¹ Ta buen sab ta sbabialan k´aal yu´un te semana ma to sabuk lek k´inal-a, te Maía Magdalena bajt´ mukenal la yil te k´ejbil lok´el te ch´en te smakoj-a te sti mukenale. ² Jich bajt ta aelmal te banti ay te Simón Pedro sok te yan nopojel te bayal sk´anoj te Jesuse, jich la yaltibaley: ''La yich beyik lokel te sbak´etal te Jesuse ta banti mukenal, ma jnatik te banti la yak´iik''. ³ Jich te Pedro sok te yan nopojel lok´ iktel, bajt´ik ta mukenal. ⁴ Xchebal bajt´ik ta aelmal, jauk me to tsalot ta aelmal te Pedro yu´un te yan nopojele ja neel k´ot ta mukenal stukel. ⁵ La stinan sba koel, la yil te le aya te spojts´il-pak´e jauk me to ma ba och bael. ⁶ Jich patil k´ot te Simón Pedro jich och bael ta mukenal. La yill te spojts´il-pak´ te le aya. ⁷ Sok la yil te pak´ te la spotsbeyika te sjol te Jesús. K´ejel pakbil jilete stukel. ⁸ Jich ochbaeluk te yan nopojele, te ja ne´el k´ot ta mukenal; la yil jich la xch´u-un. ⁹ Yu´un ma to k´oem ta yot´anika te beluk ts´ibubil jilel ta sjun Dios, te ya xcha kuxtel te banti ay te aelmeletike. ¹⁰ Jich te nopojeletike sujt´ikbael te ta snaik. ¹¹ Jauk me to te María tek´el ta ti´ mukenal yak ta ok´el. Te kalal yak ta ok´el, la stinan sba koel ta yutil mukenal. ¹² La yil cha´ tul abatetik te sakil pak slapojik nakatik lea,, tul ta banti ain te sbaketal te Jesús. ¹³ Jich la yich´ albeyel te María: ''Ants, ¿Bistuk te yakat ta ok´el?'' Jich la yaltilebey: ''Yu´un la ich´ boniklok´el te sbak´etal te jkajwale, ma jna te banti la yak´ike. ¹⁴ Te k´alal la yal jich te María, la sutel te site la yil te le tek´el-a te Jesuse, jauk me to ma la snabey sba te ja te Jesús. ¹⁵ Te Jesús la yalbey jich: ''Ants, ¿Bistuk te yakat ta ok´el? ¿Mach´a ya ale?' ''te María ja la skuy te ja te kanan nichi metike, jich yu´un la yalbey: '' winik, te me ja la wich´ lok´el ta mukenal, albon te bani la awak´e, yu´un jo´on ya jk´ikbael''. ¹⁶ Te Jesús jich la yalbey: '' María''. Jich la sutel sit, la yalbey ta k´op arameo: ''Raboni,''(te jich ya sk´an yal ''Maestro''). ¹⁷ Te Jesús jich la yalbey: ''Ma xa pikon, yu´un ma to xk´o-on ta te jtate; jauk me to ba´an ilawil te kermano tak sok altilebeya te ya xb´onix ta stojol te jtate te ja te Dios, te janix statikuke sok janix Diosiku´uk.'' ¹⁸ Te María Magdalena bajt´ jich la yalbey te nopojeletik: ''Te jo´one la jkil te kajwaltike'', sok jich la yalbon to. ¹⁹ Te k´alal mal te k´aale, te sbabeal k´aal yu´un te semana smakoj sbaik ta na te nopojeletik ta skaj te ya xi´ik te judioetk´, jich ochtel te Jesús la stejk´an sba yolilik jich la yalibey: ''Te lamal k´inal ayuk me ta atojolik''. ²⁰ Te k´alal la yal jich to, layak´bey yilik te sk´abe sok te smoche. Te k´alal la yilik tekawaltik, binub, yot´anix yu´un te nopojeletike. ²¹ Te Jesús la yalta yan buelta: ''Te lamal k´inal ayuk me ta atojolik. Jich te bilil la stikunontel te jtate, janix jich ya jtikunex beluk. ²² Te kalal laj yot´an yalel jich te Jesús, la yich´ik jujch´iyel sok jich la yal: ''Ich'aik te ch´ul Espíritu. ²³ Te mach´a ya yak´bey perdón yu´un te smule jich me ya x-ak´bot perdón yu´unuk te smule; yan te mach´atik ma xchaybeyik te smule janix jich ma xchaybotik smulik-uk'''. ²⁴ Tomas, te ja tul ta slajchay tulul te nopojeletik, te janix sbi´il te Didimo, ma ba sjoinejika te k´alal tal te Jesús. ²⁵ Te yantik nopojeletike jach yalbeyik: ''Te jo´otike la jkiltik te kajwaltike''. xi´ik. Jich la´ yal te Tomase: ''Ja to te me la jkil te señail te lawuxetik ta sk´abe, sok teme la jkak´ sbik´tal jkáb le ta banti señail te lawuxetike, sok teme la jkak ochel jk´ab ta banti yutil xmech´, ja to ya jch´unabi''. ²⁶ K´axemix waxukeb k´aal te la tsob sbaik yan buelta te nopojeletik yu´une, sok juinbilik yu´un te Tomás. Te k´alal makatika te ti nel ochbael te Jesús, la stejkan sba ta yolilik, jich la yal: ''Te lamal k´inale ay yuk me ta atojolik''. ²⁷ Jich la yalbey te Tomás: ''Ostesatel tel te ak´ab ta bay jmoch ma me xchebaj awot´an. ch´una me.'' ²⁸ Te Tomás jich la yalbey te Jesús: ''kajwal sok Dios jku´un''. ²⁹ Te Jesús jich la yalbeyuk: ''Ja tote k´alal la awilon, la ch´u´un. Binax me yutsisal te mach´atik ma yilojik, jauk´ me to xchunejik.'' ³⁰ Te Jesuse ay bayal xan señaliletik spajol ta swenta te nopojeletike, señailetik spasoj ta swenta te nopojeletike, señailetik te ma ba ts´ibubil le´ to, ³¹ Janax la yich ts´ibuyel yu´un te yak´uk achunik te Jesús te janix te Cristo, te xnich´an te Dios, jich te mela ach´unik ay me akuximel ta swenta sbi´il.