¹ .-Jich te Pilato la yik' bael te Jesuse, la yak' ta majel. ² .-Te soldadoetike la xotik ta jalel korona ch'ix. Jich la yak'beyik ta sjol te Jesuse sok la slap'beyik tsajal muk'ul-k'a'al. ³ .-Talik ta stojol te Jesus sok la yalbeyik: "¡koltayawotik, muk ajwalil yu'un te judioeteke!" jich la spak'ik ta majel te yelawe. ⁴ .-Jich te Pilato lok' xan tel jich la yalbey te ants-winiketike: "Ilawilik, la jkik tel lok'el ta atojolik yu'un yakuk ana'ik stojol te mayuk smal ya jtabeye". ⁵ .-Jich yu'un, lok talel te Jesus, skoronainej tel te xotbil ch'ixe sok slapojixa te tsajal pak'. Jich te pilato la yalbey te ants-winiketike: "¡Ilawilik, te winike!" ⁶ .-Jich yu'un, te k'alal la yilik te Jesus yu'un te wolwanejetik sacerdoteetik sok te soldadoetike, kajik ta aw jich la yalik: "¡Jijbanaik ta Cruz, jijbanaik ta cruz!" Jich la yal te Pilato: "Ik'aik bael, baanik jich jijbanaik ta Cruz, melel te jo'one may'uk la jtabey smul". ⁷ .-Te Judioetike la yalik: "Te jo'otik ay mantaletik jku'untik, te le' ya yal a te bit'il ya yich' ta milele, melel la yal sba te ja snich'an te Diose". ⁸ .-Te k'alal la yaiy stojol spisil te bek la yalike, te Pilato xiw yot'an yu'un, ⁹ .-Jich cha' och bael ta bay te muk'ul naj jich la yalbey te Jesus: "¿Jauk me to, te Jesuse ma la sjak'. ¹⁰ .-Jich te Pilato la yalbey: "¿Bin yu'un te ma ajak'bon te jk'ope? ¿yu'un bal ma' ana', te ay jkich'oj kat'el te ya xju' jkak'at to jijbanel ta Cruz sok te ya xju' jkoltayat baele? ¹¹ .-Te Jesuse la satbey: "Te ja'ate mayuk awat'el ta stojol te manchuk ak'bilat ta toyole. Jich yu'un, te mach'a la yak'on ta ak'abe ya k'ax to xan ay smul stukela". ¹² .-Te k'alal jich la yal bie, te Pilato la sk'an sk'oltay bael te jauk me to te judioetike la stuyesik te sk'opike jich yakalik ta yalela: "Teme la akoltay bael ja in winik to, yu'un ma junuk awot'an sok te Cesar abi. Te mach'a ya yal sba muk ajwalile ya me xk'opo ta skontra te Cesar. ¹³ .-Te k'alal la yaiy stojoltek'op ayejetik te Pilato, la yiktel lok'el te Jesuse, sok te Pilato la snajk'an sba ta bay chajbajibal ja te bay aye, ja "Limbil pejch'el ch'en" te sbiile, te "Gabata" sbiil ta k'op hebreo. ¹⁴ .-Ja yorailix sk'alelala te ya yich' chajp'anel te sk'in Pascua, te nopol ya staixa te olil k'aale. Te Pilato la yalbey te Judioetike: "¡Ilawilik, te muk' ajwalil awu'unike!" ¹⁵ .-Kajik ta aw: "¡Bajt'uk ta milel! ¡Bajt'uk tamilel! ¡jijbana ta Cruz!" te Pilato la yal: "¿xa ba stak' jijban ta Cruz te muk ajwalil awu'unike?" te wolwaneje sacerdotetik la yalik: "Te jo'otike mayuk yan muk ajwalil ku'untik ja nax te Cesare", ¹⁶ .-Jich te Pilato la yak'bey ta sk'abik yu'un ya yich ta jijbanel ta Cruz te Jesuse. ¹⁷ .-Jich te Jesus sk'echoj bael te scruze, bajt ta bay jun k'inal te sbiilinoj "Yawil Bakeljolol", te "Golgota" sbiil ta k'op hebreo. ¹⁸ .-Jich le' la sjijbanika te Jesus, sok xan cha'tul winiketik, tul ta juju-mejch', ja ay ta'olil te Jesuse. ¹⁹ .-Te Pilato la snajk'an ta jun lejch'el te' sok le' la yak'a ta bay te sjol te Cruz, jich le' ts'ibubila: "JESUS TE NAZARETE, MUK' AJWALIL YU'UN TE JUDIOETIKE". ²⁰ .-Bayal te Judioetike la sk'oponik te bek najk'anbil ta bay te lejch'el te'e melel te bay la yich' jijbanel te Jesus tijil nax aya sok te lume. La yich' ts'ibuyel ta hebreo-k'op, latin-k'op sok ta griego-k'op. ²¹ .-Jich te wolwane sacerdotetik yu'un te Jidioetike la yalbeyik te Pilato: Ma me jichuk xa ts'ibuy 'muk' ajwalil yu'un te Judioetike', ja lek te jichuk la ats'ibuye: 'ja te mach'a la skuy sba muk' ajwalil yu'un te Judioetike". ²² .