¹ Pablo biyadxi ca' ni naca' tuxa' lu' justicia que ne' rabibe laaca' "Biche ca', na baane lu jneza xti Diuxi ne naya' gueenda biani xtine dede' yannadxi." ² Ne Ananías xaique xti ca sacerdote la? bidii xtiidxa be ca' ni nu cuebe' capa' cabe' ruabe'. ³ Oraque' Pablo na rabi laacabe, '' Diuxi zusaba'ná lii, guria yoo naquichi ¿Lii zubalu cuyubilu xtónda casi cá lu ley? Huaxha, bidii xtidxa luu quiñe cabe naa, ni pe cadi' zi nanda ni na lu ley.? ⁴ Ca ni zuhua cuebe que na ca', ''¿Zacá nga modo rucabi' rualu xaique xti ca' sacerdote xti Diuxi la?''. ⁵ Pablo na rabi laacabe,'' Na que ganna dia' ,biche ca, pa laabe nga xaique ca sacerdote. Pue zaca' nga cá ni, LI QUE ZANÍ DIOU NI NAYUDXU DE CA NI RUNI MANDAR NDANI GUIDXI XTIU.'' ⁶ Ne ora Pablo biiya de que cadxi de ca xaique xti yuduu naca'ca Saduceu ne ca xcadxi Fariseu la?, labe guni'be resiu ra nu ca xaique yudu,'' Biche ca, na naca ti Fariseu, xhiñi ca Fariseu. Ti purti na cabeza' pia ora guiasa ca' guetu, ne caguíxhe tu donda ique. ⁷ Ne ora labe gunibe ndila?, bizulu cadinde ca' Fariseu ne ca Saduceu, ne guiraa ca gula' saa ca'. ⁸ Pue ca' Saduceu na ca' gasti enda ribanni guetuu, ninca ca angel, ninca guenda, peru ca Fariseu runibia ca iraa ca ndi. ⁹ Oraque' guca yaya' roo, ne cadxi de ca escriba ni naca xti ca Fariseu biasa ca ne gunilisaa cabe, ne na cabe: ''Ladu la? que nidxela di du gaxti guenda que iquiñe lugia hombre di'."¿Pa ti guenda ni o ti ángel guni ne' labe? ¹⁰ Ne ora biasa gudinde diidxa cabe la?, xaique xti ca' ni rapa que bidxibi be de que Pablo guxhuxhe cabe la', ngue runi bi dii xtiidxa be ca huachu guieteca ne guinaze ca labe ne xtale xtipa de lade ca xaique xti yudu, ne chinetu labe ndani lindáa de guie'. ¹¹ Ne xti guelaa que la? Señor bizuhua' cuebe ne rabibe' la, ''Cadi guidxibi diou', pue casi li guyuilu xhi guca' de naa ndani guidxi Jerusalen la?, zaca naquiñe chee lu chi güilu xhi guca de naa ndani guidxi Roma.'' ¹² Ora biraa gueela que la?, cadxi de ca judiu bidagu ca para guiasa ca luguiabe ne gunica guiaba guenda' naná luguia cabe ne gulaqui xtiidxa cabe que goocabe nin guee cabe gaxti dede ora guticabe' Pablo. ¹³ Jma de chupa' late gande hombre nga cani biasa luguiabe di. ¹⁴ Lacabe naca' cabe ca' shaique ca sacerdote ne ca' binnigola ne naá ca','' Laca ladu' nga guninu guiaba guenda'naná luguianu, de que cadi góno' gaxti de ora gutinu Pablo. ¹⁵ Llanna la, nga runi, la gudi lugar ca xaique yuduu gabibe xaique xti ca huachu' guindete labe ra nutu', ne laga gana chahuitu ne guinitu tobisi ne ni binibe di', Peru ladu' la', ma cabezasidu gutidu labe ante guedabe rari. ¹⁶ Peru xhiñi bisana Pablo la' binna diaga de que la'cabe ma' chi cundachi sicabe laa, saca labe guyebe ne yechube ra nu linda guié que ne gudxibe ni Pablo. ¹⁷ Pablo bicendaca' xaique xti ca' ti gayua dxu ne rabibe la',''yene badu nguiu di ra nu xaique xti ca huachu', purti nú xi chitidxi bela. ¹⁸ Saca' xaique xti ca' ti gayua dxu que la' ucua labe ne yene labe ra nu xaique xti ca huachu' ne rabí bela:Pablo ni nuseguyoto que bicenda guiixibe naa, ne gunaba be' naa guedaña badu nguiu di ra nulu', Ti nuu' xi chitidxibeli. ¹⁹ Ne xaique xti ca huachu que birusha nábe ne yene labe ra cadi tu ticasi ni riu ne gunabadidxabe la':''¿ xhinga ni chitidxu naa''. ²⁰ Ne badu nguiu que rabi laabe:'' Ca judiu biana ca de que guinaba li chinia Pablo xti dxi ca' ra nu ca xaique yuduu, casi ñaca laca chi guinaba didxa chahui laduu ni bizacabe. ²¹ Peru cadi'gudi diou' labe laaca, purti nu jma de tapa late gande hombre cabezaa ca labee. Lacabe guni cabe guiaba guenda'naná luguiacabe, de que nin que sanda gócabe nin guee cabe dede ora' lacabe jma biticabe labe. ne yanna ma gulaqui chahuica,ne ma cabeza si cabe xhi naabe. ²² Saca' xaique xti ca huachu' bidibe zee badu nguiu que, gudi'disi de gudxibe ca ndila la': Cadi gabidiou' guiruti pa' beda tidxilu naa ca ndidi'.'' ²³ Ora que bisendaca cabe chupa' ca xaique xti ti tigayua dxu ne rabibe laaca: ''Laguyubi chupa' gayua' huachu' ni ma zanda chee zitu casi Cesarea, ne sacaca chona late gande nu chíi hombre ne mani', ne chupa gayua hombre ni nanna gucui lanza, ne latu zaretu ora ganda guiona' xigaba' de huaxhini'. ²⁴ Labe laca bidibe didxa laaca gudicabe mani' quiba Pablo, ne gapa dxichi ca labe ra sebe ra nu xaique guidxi roo Felix. ²⁵ Ora'que' labe bicabe lu tinda guichi casi ndi: ²⁶ ''Claudio Lisias para ni guiza nu xpiani xaique guidxi Felix, padiuxi. ²⁷ Hombre di gunaze ca judiu la' ne bila ñuti cabe la', ora yendaya lacabe ne huachu ne bilaya labe, ti naa gunna zaabe de binni guidxi Roma. ²⁸ Naa gupa gana ñanna xiñe cudxibaca donda iquebe, ngue runni yene cabe labe ra nu guenda liza xti ca' xaique ca' yudu. ²⁹ Naa gunna de que cudxiba cabe donda iquebe pur cadxi guenda rinaba didxa ni naca' ca' de laaca ley xtibe, huaxha gaxti donda luguiabe ni guca gatibe o chube ndani lidxi guiba. ³⁰ Ora que bidi' cabe ganna de que ma' gucua lisa cabe ne bica lucabe hombre, ngue runni ora queca' naa bisenda labe ra nulu, ne laca gudxe ca ni candisa donda iquebe gueda neca ca' donda ni cudxiba ca iquebe neza lulu. Rari caludxe.'' ³¹ Ngue runni ca huachu bizubaca didxa ni labe jma gunibe. Laca gucuaca Pablo ne yeneca la' huashini ra nu Antipatris. ³² Xti dxi que, xtale de ca' huachu bizanaca' ca' hombre ni dxibaca ca mani' que chineca labe, ne laca guibigueta ca' ndani linda de guie'. ³³ Ora ca hombre ni dxiba ca' mani' que yenda ca' Cesarea bidica guichi que xaique xti guidxi, lacabe laca bilui cabe la Pablo. ³⁴ Ora xaique xti guidxi que binda' guichi que la, laa gunaba didxa de xi guidxi naca Pablo. ora labe gunnabe de Cilicia laa la', ³⁵ Gunibe:'' Na suca' diaga chahue ora ca' ni cudxiba donda iquelu' gueda ndaca rari.'' Ora que gudxibe laca gusanaca labe ndani yoo roo ra' nu ca' huachu xti guenda' runi mandar xti Herodes.