¹ Ta patil te jesuse la yal ja'i k'opetikto,lok'bael sok te opojeletik yu'une ta bay jech' beja' cedron sbi'ile, ta bay te awal-tsunubile, le'och baela te Jesuse sok te nopojeletik yu'une. ² Ta ora to te Judas, te ak'awan ta k'abale, yiloj u'uk te banti ay te awal tsunubile, yu'un te Jesuse bayal buelta bat le' soka-a te nopojeletike. ³ Jich yu'un te Judase, k'alal la yi'ktel te jtijk' soldadoetik yu'un te sacerdote-e,sok te wolwanejetike sok te fariseo, sok te mach'a tulan ya't'el yi'ch'oje, le' k'otika sok t'ejibike. V 4 J'auk me to te Jesuse sna'oj spisil te beluk ya x-k'ot ta pasel ta stojole ,ne'el ab'at sok la sjok'i ya'iy ⁴ J'auk me to te Jesuse sna'oj spisil te beluk ya x-k'ot ta pasel ta stojole ,ne'el ab'at sok la sjok'i ya'iy: "¿Mach'a te yakalex ta sle'ele?" ⁵ La yalik: "Jesuse te Nasaret". Te Jesuse la yal: Jo'on abi.Te Judase te ak'wan ta k'abale,le' te'k'el soka-a te ldadoetike. ⁶ Jich yu'un te k'alal la yal jich te Jesuse "Jo'on", te xie walapat asut'ik sok t'uxajik ta lum. ⁷ Ja'uk me to la xch'a' jojk'obey xan: "¿macha-a te yakalex ta sle'ele?" La sjutik ta yan buelta "Jesus te Nasaret". ⁸ Te Jesuse la yal: "La kalbatikix te jo'on-abi. Jich yu'un te me yakalex ta slebelonike, koltaya bael ja in jo'jtak to". ⁹ Jich k'ot ta pasel te beluk la yal te Jesuse: "TE MACHA'TIK LA AWAKBONE, MA ACH'AN TULUK KU-UN". ¹⁰ V 10 Ja'uk me to simon pedroe, te yich'o te spuñale, la slo'k'estel sok la smaja-a te yabat te mu'k'ul sacerdotee sok la sbojbey te swa'el xchikine. Te sbi'il te ab'ate ja' te Malcoe. ¹¹ Te Jesuse la yalbey te pedroe: Ak'a ochel ta sna te apuñale.¿ya'lobon te jtate?. ¹² Jich yu'un te jtijk' te soldadoetike sok te kapitane, sok te mach'a yich'o tulan ya't'el te judioetike la stsakik te Jesuse sok la xchukik. ¹³ Jich neel la yak'ik bael ta stojol te Anase, te nialmamal te Caifas, ja' ay ta muk' Sacerdotea te ja'wilabie. ¹⁴ Ta ora de Caifase la yalbey mantal te judioetike te ja'lek te tul ax winik ya xlaj ta swenta te lumme. ¹⁵ Te simón Pedroe la sts'aklin bael te Jesuse, sok u-uk te yan nopojele. Ja-uk me to te yan nopojele nabil sba yu-un te jmuk sacerdote-e,jich och sok te Jesús ta bay ya xchajban wan te muk' Sacerdote-e; ¹⁶ Yan te pedroe le' tek'ela ta bay spat te tinaile. Jich yu'un te yan nopojele, te na'b'il sba yu'un te mu'k'ul Sacerdotee, lok'tel sok la sk'opon te ants te kanan tinaile jich och sok te Pedroe. ¹⁷ Jich yu'un te ab'at te kanal tinaile, la yalbey te pedroe: "¿Ma bal ja'ukat nopojelat yu'unu-uk ja'in winik to?" Jich la yal: "Ma a'ukon". ¹⁸ Ja'uk me to te abatetike sok te kananetike le' tek'atika-a; yu'un ja' la tsumik te k'ajk'ej yu'un ay te sike, te yantike yakalik ta sk'atinel te k'ajk'ej. Te Pedroe le' ayaka-a sunej te antike te'k'el ta sk'atinel te k'ak'ej. ¹⁹ .-Te muk sacerdote'e la sjo'jk'ibey te Jesuse te bit'il ay te nopojeletik yu'une sok te beluk yak ta yak'el nopele. ²⁰ .-Te Jesuse jich la yal: "Te jo'one k'opojemon ta jamal ta spamal ta balumilal. Te jo'one ka'yoj nopteswane ta bay sinagogaetik sok ta bay temploetik te banti ya stsobilay sbaik te Judioetike. Mayuk beluk muken yakon ta yalel. ²¹ .-¿Bi yu'un te ya ajojk'obonike? jo'jk'ibeyaikte yantike te mach'a yaiyojbonix te beluk kaloje. Ilawil me ants-winikto sna'ojik stojol te beluk kalojixe." ²² .