¹ Wa Puchiná wanilh wa Josué: "Ni Kamakg'katsí tapekwa; ni kataxlawaní. Katiya putum tachixkuwitat wanti katsikgoy lalaflawanakgoy. Katawaka anta Hai. Kuxti, Akit makamaxkinitan ank mi makan wa xpuxku wa Hai, ixpulataman, ixkachikin, chu xtiyat. ² Natlawaniya'wa Hai chu xpuxku lantla tlawaniníta wa Jericó chu xpuxku, chu lanchú natiyayatit wa xtumin chu xtakgalhinkan milakán nawan. kawilinítit akgtum xakgsiyat xchekgan kachikin". ³ Chinachú Josué takilh chu lilh putum xlakgchixkuwin wantí xkatsikgoy talatlawanakgoy ankgolh anta nak Hai. Chinachu Josué kalakg'saklí puxumakawmilh lakgchixkuwin, xalakgtliwakga chu lakluku, chu kamalakgachal kiltin ama catzisní. ⁴ Wa kalimapakgsil,kukxilhtit, namapiniyatit akgtum xakgsiyan, xchekgan amaxkachikín. Ni makgat na pininiyatit latá kachikin chinachu putum skgala natolayatit. ⁵ Akit chu putum lakgchixkuwin wantí kintamakgolh, nak ktalakatzuwiyaw anta kachikín. Chu akxni xla na taxtukgoyacha xpalakata na kikatalatlawakgoyan, naktzalanikgoyaw lantla titaxtulh xapulna. ⁶ lhkuk'ku nataxtukkgoyacha nakinkastalanikgayan chu nakalinaw makgan xlak xkachinkan. Chinachú na wankgoy: xlakan kikatzalanimakgon lantla tlawaparakgol axni amá.Chuna chú lhkuk'ku na tsalayaw. ⁷ Chuna chú wixin nataxtuyapitit niku tatzeknintit chu nakchipayatit kachikin. Wa Puchiná namakamastay kachikín nak mimakanká. ⁸ xní nak'akgchipayatit wa kachikin, nalhkuyuyatit. Paks natlawayatit uma axni nakgalhakgaxpatit xlimapaksin tu litamastanit nak xtachuwin Puchiná. Kuxilhtit, kit kalimapaksinitan. ⁹ Josué kamalakgachal chu xlakan ankgol niku xwi akgsiyat, chu xlakan tatsek'kgolh xlakgstipan Betel chu Hai, niku tzankgay chichiní anta Hai. Wacha Josué lhtatalh ama katsisní xlakgstipan kachikin. ¹⁰ Josué takilh lakatsisa ama kiltamakú cho xkatsiputun xpalakata xmakgtakgalhnanin pala skagala xwilakgolh, Josué chu lat kgolotsin xla Israel, chu xlakan talatlawakgolh xkachikin Hai. ¹¹ Putum lak chixkuwin wantí xkatsikgoy xtalatlawanákgoy xtawilakgolh xla takikgolh talakatsuwikgolh nak kachikín. Xlakan talakatsuwikgolh antá kachikin chu titilagtanwikgolh xpekgextu Hai. Lanchu chú xwi kaxtum xlagstipankan xlakan chu Hai. ¹² Xla tiyalh akgkitsismilh tachixkuwitat chú kawililh nak akgsiyat xpakgan niku tsankgay chichiní xlakgstipan kachikin Betel chu Hai. ¹³ Kawilika putum makgtakgalhnanin xanapuxkun xpekgextu kachikin chu makapitsin makgtakgalhnanit kawilika pakgan kachikin niku tsankgay chichini. Josué titamakgaxtajli ama katsisni niku xa kapuskan. ¹⁴ Axní wa puxku xalak Hai lu kakxli xla chu ankgolh talatlawakgoy Israel, xlakatin xakaxtum kgalhtúchoko xta Jordan xlá, ni xkatsi palá na chekatanukan xkachikin chu natalatlawakan. ¹⁵ Josué chu putum Israel tlawankgolh litaxtukgolh xtachuna pí xmakgatsakgonit xlakatinkan, xlakan chu tsalakgolh ankgolh xakaskakni tiyat. ¹⁶ Putum wanti xwilakgolh nak kachikin paks katasanika xpalakata nakstalanikgoy, Josué chu tapatgmakgatnikgolh kachikin. ¹⁷ Nitíku tachixkuuitat tamakgaxtagli nak Hai chu Betel wanti ni xakakstalanilh Israel. Akgxtamakgakgolh kachikin chu pulak'kí makgxtakgolh axni akstalakgolh Israel. ¹⁸ Wa PUCHINÁ wanilh xla Josue: "kalimmakapí mi lilakgxtokgon wanto chípanita nak mímakan antá Haí. "Josué lilhkamakalh xlilakgxtokgon wan tu xkgalhi nak xmakan anta nak kachikin. ¹⁹ Chu makgtakgalhnanin tikú xtatsek'kgonit niku xwilikanit akgsiyat, taxtukgocha chu tsalaná ankgolh' axniy uxkgoy niku limakankanincha ama lilakgxtokon. Xla kan tokgosun tatanucha nak kachikin chu na akgchipakgolh chu