de Roma." ²⁹ Oraqueca ca hombre ni chi gaxha ca laabe diidxa que bisaana ca laabe. Xhaique xti cani rapa que laca bidxibi, ora guna de que Pablo naca ti biini de Roma, ti la' bindiibi laabe. ³⁰ Xti dxi que, xhaique xti cani rapa que gupa ganna ñana xiñee ca judíu que caguu ca xqueja Pablo. Para bixhedxe laabe ne bidii xtiidxa be ca xhaique xti ca sacerdote ne guiraa ni xhaique yu'du que gueeda ca. Ne oraque gundeete be Pablo ne gu luu be la galahui que.