¹ Te kalal ayikix ta lum ikono te pablo sok te bernabee ochik ta bay te sinagoga yu'un te judioetike. ay yip te sk'opike. Jich tsobol judioetik la sch'uunik sok tsobol uuk te mach'atik ma judiouke. ² Yan te jayeb judioetik te ma las k'an sch'uunike la sjajch'esbeyik yot'anik te mach'atik ma judiouke jich ju' yu'unik te ya yak' scontroinik te cheb kermanotaktike. ³ Ja' uk meto ay bayal k'aal jalajik ley a. Ay yip yot'anik yu'un te kajwaltike. Jich ju' yu'unik yalel te bit'il ayotik ta k'uxtayel ta jpisiltik yu'un te kajwaltike. Ja' la yak' ta ilel te bit'il ya yak'bey yue'elik ta spasel chajp a'teletike sok te señailetike. ⁴ Ja'uk meto te swinkilel lume la sjat sbaik yuún. Ay machátik jun yot'an sbaik sok te judioetike sok ay machátik jun yotán sbaik sok te puk-kópetike. ⁵ Te yan lumetike las paj skópik sok te judioetik sok te tuuneletik yu'unike te ya yuts'inik sok te yas milik ta ch'ojel ta tone. ⁶ Te pablo te bernabee la ya'iyik stojol te bila snopojike. Jich bajt'ik ta anel ta bay te lumetik te ayik ta bay te sk'inal likaoniae, ja' bija' te listra sok derbe. Lei ainik a sok ta bay sjoylejal te k'inale. ⁷ Ley la yalik a te lek yach'il k'ope. Laj ta ch'ojel ta ton ta bay listra te pabloe. ⁸ Ay tul winik ley a ta bay lum listra te ma'yuk yip te yakane, yu'un koxo ta sbek'tajib to. Ma'yuk banti yax been xujt'uk. ⁹ Ley nakal ta ya'iyel stojol te bila la yal te pabloe. Te pabloe la sk'elubey sit. La yil te bit'il sch'unej yot'an te yax kole. ¹⁰ Jich tulan las k'opon: -jajch'an. Toj xtek'lat sok te a wakane - la yut. Te winike tejk'aj jajch'el ta ora. Jajch' ta beel. ¹¹ Te bit'il la yilik te krestanuetik te bila las pas te pablo jajch'ik ta aw ta likaonia k'op te ja'nix te sk'opike. Jich la yalik: -k'oemix tel ta jtojoltik diosetik te sk'aanej sbaik ta krestaunetike - xi'ik ta aw. ¹² Jajch'yalik te ja' jupiter te bernabee sok ja' mercurio te pabloe skaj te ja' yak ta k'op stukele. ¹³ Jich te sacerdote yu'un te jupiter te ay templo yu'un ta ti' lume ja' la yik'tel toroetik te ch'albilik ta nichime. Te sacerdotee sok te krestanoetike k'an smilbeyik smajt'anin bernabé te toroetike te bi'til skuyojik ta jupitere. ¹⁴ Te k'alal la yaiyik stojol te puk-k'opetike ja' bi ja' te bernabe te pabloe, la sch'i sk'uik yu'un sok la sten sbaik ochel ta bay yolil te krestanuetike. Jich la yalbey ya' iyik ta aw. ¹⁵ Winiketik, ¿bistuk te jich ya a pasike? melel te jo'otike krestanouotik uuk jich te bit'ilexe ja' tal kalbeytikex te ya a wik'tayik ta spasel te bila xujt' ma'yuk stuule sok te ya a sujt'es a wot'anik ta stojol te kuxul dios te ja' las spas te ch'ulchane te balumilale te mare sok spisil te bitik ay ley a. ¹⁶ Ta namey tel dios la yak'bey sch'unik te bila la snop ta yot'anik te mach'atik ma judiouke. ¹⁷ Jauk meto ma yu'unuk mala yak' ta na'el te bit'il ay stukel te diose, melel lek te bi ya spase. Ya yak'taluk ja'al ta ch'ulchan sok ya yak' sitinuk te kawal ts'unub-tike. Jich yax noj te jch'ujtike sok yax bujts'naj k'otantik ta lek yu'un-xi' ik ta aw. ¹⁸ Jich wokol ju' yu'unik skomel te krestanuetike melel ja' ay ta yot'anik te ya smilbeyik smajt'anin te wakash-etike. ¹⁹ Ay judioetik k'otik te talik ta antiokia sok ta ikonio. Tal stik'beyik k'op te krestanuetike. Jich la sh'ojik ta ton te pabloe sok la stasik lok'el k'alal ta patlum, yu'un la skuyik te k'axel lajemixe. ²⁰ Jauk meto te nopojeletike tal sjoytayik ta tek'lej te pabloe. La stejk'an sba jajch'el, sok och beel ta lum yan buelta. Ta schebal k'aal la yik'tay jilel te lum listrae, bajt' ta lum derbe sok te bernabee. ²¹ k'alal laj yot'anik ta scholel te lek yach'il k'op ta bay te lum derbe. Ts'obol ta tul krestanuetik te la sch'unik te jesuse. Patil sujt'ik beel ta lum listra, sok ta lum ikonio, sok te bay te lum antiokiae. ²² Te banti k'axike la stulantesbeyik yot'anik te nopojeletike, sok la yalbey ya'iyik te k'axel aka sch'unik te jesuse. Sok la yalbeyik te puersa me yax k'ax jwokoltik ta jpisiltik te yax ochotik ta banti ay te mandal ta muk' ajwalil te diose. ²³ Sok la sleik jilel te mach'atik la yak'beyik yat'el ta ancinoil ta bay chajbalchajb te ch'uunjeletike, sok la skom swe'elik ta sk'oponel dios. Jich te pablo te bernabee la yak'ik jilel ta sk'ab te kajwaltike te ja' te sch'uunejikixe. Te pablo te bernabee sujt'ik beel ta antiokia te ay ta sk'inal sirlae. ²⁴ Jich k'axik beel ta sk'inal pisidia, sok ochik beel ta sk'inal pamfilia. ²⁵ Ley la yalik te lek yach'il k'op ta bay te lum perge. Patil koik beel ta lum atalia. ²⁶ Ley ochik ta barko a, sok bajt'ik ta lum antiokia te banti k'ambotik bendicion te ya me sjoinik beel te diose te yax ba spasik te at'ele te ja' te juix ta pasel yuunike. ²⁷ Te k'alal k'otik ta antiokia la yik'ik tel tsobol te ch'uunjeletike. la yalbey ya'iyik spisil te bila spasoj dios. Ta swentaike sok te bit'il la ya'bey sch'uunik uuk te mach'atik ma judiouke. ²⁸ Te pablo te bernabe bayal k'aal la sjoinik ley a te ch'uunjeletike.