¹ Ne bizaaca ora nu Apolos Corinto, Pablu zidiidi ca neza ra nazoo xti guidxi ro' que ne yenda be guidxi Efeso ne bidxela be cadxi discipulu raque'. ² Pablu rabi laacabe: " Laatu gucua tu Espiritu Santu ora bini cre' tu? Laacabe gudxi cabe laabe: "co', laadu caaru licape gunadiagadu de Espiritu Santu." ³ Pablu raabi laacabe: "¿xhi lú nga guyu nisatu ya? Laacabe bicabi cabe laa:" Lu guenda ríu nisa xti Juan." ⁴ Oraque Pablu bicabi laacabe: "Juan gulu nisa ne guenda rigu nisa xti guenda ribi sa' de lu guenda ruche'." Laabe gudxi be binni naquiñe guni cre' ca xha ni gueeda deche be, ndi nga Jesus." ⁵ Ora ca binni que binadiaga ca ndi la?, laaca guyu nisa ca lu lá señor Jesucristu. ⁶ Oraque' Ora Pablu gulaqui na luguia cabe, Espiritu Santu beeda lugia cabe ne guníi cabe adxe didxa ne guníi cabe ni chi gaca. ⁷ Bia'si naca cabe chi ne chupa hombre. ⁸ Pablu guyú ndani Yu'du huiini ne guníi ne guenda nadxibalú pur chona beu', cusiidi ne cucudxi ca binni que de guenda runi mandar xti Diuxhi. ⁹ Peru ora cadxi judiu biguidxi ladxido' ca ne que nuzuuba ca didxa, laaca bizulu ca guni ca ni cadi jneza de ca neza xti Cristu lade xtale binni. Oraque' Pablu bisaana laacabe, ne siné ca ni runi cre' zitu de laacabe. Laa bizulu bisiidi laacabe guira dxi ndani ti yo' ra rundacabe' gui'chi' xti Tiranu. ¹⁰ Ndi' bisaaca ndi pur chupa iza, para ganda ira ni nabani Asia gunadiaga ca xtidxa Señor, guiropa'ca' Judiu ne Griegu. ¹¹ Diuxhi cayuni xtale guenda nandxo' pur ca bata na Pablu, ¹² Ngue runi, dede ca bayu' ne mandil ni guda'na laabe llenecabe ra nu ca ni huara' ne bia'nda xquenda huaraca' ne ca guenda ni nadxaba bire'ca' de laacabe. ¹³ Peru nu' cadxi binni Judiu ribe'ca' binidxaba zee ca ca neza que'. Laacabe rica' cabe lá Jesus para iquiiñe cabe laaca para laacabe ne ganda guni mandar cabe ca guenda ni nadxaba ora laacabe riníi cabe: "Pur lá Jesus ni Pablu rui' xtiidxa que', na' cayune mandar lii guireelu'." ¹⁴ Ca ni cayuni ndi nacaca' ca gadxhe xhiiñi tobi de ca xhaique xti ca Judiu, ni lá Esceva. ¹⁵ Tobi de ca guenda ni nadxaba que' bicabi laacabe: "rune bia'ya Jesus, ne nana tuunga Pablu; huaxha ¿laatu tu naca tu?". ¹⁶ Guenda ni nadxaba nu' hombre que' bichesa lugia ca ni canabe binidxaba que ne gunaase be laaca ne gudiñe be laaca. Oraque' laaca bixhooñe ca de ndani yo' que xhie' ladi ca ne naná nu' ca. ¹⁷ Guira guna ndi, guiropa ca Judiu ne Griegu, ni nabani Éfeso. Laaca bidxibi ca xtale ne bisaca lá Jesus laade cabe. ¹⁸ Laaca xtale de ca ni runi cre' beeda ca ne gule rua ca didxa ne guníica' ca ni nadxaba ni ma biini ca'. ¹⁹ Xtale de ca ni runi brujeria bedane' ca ca xqui'chi' ca ne bisaaqui ca ni ra lú de guira. Ora laacabe gule bia' cabe pabia' risaca ca ngue, risaca ni chupa lategande nu' chii ixhiapa nda' plata. ²⁰ Oraque' xtidxa Diuxhi si guireche xhiroba ne xtale guenda nandxo'. ²¹ Yana biluxhe si' Pablu xhiiña Diuxhi ndani Éfeso, Biniibi xquenda be laabe tiidibe Macedonia ne Acaya neeza zeebe Jerusalén; Laabe gunii be:"chua' sia' raque', laaca naquiñe chi guuya Roma." ²² Pablu