lakapalá mapaspitkgol lhkuyat nat kachikin. ²⁰ Lak chixkuwin xalak' Haí talakaspitkgolh chu lakankgolh anta xchekgankan. Uxkgol xtaxtuma jini chu ntu xtokamá nak akgapun anta xkachikinkan chu niniku pakan tlan tsalakgolh. Wa xmakgtakgalhnanin israelitas wa amá tikú stsalakgonit nak xakaskakni tiyat taspitkgol chu lakatawakakgolh xtalatlawananin. ²¹ Axní Josué chu putum Israel huxkgolh pi wa tikú xwilakgol anta kakgsiyat ayxakgchipakgonita kachikin chu xtachaxma jini, xlakan taspitkgolh chu kamakgnikgoka lakgchixkuwin xlak Haí. ²² Chu amakapitsín makgtakgalhnanin xalák Israel, amakgocha wanti xtanukgonita nak kachikin, taxtukgocha minkgocha talatlawakgoy xtalatlawanakán. Chuná chú, lak' chixkuwin xlak Haí kalakgachipawilika xlakstipan xmaktakgalhnanin Israel, amakkgapitsin lakatunu chu amakgapitsin pakganacha lakatunu. Israel talatlawa wa xtachixcuitat xlak Haí: nitiku wanti xakgataxtulh wanti xlatamalh u tsalataxtulh. ²³ Xwilikanit xa'stakna ama xapuxku xalak Haí chu liminikalh xlakatin Josué. ²⁴ Titaxtul chuná akxní Israel masputulh tamakgnin niku la putum nikgolh tachixkuwitat xalak Haí, lakatsu xa pulatam xakaskakní tiyat, niku pulhná xkaputlakgakanit, chu akni putum, nialh chatum akgataxtulh xlakan, nukú paks linikgol stakaká spada, chin chu putum Israel taspit'lhi nak Haí. xlakan limasputunakgolh xa stakaká spada. ²⁵ Xliputum wanti nikgol ama kilhtamakú, lakchixkuwin chu lakpuskatnin, wankgocha akgutiymilh, paks xalak xkachikin Haí. ²⁶ Josué nimaktilh xmakan, niku amá xlichipanit xlilakgxtokgon, palá ni pulána xmalaksputukgolh xliputum xkachikin nak Haí ²⁷ Israel xman tiyalh xwakax chu xlipaks tu kgalhí xtapalh kachikin, chuna chi xlimapakgsinit Puchiná wa Josué. ²⁸ Josué lhkúyulh wa Hai chu limaxtulh nitu xlimakua xlipaán. ama pulatamán takgxtemakgalh antá lachi kilhtamaku. ²⁹ chiwakalh xapuxku xla Hai nak kiwi anta kakgotanulh. akxni chichini xtatsegma, Josué kamapakgsilh chu maktika xtiyat liwa xapuxku nak kiwi chuna kimakgankgolh nak xlakatin langa xamalakgcha kachikin. anú litapukgolh akwilikgolh chiwix lakgtun sipi tlawakgolh. wa nama sipi xla chiwix anta tamakgxtali antá lanchi kilhtamaku. ³⁰ wan chu Josué kaxtlawalh pulakgtakilhputan waxla Puchiná Israel, nax kakiwin Ebal. ³¹ lakuchuna Moisés skuni Puchiná xkalimapakgsinit xpulataman Israel. niku chuna xtatsokgtawilanit nax likgalhtawakgá xlimapaktsin Moises. pulakgtakilhputan xa chiwix akgatuminika , wa niku niti xwilininit xliskujnikan xalikán, wa mastalh tatain tuxtalikilhputa xatalhkuyuni wa puchiná, chu lilakgachixkuwinankholh wantatain tu xa takaksni. ³² Chu anú nakxlakatin xpulatamankan Israel, xla tsokgwililh nakg chiwix wa pakgtum talakgtsogxtu xlimapakgsin xla Moisés. ³³ putum Israel, xlakgolón, xanapuxkun chu tixkatsi xtalakaxtlawanán tatayakgolh nax paxtunin wa xpumakin anta xlakatin xla xpalakachiwina Puchiná chu Levitas tiku xchaxkgonit xpumakin xtalajkaxlán xla Puchiná , chu wanti ni anta xala, chu xalanta, wa itatit tatayalh nak xlakatin kakiwin xla Gerizim chu itat tatayalh nak xlakatin kakiwin Ebal. xlakan sikulnalikgolh xpulataman Israel, lanchuna Moisés skuni puchiná xkalimapakgsinit nak xkilhtsukut. ³⁴ alistalh putum, Josué likaltokgalh xliputum xatachiwin limapakgsin, wa tasikulnalín chu tapatin, wa chuna chix tatsokgtonit nak xlikgalhtawaka xalimapakgsín. ³⁵ Nitú tachiwin, tuku Moisés xlimapakgsinanit, watu Josué ni likalhtawakalh nak xlakatin tixtastokgont xla Israel ,paks chu lakpuskatin, laktsu kgawasan chu na wanti nixalhntá ti xlastipalamakgólh.