¹ Te Pabloe k'ot ta Derbe sok ta Liastra; ilawilik, le ay tul xchol sk'op Dios te ja sbi-il Timoteo, te ja yal tul ants Judia te ay xch'unjel. Sok te stat te ja Griego. ² Te lek ya yich'a-anteyel te jkermanotaktik te ayik ta Listra sok Icono. ³ Te Pablo la sk'an te yakuk sxbajt' sok; jich yu'un ik'otbel sok la yak'bey yich' circunsion ta swenta te Judioetike te le ayikuka, yu'un spisil snabesbaik te state ja Griego. ⁴ Te k'alal yakalik ta k'axeltel ta banti muk'ul pam lumetik, la yichik' ak'beyel te ch'unjeletik te beluk ya sk'an xchu'unike, te beluk la yich' ts'ibuyel yu'un te apostoletike sok te ansianoetik ta Jerusalén. ⁵ Jich yu'un te ch'unjeletik ya yich'ik ak'bel yipik ta xch'unjel yot'anik sok bayal esmajik jujun k'a-al. ⁶ Te Pabloe sok te suytak bajtik ta lum yu'un frijia sok Galicia, yu'un la yich'ik komel yu'un te ch'ul Espiritu te ya xchol te sk'op Dios ta banti provincia yu'un Asia. ⁷ Te k'alal k'otik ta nopol Misia, k'an bajt'ukik ta Bitinia, te espiritu yu'un te Jesuse ma ak'ot. ⁸ Te k'alal yakalik k'axeltel ta Misia, koikbe-el ta muk'ul pam lum troas. ⁹ Ay bi ak'bot yil te pabloe te k'alal och'te ajk'ubal: tul winik te talem ta Macedonia le tek'ela, yak ta yik'el sok la yalbey: '' k'axan ta Macedonia koltaya wotik''. ¹⁰ Te k'alal la yil te Pablo te beluk chiknaj, ta ora nax la jchajbanbatik yu'un te ya xbotik ta Macedonia, ta slajibal te Diose la yik'otik yu'un xcholbeyel te sk'ope ta stojolik. ¹¹ La jchajbanbatik yu'un ya xlok'otikbel ta Troas, ch'ixnax bo-otik ta Samotracia, ta yan k'alil k'o-otik ta Neápolis. ¹² Jich bo-otik ta Filipos, te ja jun muk' pam lum yu'un Macedonia, te ja muk'ul pam lum te tulan sk'oplal ta banti lum sok tsojb lum yu'un Romana, jich jilotik ta muk'ul bayal k'a-al. ¹³ Ta sk'alel ich' lewa lok'otikbe-el ta sti muk'ul ja, banti la jnoptik te ay banti ya stak' jk'opontik kajwaltik, najk'ajotik sok k'opojotik sok te antsetik te ja sjuinoj sbaik tel. ¹⁴ Ja tul ants ja sbi'il Lidia, ya xchon tsajal pak' ta banti muk'ul pam lum Tiatira, te yich'oj ta muk' te Diose, ya yayotik stojol, te kajwaltike la sjam te yot'an jich la xch'am yaiy te k'opetik te ja ya yal te Pablo. ¹⁵ Te k'alal ak'botik ich' ja sok te jayeb tulik ayik ta sna, te antse la sk'ambotik jich la yal: '' te ja-atike ja la-a likbonik jmul yu'un tejch'unoj ta lek te kajwaltike, laik ta jan, sok jilanik lea''. Jich cham na xla yay yu'unika. ¹⁶ Jich pastaj, te k'alal yakotik ta bael te banti jk'opontik Dios, ay tul ants ch'ielto te yich'oj espititu te ay bi ya sna stojol la stasba sok jo'otik, te antse ya yak'bey bayal stak'in te ajwalil yu'un. ¹⁷ Te antse ja snutsoj te pablo sok te jo'otik sok ya x-awun, ya yal : '' te winiketikto ja at'eletik yu'un te muk'ul Dios. Ja ya yalbatik te lekil be yu'un koltayel''. ¹⁸ Te antse bayal k'aal la spas jich: Te Pabloe, ilinem bayal sok te antse, la sutsbabel jich la yalbey te espiritu: '' Te jo'one ya jkalbat ta sbi'il te Jesucristoe lok'antel ta sbak'etal te ants'', te k'alal la yal jich lok'bel. ¹⁹ Te k'alal la yil te ajwalil yu'un te bajt' te mach'a ya x-ak'bot stak'in, la stsakik te Pablo sok te Silas la yichik nitalbel ta k'alal ch'onbajeletik ta stojol tuneletik. ²⁰ Te k'alal la yichik ik'elbel ta stojol te muk'ul tunel, jich la yalik: '' te winiketik to, yakalik ta syantesel te jlumaltik ja judioetik. ²¹ Ja ya yalik kuxlejal te ma lek yu'un te Romanoetik te xch'uunik sok ya spasik''. ²² Jich yu-un bayal ants winiketik la sjachbaik tel ta skentroinel te Pablo sok te Silas; te muk'ul tuneletik la xch'ibey te sk'uik sok la yal mantal te yákuk yich'ik majel sok te. ²³ Te k'alal vayal la yichikix majel, layo chesikbel ta chukel la yalbeyik te kanan chukjibal te lekuk la smak. ²⁴ Te k'alal la yich te mantalilto, te kanan chukjibal sok la yichik tsak bel te yakanik ta banti jutilabil té. ²⁵ Nopal staix olil ajk' ubal Pablo sok Silas yakalik ta sk'oponel Dios sok sk'ajintayik k'ayojiletik ta stojol Dios, te yantik chukeletik yakalik yayel stojol. ²⁶ Ajk' nax tal tulan nijk'el, yuyal te chukjibale la yich tijel; ora nax jam spisil te sti, te tak' inetik te chukbillikae spisil la yich' tilel. ²⁷ Te kanan chukjiibal wijk' nax sit jich la yil te ja matik te sti te chukjibal; la stsak te espada teb xanix ma la smil sba, yu-un la snop te chukeletik lok'ik ta anel. ²⁸ Te Pabloe tulan awun: "Ma xa wuts'inaba, tejk'el tik le ayotiki to." ²⁹ Te kanan chukjibal la sk'an te yakuk yak'ik k'ajk' sok yipnaxochel, yak ta nijk'el yu-un xiwel, ch'ay koel ta stojol te Pablo sok te Silas. ³⁰ Layik' tiley lok'el sok la yaltilabey: "winiketiki, ¿Beluk ta stak' jpas yu-un te ya stak' xkolon?" ³¹ Jich la yalik: " Ch'u-una te kaj waltik Jesús jich ya xkolat, ja-at sok ja na." ³² La xcholbeyik yaiy te sk'op te kaj waltik, sok spisil ta mach'a ayik ta sna. ³³ Jich yu-un. Te kanan chukjil te yejch'en, te winik sok spisil te sna la yich'ik ja' ora nax. ³⁴ Jich yu-un te k'alal yak'bey swe-el, ay bayal sbujts yot'anik sok te mach' atik ayik ta sna, te la xch'u-unik te Diose. ³⁵ Jich yu-unito k'alal sakub k'inal, te muk'ul tuneletik la stikunik yayeji ta stojol te kanan chukjibaletik jich la yalbey: "koltayaik lok'el winiketik meto. ³⁶ Te kanan chukjibaliletik albotik te Pabloe jich la yal: "Te muk'ul tuneletik la stikunbonik ay ej te jich ya yal te yajkoltayatik bel: Jich yu-unito lok'anikbel, ba-anik junuk ja wot'anik. ³⁷ Te Pabloe jich la yalbey. " La smajotik ta sit ants winiketik ma la spasbotik chajbanel, te jo-otik kuxinemotik ta lum yu-un roma jich la jkich'tik chukel. ¿Ya la ba sk'anik te muken ya skolta yotik? ¡Jo-oj! Jawk aka talikuk ak'a sto'kesolitikbel". ³⁸ Te kanan chukjibaliletik la yalbey te k'opetikto te muk'ul tuneletik; te muk'ul tuneletik xiwik te k'ala la yayik stojol te Pabloe sok Silas te jaik Romanoetik. ³⁹ Te muk'ul tuneletik talik tal sk'anik perdón ta stojolik jich la slokesiktel, sk'ambeyik te yak'ok xlok'bel ta slumik. ⁴⁰ Jich yu-un, te Pablo sok te Silas lok'iktel ta chujk'ibal bajt'ik ta sna te Lidia. Te Pablo sok te Silas la yilik te jkermanostaktik, la yakbeyik sbujts yotanik jich lok'iktel ta banti muk' ul pam lum.