¹ Ora ladu bixhaledú de laca'be guluchahuidú xtidú para chuudu lu nisa, guyudu tobi si tirú ndani guidxi' xti Cos, ne xti dxi' que ndani guidxi' xti Rodes, ne de raque la? ndani guidxi' xti Pátara. ² Ne ora bidxeladu ti barcu zididilaga' lú Fenicia la?, gudxibadu ndani ní ne biaxhadu ndani nisa'dó. ³ Gudidizii de biiyadu Cipre, zidiidi de pasu ladu biga' xti barcu, ziudu siria lu barcu yeguiana dxi du Tiro, ti guidxi xti Siria purti ra quee rindete barcu guira ni nee . ⁴ Gudidizii de bidxeladu ca discipulu, laadu bianadú ra quee gadxe gubidxa pur Espiritu ca discipulu gudxi caca Pablo ca di ché Jerusalen. ⁵ Ne ora biizá dxi xtidu ra quee, ne siurudu ladu se neza xtidu que?, ne guiraxhixhe cabe, ne xhela cabe ne ca xhiñi cabe, yene cabe ladu huria guidxi. Ne ora que bizúxhibidu rua nisa do', ne guninedu Diuxi, ⁶ ne guxhidu lacabe ma chuudu. Ora quee guxhibadu barcu que?, ne lacabe bigueta cabe ralidxi cabe ⁷ Ora ladu biredu de Tiro ne yendadu ra ladu siudu que laa?, yendadu Tolemaida. Ra que gudapadiuxidu ca bichidu ne biana nedu laca be pur ti dxi. ⁸ Xti dxi que biredu ne siudu Cesarea. Guyudu ndani lidxi Felipe, ni rucheche didxa nacubi xti Cristu, ni naca tobi de ca gadxe, ne biananedu labe?. ⁹ Yana hombre di napa be tapa gunaa xhiñibe badudxapa ni rinica xhi quigaca. ¹⁰ Ne ora ladu bianadu ra que xtale dxi , biete de Judea tobi hombre ni rini xhi chigaca laa Agabo. ¹¹ Labe beda be ra nudu ne gucua be guidi rixhii ndani Pablo. ne bindibinebe ni ca ñeebe ne ca naabe ne gunibe: "Sicarí na Espiritu Santu: Sicarí ca Judiu xti Jerusalen sundibi cabe hombre ni xti guidi rixhii ndani cabe di, ne sudi cabe labe ca Gentil" ¹² Ne ora ladu binadiagadu ca ndi, guiropadu, ladu ne cabini ni nuu ra quee gunabadu Pablo que quibadi ndani guidxi Jerusalen. ¹³ Huaxha Pablo bicabii: "¿Xhi cayuni tu, cayunatu ne cacheezatu ladxi'dua? na ma zanda, cadi guilibesia, huaxha laca gatee ndani Jerusalen pur laa xti Señor Jesus. ¹⁴ Pablo que naa quitecabe laa, ladu bisa'nadu de ziñeduu ne gunidu: " Gaca ni na Señor gaca" ¹⁵ Gudidii ca dxi di, gucuadu ca xtidu ne guxhibadu ndani Jerusalen. ¹⁶ Ne laca guyeca ne laduu tudxi de ca discipulu xti Cesarea. laca be bedane cabe ne laca be tobi hombre laa Mnason, ti hombre xti Chipre, tobi de ca discipulu nirudo', ni chiguiana ne du. ¹⁷ Ne ora yendadu Jerusalen, ca bichidu bichagulu cabe laduu ne guendanayeche. ¹⁸ Ne xti dxi que Pablo guye ne laadu ra nuu Santiago, ne guira ca binni gola ni nuu ra que. ¹⁹ Ora labe bidinabe laca, labe gudxibe laca tobi pur tobi ni Diuxi bini lade ca gentil pur labe ²⁰ Ne ora laca be binadiaga cabe ndi, bisisaca cabe Diuxi, ne guini cabe: "Lii ruyu, biche, bandaa ixhiapa de ca Judiu ma bini cree. guiraxhixhe cabe biana cabe zaa nanda cabe ley. ²¹ Gudxi cabe laca de lii, de que rusídi lu guiraxhixhe ca Judiu ni nabani lade ca gentil ne guusana cabe Moisés, ne lii rabilu la cabe que ucabe seña xhiñi cabe, ne que chinanda cabe ca zaa xti ca de dxi que. ²² ¿Xhi guni duu? laca be