-K'alal la yal jich te Jesuse, ay tul te mach'a yich'o tulan ya't'el te le' te'k'elae la smaj te Jesuse sok jich la yal: "¿Jich bal ya asujt'esbey sk'op te muk' sacerdote-e.?" ²³ .-Te Jesuse la yalbey: "Teme jo'on amen te beluk la kale, chola jiche te beluk ma'lekuk kalojej yan teme lek te beluk la kale, ¿Bistu-uk te ya amajone?." ²⁴ .-Te Anase la stikan bael te Jesuse chukul abat ta stojol te Caifas te muk' Sacerdote-e. ²⁵ .-Te Simon Pedroe te'k'el to ta sk'atinel te k'ajk'e. Te ants-winike jich jach' albotuk yu'un: "¿Ma bal ja'ukat te nopojelat yu'une.?" la smuk ta yo't'an sok jich la yal: "Ma' jo'okon". ²⁶ .-Te jtul ya'bat te muk'ul sacerdote, ja' stijinabal sba sok te mach'a bojbot lok'el xchikin yu'un te Pedroe, jich la yal: "¿Ma bal ja'ukat te la kilat sok ta bay awal-tsunubil in winikto.?" ²⁷ .-Te Pedroe yan buelta la smuk ta yo't'an jich ora nax ok' te tat mute ²⁸ .-Jich yu'un te yantike la yi'k'ik bael te Jesus ta stojol te Caifase k'alal ta bay muk'ul xchabajibal yu'un te ajwalile. Yakix sakubel tel a te kinale, jich yu'un ma ba ochikix ta bay ya xmantala te ajwalile yu'un ma ba la skap sbaika sok jich ma sweik te beluk ya slajinik ta bay k'in Pascuae. ²⁹ .-Ja'uk me to te Pilatoe lok'bael ta banti ayike sok jich la yal: "¿Beluk smulinej awu'unik te la awi'k'iktel ja in winik to? ³⁰ .-Jich la sjutik sok jich la yalik: "Ja'in winik to te manchuk amenuk ya't'ele te jo'otike, ma ba tal jk'ak'tik ta atojol te jichuke." ³¹ .-Te Pilatoe jich la yalbey: "Ik'aik bael te jaexe sok ba'an chabanaik ta swenta te mantalil awu'unike". Te Judioetike jich la yalik: "Te jo'otike ma stak te ay mach'a ya jmiltik tuluk winike". ³² .-Ja'ik la yalik te beluk la yal te Jesuse te ya xk'ot ta pasele te beluk yaloj te Jesuse, te sk'op te la yal jilele ja'te bin ut'il ya xlaje. ³³ .-Ja'uk me to te Pilatoe och bael ta banti muk'ul chajbajibal yu'unte ajwalile yan buelta la yik'tel te Jesuse sok jich la yalbey tastojol : "¿Ja'at balte muk' ajwalilat yu'un te Judioetike?" ³⁴ .-Te Jesuse la yal: ¿Ja'at nax bal ya awal atukel o yu'un bal ay yantik te ya xk'opoj ta jtojolej?. ³⁵ .-La yal te Pilatoe: "Ma jo'okon te Judione ¿o ja'bal? ja' nix te alumale sok te wolwanejetik yu'un te sacerdote-e te la yak'at ta jtojole. ¿Beluk la apas jiche? ³⁶ .-Te Jesuse jich la yal: "Te jlumale ma ja'uk in balumilalto. Te ja'uk lumal in nalumilalto, te abatetik ku-unej ya me yayik kera te jichuke yu'un ma ba ya'k'on ta sk'ab te Judioetike. Ta ora to te banti ay te jlumale ma ba le'ito. ³⁷ .-Te Pilatoe la yalbey te Jesuse: "Melel bal jiche te ja'at te muk' ajwalilate? Te Jesuse la sja'k': "Ja'at nix la awal te jo'on ajwalilone. Ja swentail te be'jk'ajone, ja' jich swentail te talon le' ta balumilale yu'un taljkal ta jamal te smelelil k'ope. Spisil te mach'a ay ta smelelile ya yaiy bon stojol te jk'opej. ³⁸ .-Te Pilatoe la yalbey te Jesuse: "¿Beluka te smelelile"? Bin ora la yal in to, cha', lok' xan bael ta sk'oponel te Judioetike sok jich la yalbey: "Mayuk bay la tabey xujt'uk smul ja in winik to". ³⁹ .-Te jaexe ja talelik te ya akoltay bael tul winik ta yorail te k'in yu'un te Pascuae, jich yu'un ¿"Ja bal ak'anik te ja' ya koltay bael te mach'a muk' ajwalil yu'un te Judioetike?" ⁴⁰ .-Ja'uk me to awunik sok jich la yalik: Ma ja'uk me winik to, ja' xa koltay bael te Barrabase". Te Barrabase mero elek' stukel.