-Te Pilato la yal: "Te bek la jts'ibuyixe, la na nix jts'ibay abi. ²³ .-Te k'alal jipilix ta Cruz te Jesus, te soldadoetik la stsakbeyik te sk'u'-spak'e sok chaneb yajwal lok' yu'unik a jich la yich'ik ta jujutul te soldadoetike, sok la stsakbeyik te snajt'il-sk'u' te mayuk sts'isbenal te jilil nax jalbile. ²⁴ .-Jich la yalbey sbaik: "Ma me jch'itik, ja lek ya jkaytik tajmal sok a ya jkiltik mach'a ya yich'bele, xi'ix". Jich k'ot ta pasel te bi la ts'ibubil ta sjun Dios: "LA SPUKBEY SBAIK TE JK'U'-JPAK'E, SOK LA YAIYIK TAJMAL SWENTA YU'UN YILIK A TE MACH'A YA YICH'BEL TE JK'U'E". ²⁵ .-Ja la spasik spisil te soldadoetik te bek ts'ibubile. Te sme' te Jesus, te yijts'in te sme'e, te Maria te yinam te Cleofas, sok te Maria Magdalenae, ja in ants'etik to tek'elik ta bay yanil a te scruz te Jesuse. ²⁶ .-K'alal te Jesus la yil te sme'e sok te nopojel te k'ux ta yot'ane, la yalbey te sme'e: ¡Ants, ilawil te awale! ²⁷ .-Jich la yalbey uuk te nopojele: "¡Ilawil, te ja me'e!" Oranax te nopojele la yik' bael sjoin ta sna. ²⁸ .- La patil, te Jesus sna'ojixa te spisil ju'emix yu'una, sok jich la yal xan swenta yu'un ya xk'ot pasel te bila ts'ibabil ta bay sjun te Diose: "Takin jkot'an". xi'. ²⁹ .-Ay jun bojch' te le pachata te, nojel yu'un ch'aal Vino, jich yu'un la smalik ta ch'aal vino te jun esponja, la skajts'anik ta sni'il hisopo-te' jich la stuyik moel moel sok la yak'beyik ta ye te Jesuse. ³⁰ .-Te k'alal la sts'ub te ch'aal vino te Jesus. la yal: "Ju'ix ku'un". Jich la snajan koel te sjole sok la yak' te lok'ok te xch'ulele. ³¹ .-Jich ja yorailixa te xchaj banel te Pascua, jich te Judioetike ma la sk'anik te le' jipi lik ya xil ta Cruz te sbak'etalike (melel te sk'alelal kux-ot'ane tulan sk'oplal ya yaiyik stukelik), jich la yalbeyik te Pilato te yakuk yal ta mantal ta sk'asbeyel te jakanike sok te yakuk yich'ik tel kojt'esbel te sbak'etalike. ³² .-Jich yu'un bajt'ik te soldadoetike sok la sk'asbey te yakan te sbabialan winike sok te yane te mach'atik pajal la yich'ik jijp'anel ta Cruz sok te Jesuse. ³³ .-Te k'alal k'otik ta bay ay te Jesus la yilik te lujemixae, jich yu'un ma la sk'asbeyik te yakane. ³⁴ .-Jauk me to, tulte soldado te la sts'ap'bey ochel ta jun lanza ta smoche, jich ora nax lok tatel ch'ich sok ja'. ³⁵ .-Te mach'a la yile la yal ta testik'o-kop, jich te bila la yale smelelilme. Sna'oj te melel te bin la yale swenta yu'un jich nix ach'uunikuke. ³⁶ .-Melel jich k'ot ta pasel swenta yu'un ts'akal ya xk'ot ta pasel te bila ts'ibulil ta sjun te Diose: "MAYUK NI JUNUK SBEKEL YA YICH K'ASBEL STUKEL". ³⁷ .-Sok ja nix jich ts'ibubil ta sjun Dios te jich ya yale: "YA ME YILIK TA SITIK TE MACH'A LA STS'APIKE" XI. ³⁸ .-Ta patilal, te Jose sbiil te talem ta lum Arimatca, te ja nopojel yu'un te Jesus, (jauk me to, muken aya melel ja xi'ojate Judioetike), la sjojk'ibey te Pilato teme ya stak' yich' beyik baela te sbak'etalte Jesus. jich te Pilato la yak'bey. Te Jose bajt' jich ba yich'bey bael te sbay'etal te Jesus. ³⁹ .-Sok taluk uuk te Nicodemo, te mach'a xtatuk sk'opon ta ajk'ubal te Jesuse. Te la yich'tel mirra te kapbil sok aloe, te k'axem ta lajuneb scha'winik kilo (30) te yalale. ⁴¹ Ay ts'umbil nichmetik le'a te banti la yich jijbanel ta cruzz te Jesu; jich te banti: ts'umbil nichmetike ay jun yach'il mukenal te myuk mach'a mukbil le'a ⁴² Melel ja sk'alelal-a te xhaybnbel sbaik te Judioetik yu'un te kin pascua jich la xchawanbeyik jilef te sbak'etal te Jesus t bay te mukenal, mele nopol nax aya.