de dxandí bicadiaga cabe de que beda luu. ²³ Nga runi bini ni ladu cayabidu lii. Napadu tapa hombre bidi didxa'ca. ²⁴ Gucua ca hombre di ne la gusialatu, ne gudixhe ni nuza'bi cabe, ti ganda guca be guichaa iqué cabe. ti ganaca be de que ca didxa ma guni cabe de li cadi de dxandi ca ni. Laca be zaana cabe de que la ca rapalu ley. ²⁵ Huaxha ca gentil ni ma bini cree, ladu bicaadu ne gudxidu laca be de que gapa cabe laca'be de ca ni rudii cabe bido' ca, de riní, de ni bixhii yani, nda ruca iqué giu' ne xhela xtobi." ²⁶ Ngue runi Pablo gucuá ca hombre, ne xti dxi que bisiabe labe ne laca, ne guye be ra yu'du sinibee bandaa dxi nga tidi para guiaca be, de rá guedanda dxi cada tobi gudi Diuxi ni nee. ²⁷ Ra ma yaca guiluxhe gadxe dxi, tudxi de ca Judiu xti Asia biiya cabe Pablo ndani yu'du , ne bica cabe ca binni quee?, cuu naca la cabe. ²⁸ Laca be bica cabe ridxi: "Hombre xti Israel ca, lagaca ne ladu. Hombre di rusidi guirá ca hombre guiraxhixhe ladu ni nu en contra ley xti guidxi xtidu ne ley de rari. Ne laca labe bedanebe ca griegu ndani yu'du ne ma bini yudxu be ra rii ra nandxo ²⁹ Purti lacabe deru pe biiya cabe Trofimo ni naca efisiu ne labe ndani guidxi que, ne laca'be guni iqué cabe de que bedane Pablo labe ndani yu'du ³⁰ Guidubi naca guidxi que? que guidxela cabe xhi guni cabe, ne ca binni que? bixhoñe cabe ne gunaase cabe Pablo. Ne laca'be guxhubiyú cabe la huría yu'du, ne ora que queca bitegu cabe puerta. ³¹ Laga laca'be nuu cabe guti'cabe Pablo, yendaa ca didxa nacubi di ra nuu xhaiqué ca dxu' de que guidubi naca guidxi Jerusalen que guidxe'la cabe xhi guni cabe ³² Ne ora queca xhaiqué di gucuabe dxu' ne xhaiqué xti ti gayua' dxu' ne bixhoñe cabe ra nuu xtale binni. Ne ora ca binni di biiya cabe xhaiqué xti ca dxu' ne ca dxu', bizana cabe de quiñe cabe Pablo ³³ Ne ora que xhaique ca dxu bidxiñabe ne gunazee be Pablo ne biidi xtidxa' guilibi cabe ne chupa cadena. Ora que gunaba didxabe ¿tu lii ne xhibiniluu? ³⁴ Tudxi' de ca binni que? cugua cabe ridxí tudxi' ndi ne xtudxi' ndicaa. Pur que xhaiqué ca dxu' quee? que ñandadii ninii gaxtí pur guirá ridxi' ni nuu ra que, labe guni xtidxa' be que chinee cabe Pablo ndani lindaa de guie'. ³⁵ Ne ora labe yendabe ra riguii cabe ne riete cabe gundani cabe labe runii gudiñe xtale binni que labe. ³⁶ Xtale binni que sinandaa laca'be ne siuhuacaa ridxi': "¡Lagutii labe!" ³⁷ Ne ora ma yaca chinee cabe Pablo ndani lindaa de guie', labe gudxibe xhaiqué ca ni cayapa: "¿zandaa gabe lii xhixha? xhaiqué que gudxi labe: "¿Rinii luu didxa' griegu?" ³⁸ ¿Cadii lii ngue egipcio, ni yenee ca tapa bixhiapa hombre ndani desiertu que laa? ³⁹ Pablo gunii: "Naa Judiu naa, de ndani guidxi' Tarso nu Cilicia. Nacaa binni huanizii de ndani ti guidxi' nabe risaca. Naa gunaba didxa', bidi naa guinienia binni guidxi''. ⁴⁰ Ne ora xhaiqué dxu' bidii labe guinibe, Pablo bisuhua' ra riguibacabe ne riete cabe ne bilui' na guidxi'. Ne ora ma que cayaca ridxi' que laa?, labe gunibe ne didxa hebreo. Ne gunibe: