¹ Ay mach'atik talik ta sk'inal Judea te tal yak'beyik snop te kermanotaktik te puersa me ya yich' circuncision ta sbak'etalik jich bit'il la yal mantal te moisese tema ya sk'an yax kolik sbajt'el k'inale. ² jich jajch' bayal k'op yu'un . In te pablo te Bernabee jalajik ta yaanel sok jich la yich'ik tsael ta schebalik sok xan yantik kermanotaktik te yax ba sjak'ik ta stojol te pik-k'opetik sok te ancianoetik yu'un stsojbol ch'uunjeletik te ayik ta lum Jerusalén. ³ Jich la tich'ik tikunel beel yu'un stsojbol te ch'uunjeletik ta lum Antoquia. K'axik beel ta sk'inal Fenicia sok ta sk'inal Samaria, k'ax yaltilaybey ya'yik te kermanotaktik te bitil ay tsobol mach'a ma judiouk te la sujt'esik yot'anik ta stojol te Diose, spisil te kermanotaktike bin nax yot'anik yu'un. ⁴ Te k'alal k'otik ta Jerusalén te pablo te Bernabee te ch'uunjeletik ta stsojbolik sok te puk-k'opetik sok te ancianoetike bin nax yot'anik la yik'ik ta stojolik. Jich te pablo ta Bernabee jajch' yalbey yayik spisil te bila spas o Dios ta swentaike. ⁵ Ja'uk me to ay Fariseoetik te sch'uunejikix te Jesuse te la stejk'an sbaike. Jich la yalik: - puersa me ya kak'beytik yich'ik circuncicion te mach'atik ma Judiouke, sok puersa ya kalbeytik mantal te ya'telinik spasel spisil bila ya yal te mantaliletik yu'un te moisese -xi'ik. ⁶ Jich la stsob sbaik te puk-k'opetik sok te ancianoetik ta snopel in aiyej to. ⁷ Te k'alal jalakix ta yaanele, la stejk'ansba jajch'el te Pedroe. Jich la yal: '' kermanotak, te jae'xe a na'ojik stojol te Dios la staon ta awolilik te k'alal yak to nax jajch'el ta pukel te lek yach'il k'op yu'un te jkoleltike te jo'on ta swenta te la ya'iyik stojol te mach'atik ma ja'uk jlumaltike swenta yu'un jich me ya sch'uunik uuk. ⁸ Jich te Diose te sna'oj-botik k'otantik ta jpisiltike la yak'ta na'el stojol te lek yot'an yuún ta swuenta bit'il la yak'bey yik'ik ta yot'anik uuk te ch'ul Espiritue jich bit'il te jo'otike. ⁹ Pajal kileltik la yilotik sok te mach'atik ma Judiouke. Jich la spasbey persón yu'un smulik uuk ta swenta bit'il te la sch'uunike. ¹⁰ Jich yu'un ¿bistuk ya a wilbeyik yot'an ta ora to te Diose te ya awak'bey yijk'ats ta ch'uunel te nopojeletik te bila ma ju'kuuntik sch'uunel sok uuk te jme'tatike? ¹¹ Ja'uk me to jch'uunetik te la k'ichtikix coltayel yu'un jmultik ta swenta nax yutsil yot'an cu'untik te cajwaltik Jesuse jich te bit'il yich'ilkix coltayel uuk te yanlumetike-xi te pedroe. ¹² Jich ch'ajbik ta k'op ta spisilik te mach'atik stsoboj sbaike sok la ya'ybeyik stojol sk'op te Bernabe te Pabloe te la yalik te bit'il Dios la spas señailetik sok chajb a'teliletik ta swentaik ta stojol te mach'atik ma judiouke. ¹³ Te k'alal lajix yot'anik ta k'ope jajch'ta k'op uuk te Jacoboe: '' kermanotak a'iybon awa'iyik stojol te bila ya jkalbeyexe ¹⁴ Te simone la scholbotikix k'aiytik te bit'il Dios jajch' sna' ta neelal to te mach'atik ma Judiouk te ya stsa lok'el ta yolilik uuk te mach'a tik lum yu'un yax k'otike. ¹⁵ Jich nix ay sk'oplal ta sjun uuk te alwanejetik yu'un te Diose jich te bit'il into: ¹⁶ ''TA PATIL YAX CHA' TALON XAN, SOK YA ME JCHA' PAS XAN TE SNA DAVID TE JINEME. YA ME JCHAJBAN XAN TA YACHÍL TE BIT'IL LAJEME , SOK YA JCHA'TEJCAN MOEL'', ¹⁷ SWENTA YU'UN YA MEX TAI SLELK CAWALTIK TE YANTIK CRESNATOETIK JA'BI JA'SPISIL TE YAN LUMETIK TE IK'BILIK TA JWENTAE'' XI'TE KAJWALTIKE. ¹⁸ Jich la yal te kajwaltike te yak'ojix ta na'el stojol spisil in to ta namey k'inal, te xi'e. ¹⁹ Ja' swentail te ya xkal jo'on te ma me kak'beytik swokolik te mach'atik ma jlumaltikuke te ya sujts'es yot'anik ta stojol te Diose. ²⁰ Ja' nax aka jpasbeytik sjunik te ya kalbeytik te ma me sti'ik ti'bal