biseenda Macedonia chupa de ca discipulu xti, timoteu ne Erasto, ca ni uayacane laabe. Peru laape be bianabe Asia cadxi jmá. ²³ Ca dxi que guyú tiguenda yaya ndani Éfeso guuni neza xti Diuxhi. ²⁴ Tobi hombre plateru ni lá demetriu, ni ruzaa bido' de plata xti Diana, laa bedane' xtale dxiña para ca ni ruza bido'. ²⁵ Oraque' laabe gulidxi be ira ca ni runi dxiña di' ne rabibe laaca: "Señor ca', laatu nanatu de que dxiña di' redane ni laanu xtale bidxichi. ²⁶ Laatu ruya tu ne runadiaga tu, cadi Éfeso si, ma yaca interu naca Asia, Plabu di' ma bicudxi ne ma bixhale xtale binni. Laabe cani'be de que gaxti di dios ni guya' de bata na. ²⁷ Ne cadi racasi nga nu' naxho' para dxiña xtinu de ma que iquiñe cabe laa, laca yu'du xti diosa ro' Diana guica'cabe laa casi ni que risaca. Oraca' dede laa zanda guniti guenda naro' xti, ni interu naca Asia ne guidxilayu' rusisaca laa." ²⁸ Ora laacabe binadiaga cabe ndi, bidxa'cabe de xiana ne bica cabe ridxi, ne na cabe: "¡Naro'ba nga Diana xti ca efesiu!" ²⁹ Interu naca guidxi que guyu ti bire'nda, ne nagenda guye ca binni que ra teatru. Laacabe gunase cabe ca ni rizané Pablu, Gayo ne Aristarco ni beeda ca de Macedonia. ³⁰ Pablu gucaladxi chu' lade xtale binni que, peru ca discipulu que que nina' ca. ³¹ Laaca cadxi de ca xhaique dxu' xti ca guidxi xti Asia ni naca ca' xhamigu Pablu biseenda cabe didxa ranu be ne canaba cabe laabe xtale pe' cadi chu' be ndani teatru que. ³² Cadxi de ca binni que cugua' ca ridxi ti cosa, ne xcadi xti cosa, ti purti xtale binni que nu'ca lu ti bire'nda. Xtale de laacabe que licape gana cabe xhi jñe bidxiñacabe raque. ³³ Cadxi de ca ni nu' lade xtale binni que gudxi ca Alejandru, xha ni ca judiu cula' na ca nezalu' ca que', ngue runi, Alejandru biniibi na para gacaladxi gabi ca ni bidxiña raque' xhingue cayaca. ³⁴ Peru ora laacabe bidii cabe cuenta Judiu laabe, guira cabe bigua' cabe ridxi tobi si, bia' chupa xhigaba: "¡naroba nga Diana xti ca Efesiu!" ³⁵ Ora secretariu xti guidxi que gulaquidxi xtale binni que, laabe guni'be: "laatu ca hombre de Efeso, ¿tu hombre de rari que gána de que guidxi Éfeso naca ni rapa yu'du xti Diana ni naroba ne de imagen ni biete de guiba'? ³⁶ Ti ma biiyatu de que ca ndi' que sanda guini' cabe cadi verda ni la?, laatu naquiiñe iganitu ne cadi gunitu gasti ne guenda nalugú. ³⁷ Ti purti laatu bedane' tu ca hombre di ra nu' justicia di, laacabe cadi nacacabe gubana xti yu'du nin ca cadi cani' cabe didxaguidxa de diosa xtinu. ³⁸ Nga runi pa demetriu ne ca ni ruzaa bido' ni nu' ne laabe napa xhiixha donda lugia tuuxa, ca justicia suxale ca' ne raca' nu ca Próconsul. Lagudi lugar laacabe gudxiba lisa' cabe donda ique cabe. ³⁹ Peru laatu laguyubi xhiixha de xcadi cosa, ndi naquiñe utagu lisa' cabe didxa ndani ti guendalisaa. ⁴⁰ Ti purti dxandipe ma nu ti guenda naxhoo de udxibacabe donda iquenu pur ca guenda yaya de yanadxi di'. gaxti di xhi pur gaca guenda yaya di', ne laanu que sanda di guininu xhi pur guca ni." ⁴¹ Ora laabe guní be ndi, gudxi be ca guendalisaa que chee ca.