¹ Biluxe si guendayaya que, Pablo visenda caa ca discipulu xti ne guluube ganna laaca, guni'nebe laaca ma chebe ne ora queru' bireebe para zebe Macedonia. ² Ne ra ma guzaabe guidubi naca ca guidxi que ne ma guyüi nebe laaca ca didxa ruguu ganna que, guyebe Grecia. ³ Gudi'di si chona beu' de nuube ra que, biasa ca judiu luguiabe ora ma yaca guicaabe barcu para chebe guidxi Siria, gula'quibe ibiguetabe neza Macedonia. ⁴ Ni zineeca laabe zitu casi Asia, nuu Sópater xiiñi Pirro de Berea; Aristarco ne Segundu, iropa ca' runi cree ca Tesalónica; Gayu de Derbe; Timoteu; ne Tínico ne Trófimo de Asia. ⁵ Peru ca hombre di maca bireeca para laadu ne cabezaca laadu Troas. ⁶ Laadu bireedu de Filipos gudi'di si ca dxi de ca pan sin levadura, ne lu gaayu dxi yendaadu Troas. Raque viaanadu gadxe dxi. ⁷ Lu primee dxi ndaani semana, ora nuudu guiradu para guilaa pan que, Pablo guniine ca ni runi cree que. Laabe caguixe chaaui be guireebe xti dxi ca que, que ñanadxibe de nini'be de gunnda galaa gueela'. ⁸ Nabe nuu ma biaani ndaani yoo soo ra nuu guiradu que. ⁹ Lu ventana que zuuba ti badunguiiu huiini la Eutico, ni gucuaa ti bacaanda laa. Laga Pablo ma cani', badunguiiu huiini di nisiaasi ru', bireeyande de lu guiona pisu ne gundisacabe laa ma guti. ¹⁰ Peru Pablu biete, gu'ta luguiabe ne gudiidxi laabe. Para guni': "Cadi chuutu xizaa, laabe nabani be". ¹¹ Ora que gudxiibabe lu ca escalera que xti tiru ne gundaabe pan que ne gudobe. Ra ma guyuii nebe laaca diidxa nabe xadxi de ra biraa gueela', laabe zeebe. ¹² Laacabe bedanecabe badunguiiu huiini que nabbani ne guyuucabe ganna. ¹³ Laapedu guzaanirudu lu Pablo lu burcu que ne bireedu ziuudu Asón, ra naguixedu guedanedu Pablo ne laadu. Laca laabe napabe ganna gunibe ndi, purti maca naguixhebe chebe neza yu, ma cadi lu nisa. ¹⁴ Ora bidxelabe laadu guidxi Asón, bedanedu laabe lu barcu que ne vireedu ziuudi Matilene. ¹⁵ Para ora que bireedu de raque ne yendadu sti dxi que cherica nisa sti guidxi nuu galahui nisa xti Quío. Xti dxi ca que yendadu guidxi lu nisa Samos. Ne xti dxi que ca yendadu guidxi Mileto. ¹⁶ Purti Pablo maca gudixhe tididu de pasu chuudu Éfeso ne zaque ma que chuudidu nin ti dxi Asia; purti ma cayaca purabe chindabe Jesuralén para saa Pentecostés, pa yannda si zaquepe nga ñunibe ni. ¹⁷ De Mileto laabe biseendabe cadxi hombre guidxi Éfeso ne guniinebe ca binigola xti yuudu que. ¹⁸ Ora laaca yendaaca', rabibe laaca': "Laapetu nannatu dede niru dxi bixatañee Asia, casi ca huayune' bitiide dxi xtine ne laatu. ¹⁹ Naa que ñanadxie de ñune xiiña Señor ne guira' enda nacha'hui xtine' ne ra riete nisa lua', neca gudide guira' ra bininacabe naa runi biasa ca judiu que luguia'ya'. ²⁰ Laapetu nannatu ximodo que ñanadxie' de ñue nia laatu xiixa niquiiñetu, ne ximodo bisiide laatu nezalu binni ne laca ora ziuunu yoo por yoo, ²¹ cayui'nebe ni biiyabe ca judiu ne ca griegu que de endaribigueta ruyubi Diuxi ne endarunicree Señor Jesus xtinu'. ²² Yanna, lagu'ya', naa chaa Jerusalén, ti chine espiritu santu naa, sin ganna xi chi izaaca naa, ²³ ni nanna sia' la espíritu santu rui'ne ca naa guira' guidxi cabeza yuuba ne doo guiiba naa. ²⁴ Peru naa cadi rabe dia risaca guendanabani xtine' para naa pia, en que si naa sia' guiluxe neeza ne gunduuxe ni biseenda señor jesus gune', para gue' xtiidxa diuxi ne guenda nacha'ui' xti Diuxi. ²⁵ Yanna, lagu'ya', naa naana de guiraatu, lade ca ni gusayania' guyueenia' xtiidxa reinu, que zuuyarutu lua'. ²⁶ Yanna la, gabeca' laatu dxi di', que gapa donda de rinni xti guira' hombre. ²⁷ Purti naa que ñanadxie' de ñuenia laatu guira' ni racalaadxi Diuxi. ²⁸ Ngue runi lagapa laatu de laca laatu, ne de guira' ca dendxu ni biini espiritu santu laatu xaique. La guuya gapa chaaui tu ca binni yuudu xti Diuxi ni guziibe ne xrini pe be. ²⁹ Naa nanna casi gaxha ñee, gueu' duxu' ziuu lade tu, ne zuxuuxe laatu casi ruxuuxe geu' dendxu'. ³⁰ Naa nanna de que laca ladetu zaree cadxi hombre ne zuchaabace ca diidxa dxandi ti ma guxalecabe ca discipulu ne saa nandaca laacabe. ³¹ Yanna la lagapa. La guietenalaadxi que chona iza naa que nusaana de nusiide nin tobi de laatu neca daa nisa lua' dxi ne gueela'. ³² Yanna la gusaana laatu lu na' Diuxi, ne lu diidxa xti guenda nacha'ui xtibe, ni zanda pe gusiniisi laatu ne gusigaade laatu ni ma guniibe lade ca ni cabiibe ³³ Naa que nicalua' bidxichi, oro, nin xaaba tuxa hombre. ³⁴ Laapetu nannatu de que ca naya di vidiica para ni biquiiñe' ne ni biquiiñe ca ni nuune naa que. ³⁵ Lu guira xixee na gualue laatu ximodo nga gacanetu ni que gapa xtipa guni dxiiña, ne ximodo laatu guiete nalaadxi tu xtiidxa señor jesús, diidxa ni laapebe guni'be: "Jma nuu ndaaya lu endarudii que lu enda ricaa". ³⁶ Ora laabe ma guni'be saca ri', bisuxiibibe ne guni'nebe Diuxi ne de guiraaca'. ³⁷ Guiracabe nabe biinacabe ne gudiidxicabe Pablo de gudocabe bixidu laa. ³⁸ Xtale de laacabe nabe nagundu nuuca' pur ni gudxibe laaca que, de que ma que ziuu ru dxi guuyacabe lu ve. Ora que yenecabe laabe ndaani barcu que.