te ma lekuk c'oem sk'oplal ta swenta bit'il smajt'an te lok'om baetike, sok te ma me xyai'iyik wulweje, sok te ma sti'ibeyik sti'balul ta bay ts'otbil nax snuk'te yich'oj milele, sok te ma stuuntesik te ch'eh'e. ²¹ Melel ta namey to tel ay ta alel ta stojolik ta bay jujusejb lumetik te mantaliletik yu'un te Moisese, sok ya yich'ilel sjunal ta bay sinagogaetik ta sjujun sk'alel te ich' lewae xi' te Jakoboe. ²² Jich te puk-k'opetik sok te ansianoetik sok stsojbol te ch'uunjeletike la snopik beel ta lum Antioquía sok te Pablo te Bernabee ja'la stsaik te judas te Barsabás yan sbile sok te Silase te ich'bilik ta muk' yu'un te kermanotaktik ta Jerusalén. ²³ Jich ak'bot yich'ik te ju'un ts'ibubile: ''kermanotak ja'ex te ma Judioukex te ayex ta lum Antiokia sok ta sk'inal Siria sok ta sk'inal Cilisia ya jpatbeyex awo'tanik jo'otik te puk-k'opetik sok te ancianootik sok ta stsojbol te ch'uunjeletike. ²⁴ La k'aitikix stojol te ay cha'oxtul jajch'emix beel le' to te ma tikunbiluk ku'untik te la ya k'beyex a mel a wot'anik yu'un te bila ya walbeyex awa'iyike sok la yak' aanuk awot'anik. Te bit'il yalbeyex te puersa ya awich'ik circuncición sok te yol ach'uunik te mantaliletik yu'un te moisese. ²⁵ Jich yu'un ja' lek la ka'iytik ta jpisiltik te ya jtsatik kermanotaktik ta koliltik te ya xtal yilexe som ja' pajal yax tal sok te kermanotaktik Bernabé sok Pablo te bayal k'ux ta kot'antike. ²⁶ Te yak'oj sbaik ta lajel sok skuxlejalik ta swenta te kajwaltik Jesucristoe. ²⁷ Jich yu'un la jtikuntikix tel te judase sok te Silase. Ja'me ya yalbeyex awa'iyik spisil in aiyej to. ²⁸ Melel ja'lek la ya'iy te ch'ul Espititu sok jick kot'antik uuk te ma'yuk yan mantalil te ya kak'beyex ach'uunike, ja' nax ta bay tulan sk'oplal: ²⁹ Ja'in to: Ma me xati'ik ti'bal te yich'oj milel smajt'anin te lok'ombaetike, sok ma me xti' beyik stibalul te bay tsobil nax snuk' yich'oj milele sok ma me atuuntesik te chi'che, sok ma me xawaiyik mulwej. Teme ya a combaik ta spasel in to, lek ay a bi. Ja'nax abi, kermanotak'' xi'ik ta sjunik. ³⁰ Jich la yich'ik tikunel beel te winiketike. K'alal k'otik ta lum Antoquía, la stsobik spisil te kermanotaktike, sok la yak'beyik ta sk'abik te kartae. ³¹ Te k'alal la yich' ilel yu'unik te kartae, bayal bujts'naj yot'anik yu'un te bila albotik Ley a. ³² Te bit'il alwanejetik yu'un Dios te Judas te Silase, jalajik ta stak'uyel sok bayal la stulantesbeyik yot'anik. ³³ Te bit'il jalajikix Ley a, jich ak'otik sujt'e yu'un spisil te kermanotaktike. La yalbeyik te ya sjoinik beel te Diose te yax sujt'ikbeel ta stojol te mach'atik tikunbilik tel yu'unike ³⁴ Ja'uk meto te Silase la snop te ya to xjil ta Antioquía. ³⁵ Ja' nanix jich te Pabloe te Bernabee le yilik uuk a, la sjoin sbaik sok stsobol xan yantik ta bijteswanej sok ta spukel te lek yach'il k'ope. ³⁶ Te schebal buelta lok'ta spukel lek yach'il k'op te Pabloe. Patil te Pabloe la yalbey te bernabee: '' ja' lek jax ba kiltik te bi yilel te kermanotaktik ta bay te lumlumtik la kaltik te sk'op kajwaltike- xi'. ³⁷ Te Bernabé ja' la sk'an ya yik'beel sjoin te juane te marcos yan sbiile. ³⁸ Yan te Pabloe la yal te ma spas ya yik'beel sjoin te mach'a iktayotik jilel yu'un ta bay sk'inal Panfilia te ma la sk'an sjoin beel ta spasel sok te a'tele. ³⁹ Tulan la sk'opon sbaik yu'un, jich la yiktay sbaik, te Bernabé la yik'beel sjoin te Markose. Ochik ta barco, bajt'ik. ⁴⁰ Yan te Pablo ja'la stsa te ya sjoin beel te Silase. Jich te kermanotektike la sk'ambeyik bendición te ya me sjoinik beel te kajwaltike. Jich a bajt'ik. ⁴¹ K'axik beel ta sk'inal Siria sok ta sk'inal Cilicia, k'ax stulantesbeyik yot'anik ta stsojboltsob te ch'uunjeletike.