1
Gudiidi si ca ndi Pablu bisaana Atenas ne guyé Corinto.
2
Raque binibia' be ti judiu lá Aquila, tobi hombre ni zaa de ca Ponto; laabe casi bedanda be de Italia ne xheelabe Priscila, ti purti Claudio biseenda guira judiu che' ca de Roma. Pablu guyé ra nu' cabe ,
3
ne ti purti ngueca xhiiña be, laabe bianane be laaca ne bini nebe laaca dxiiña, ti purti laacabe ruzaa ca be yo' de lari
4
De raca Pablu ira dxi guenda rizi ladxi rie ndani yu'du huiini para güi ne xcadi, Laabe rucudxi be guiropa ca, Judiu ne ca Griegu.
5
Peru ora Silas ne Timoteu biete ca de macedonia, biniibi Espiritu Santu Pablu para güi ne be ca Judiu de que Jesus nga Cristu.
6
Ora ca Judiu bica lu' ca laabe ne gulu di' ca laabe, Pablu gudxibi xhaba gúni laacabe ne rabi laacabe; "Gaca rini xti tu laca lugia tu, naa cadi nuzabe gaxti. Dede nagazi ne huidxe ma ra nu ca gentil chaa."
7
Oraque laabe bire be de raque ne guyé be ra lidxi Ticiu Justu, tobi hombre ni rusisaca Diuxi. Lidxi be nu cue' yu'du huiini.
8
Crispu, xhaique yu'du huiini ne interu naca lidxi bini cre' ca señor. Xtale de ca binni Corinto ni binadiaga ca Pablu bini cre' ca ne guyu nisa ca'.
9
Señor gudxi be Pablu lu' ti ni bilui' be laa ti huaxhini; "cadi guidxíbu, laga guníi ne cadi iganilu.
10
Ti purti naa nua ne lii, ne guiruti que zacaladxi gunina lii, ti purti naa napa xtale binni ndani guidxi di'."
11
Pablu vivaani raque ti iza ne xhopa beu', ne bisiidi be xtiida Diuxhi lade ca.
12
Peru ora Galiu beda gaca xhaique xti Acaya, Ca Judiu biasa ca luguia Pablu ne llene ca laabe ra nu bangu para rudxiba cabe donda ique binni;
13
laacabe guní cabe, "Hombre di' cucudxi ca binni para gusisaca ca Diuxhi cadi casi ca' di lu ley."
14
Chi guiní ru Pablu, Galiu guní ne rabi ca Judiu: "Laatu ca Judiu, pa ñaca dxandi cadi jneza ndi o ti donda, ñaca jneza ñuuya nia ndi laatu.
15
Peru ti purti ca guenda rinaba didxa di' naca cani de didxa ne de lá, ne de laaca ca ley xti tu, laaca laatu laguyubi xhi modo. Naa que racaladxe guyube donda lu ca ndi."
16
Galiu bica laacabe guzaana cabe bangu ra ridxela donda que.
17
Peru laacabe gucua cabe Sóstenes, xhaique xti yu'du huiini que, ne gudiñe cabe laa neza lu' bangu ra ridxela donda que. Peru Galiu que niza ladxi ni biini cabe que.
18
Pablu, gudiidi si biaana raque xtale dxi, bisaana ca biichi ne gudxiba ne Priscila ne Aquila barcu ni zee Siria. Ante guzaana cabe rua niza do' xti Cencrea, laabe biga be guicha ique be ti purti laabe bidii xtidxa be.
19
Ora laacabe llenda cabe Efeso, Pablu bisaana raque Priscila ne Aquila, peru laabe guyé be ra yu'du huiini ne guyui nebe ca judiu.
20
Ora laacabe gunaba cabe Pablu guiaana ru xcadi raque, laa que nina.
21
Huaxha ora ma che be que rabi be laaca: " Naa zabigueta ra nutu xti bieque pa saca gacaladxi Diuxhi." Ne oraque biaxha lu nisa do' ne be zebe Efeso
22
Ora Pablu yenda Cesaréa, gudxiba ne bigapadiuxhi ca iglesia de Jerusalen ne oraque biete be Antioquía.
23
Guyu si Pablu raque' caadxi, Pablu biree ne guye neza ca guidxi xti Galacia ne Frigia ne gulu be gana ca discipulu.
24
Yana ti Judiu lá Apolos, ni gúle ndani Alejandría, beeda Efeso. Nabe jneza rinibe, ne nadipa be lu ca xquichi Diuxhi.
25
Apolos biziidi de lu ca xtiidxa señor, dxa tipa de Espiritu, laabe guni be ne bisiidi be biaasi pe de Jesus, peru laabe modo rigu nisa si juan runi bia be.
26
Apolos bisulu guni ne guenda nadxibalu ndani Yu'du huiini que, peru ora Priscila ne Aquila binadiaga ca laabe, gulidxi ca laabe xti ladu ne gudxi ca laabe jmá neza xhi modo nga neza xti Diuxhi.
27
Ora laabe guca ladxi be tiidi be neza Acaya, ca biichi be gulu ca gana laabe ne bicaa ca para ca discipulu ni nu' Acaya para guica ca laabe. Ora laabe llendá be, laaabe gucane be xtale de ca ni bini cre' pur guenda nachaui.
28
Apolos nadipa rabi ca Judiu ni cadi jneza ora ma cayui' ca diidxa neza lu de guira, ne bilui be ne ca xquixhi Diuxhi Jesus nga Cristu